Xuti 4:11 - Kakaɨyari Niukieya

¹¹ 'Ukirawetsixi meta yunaitɨ mana kiekari kitenie memukutekai, mɨpaɨ mekaniutiyuani: ―Tame temunenierixɨ tepɨhɨkɨ. »Yawé yaxeikɨa yaketiuyurieni mɨkɨ 'ukaratsi pemɨtiwitɨni hetsiemieme, kemɨtiwaruparewi Xakeri meta Reya nuiwari memukama wahepaɨ, 'ixaheritsixi teɨteriyari kememɨte'akɨ. »'Ekɨta pematsiɨkɨtɨ peke'ayani 'Epɨrata mɨtiyetewatsie, meta waɨkawa pemariwatɨ peke'ayani Wereni kiekariyaritsie.

Xuti 4:11 ပူးပေါင်းရင်းမြစ်များ

Tsutɨarika 29:32

Hikɨ Reya kaniutihukata, xeime 'ukitɨme kaniutiniweni Xuweni katiniterɨwa, mɨpaɨ 'utayɨka: «Yawé pɨnetsi'uxei kenemɨtinehiweriekai, hikɨrixɨa nekɨna pɨnetsinaki'erieka».

Mateu 2:6

»“Peru 'ekɨ, Wereni, Kureya kwieyaritsie mukuma, kepemɨtinenixeiyarie te'aitamete Kura kwieyaritsie watsata, kanimariwani xekiekari. 'Ahetsɨa pɨyenuiwa ti'aitametɨtɨ, neteɨterima 'ixaheritsixi wa'ɨwiyame kanayeimɨkɨ”».

Mikeyaxi 5:2

Matsi 'ekɨ, Wereni 'Epɨrata, kiekari 'etsipemɨyewa Kura nuiwarimama watsata, 'ahetsie pɨyeyani 'Ixaheritsie mɨtita'aita, tsutɨa paitɨ kiekatari puwanuiwari, watukari mɨka'inɨari.

Nɨawari 132:6

'Epɨrata tɨratu kakuniyari teputamari, hikɨ tepeitaxei Yakaxi kwieyaritsie:

Xuti 1:2

Mɨkɨ 'uki 'Erimereki pɨtitewakai, 'ɨyayata Nuhemi pɨtitewakai, niwemamata Makiruni meta Kirihuni. Mɨkɨ yunaitɨ 'Epɨrata kiekatari mepɨhɨkɨtɨkai, Wereni kiekatari Kura kwieyaritsie. Kepauka Muhawi kwieyaritsie memeta'axɨa, mana mepɨyuhayewaxɨ.

Hutarieka 'inɨari 25:9

hikɨ kweya 'ahurawa puyani 'auriena, 'ukirawetsixi wahɨxie, kakaiya xeime panuyehɨna, pi'aɨtsikawiya hɨxienatsie, mɨpaɨ pɨtitahɨawe: “Mɨpaɨ kani'itɨariwani kemɨ'ane mɨkayuwaɨriya yu'iwa nuiwarimama mɨwarexeiyanikɨ”.

Tsutɨarika 24:60

Hikɨ Kakaɨyari mekaniutawawirieni Xeweka hetsiemieme 'aixɨa miyurienikɨ mɨpaɨ me'utiyuatɨ: «Ta'iwa, tame mɨpaɨ tepɨteku'eriwa: Yuwaɨkawame wamaama peke'ayani. 'Anuiwarima kemɨ'ane memɨwaraye'unie meketewaruta'aitɨani wakiekaritetsie».

Temaiwawemete 14:1

'Uka mɨtimaiwe yuniwema 'aixɨa mɨti'anekɨ puwaxewiriya, matsi 'uka mɨkatimaiwe, yɨkɨmana puwataweiyaxɨani yuniwema.

Tsutɨarika 23:10

Hikɨ 'Epuruni Heti tewiyari mana kaniukateitɨni yuteɨterima wahamatɨa, 'ayumieme 'Apɨrahami katiniutaxatɨani humapaitɨ 'eniɨriɨkɨmekɨ, hipatɨta memi'enienikɨ yaxeikɨata kiekari kitenie memuyekɨkakai:

Tsutɨarika 29:25

Hikɨ 'uxa'arieka katinetimani Reya matɨa pɨta mukateikɨ, 'ayumieme Rawani mɨpaɨ katiniutahɨawe: —¿Titayari mɨyapenetiuyuri? ¿Netamɨ nekamatiuta'uximayatsiri Xakeri nemɨtiwitɨnikɨ? ¿Ketitayari penetiu'itai?

Temaiwawemete 31:23

Meta kɨnaya 'aixɨa katinimariwani yukiekaritsie, mɨkɨ katinihɨritɨarieka 'itsɨkate wahamatɨa hakewa mɨkɨ meme'uwa.

Tsutɨarika 29:16

Rawani yuhutame kaniwarexeiyakaitɨni yuniwema 'ukari, kurieya Reya pɨtitewakai, taruyata Xakeri.

Tsutɨarika 35:23

Reya niwemama mepɨhɨkɨ: Xuweni, Kakuwu matɨarieya matɨa, Tsimehuni, Rewi, Kura, 'Itsakaxi meta Tsawuruni.

Tsutɨarika 35:24

Xakeri niwemama mepɨhɨkɨ: Kutse meta Wenikamini.

Hutarieka 'inɨari 25:7

»Xɨka mɨkɨ 'uki ka'iwitɨmɨkɨni yu'iwa wiuraya, 'uka 'ukirawetsixi wahetsɨa kanimieni, kiekari kitenie, mɨpaɨ pɨtiwatahɨawe: “Nekwe pɨkayuwaɨriya 'iwaya kemɨtitewakai 'ixaheritsixi watsata 'akuxi ma'eriwanikɨ. Pɨkayuwaɨriya yamɨtikayani nehamatɨa kemaine 'aitsika kwetsika hetsiemieme”.

1 Te'aitamete 21:8

Mɨkɨ yapauka xapa puti'utɨa kename 'Akawi niukieya, mana ti'aitame tseyuya kaneumanaxɨani, hikɨ kanitanɨ'axɨani 'ukirawetsixi wahetsɨa meta kiekari hetsiemieme memanuyetei wahetsɨa Nawuhuti kie kiekatari.

1 Kemɨtiuyɨ 2:51

Tsarima, Wereni paapaya, meta Karepi, Weti-Karexi paapaya matɨa.

Keremiyaxi 32:10

Hipame memɨnenierekɨ nekaniwarukuxeɨrieni, wahɨxie xapatsie nekaneuyu'ɨtɨani, nekanitseyumani, meta nekatiniuyutuani kemɨraye'arɨkai.