Xuti 4:1 - Kakaɨyari Niukieya

¹ Hikɨ Wuhutsi heyaka, kiekari kitenie kanayerɨni. Mana puyetɨa 'iwaya mɨhɨritɨariekai hetsiena mieme mɨraxaxatakai. Wuhutsi mɨpaɨ katinitahɨawe: ―Kenaye'a ne'iwa, 'ena kenayexi. Mɨkɨ tewi mana 'uyaka mana kanayerɨni.

Xuti 4:1 ပူးပေါင်းရင်းမြစ်များ

Xuti 3:12

'Aixɨatsɨ kani'aneni temɨ'iwamarixikɨ perutsɨ matsi 'akuxi xewitɨ 'apuyeika kemɨ'ane mɨhɨritɨarie para mɨmatsiparewienikɨ.

Hutarieka 'inɨari 25:7

»Xɨka mɨkɨ 'uki ka'iwitɨmɨkɨni yu'iwa wiuraya, 'uka 'ukirawetsixi wahetsɨa kanimieni, kiekari kitenie, mɨpaɨ pɨtiwatahɨawe: “Nekwe pɨkayuwaɨriya 'iwaya kemɨtitewakai 'ixaheritsixi watsata 'akuxi ma'eriwanikɨ. Pɨkayuwaɨriya yamɨtikayani nehamatɨa kemaine 'aitsika kwetsika hetsiemieme”.

Hutarieka 'inɨari 16:18

»'Itsɨkate xekaniwatihɨawikuni 'aixɨa memɨte'akayuruwanikɨ heitseriemekɨ yu'iwama watsata, xexuime kiekaritsie Yawé xekakaɨyari 'anuiwarite mɨwayetuirienitsie.

'Amuxi 5:15

'Axamɨti'ane xeketenexani'erieka matsi 'aixɨa mɨti'ane xeketenenaki'erieka. Tita mɨtiheitserie keti'aitani memati'iwawiyarɨwatsie, mɨpaɨ heiwatɨ Yawé, Kakaɨyari Naimekɨmɨtɨrɨkaɨye, Kutse nuiwarimama memuyuhayewatɨwe warutinenimayata.

Kuwi 31:21

yatɨni xɨka nutuite wahetsiemieme nemama ne'utatsera waɨkawa nemɨyɨwekaikɨ heitseriekamekɨ yanemɨtayɨnikɨ 'itsɨkame nehɨkɨtɨtɨ,

Kuwi 29:7

kepauka nemayeyeikakai kiekari kitenie wa'ɨxatsitɨwame nemɨhɨkɨtɨkai, kepauka yuwaɨkawa memayuxeɨrietsie 'ɨparitsie nemayeixakai,

Hutarieka 'inɨari 21:19

paapaya meta maamaya kiekari kitenie mepenuwitɨni, 'ukirawetsixi wahetsɨa mepitaxata.

Tsakariyaxi 2:6

»Xekenayekɨni, xekenayekɨni. Xekeneuyuta'una mɨkɨ kiekari tayeta mukumatsie —Yawé mɨpaɨ kanaineni—. »Ne nepɨtiuyuri nemɨxeheutaxɨriexɨa nauka 'ekayarikɨ mɨyuawitsie miemekɨ —mɨpaɨ kanaineni Yawé—.

Kitsariyaxi 55:1

»Xekenakɨni haa mayema yunaitɨ kemɨ'ane xemeuhariku. Xekenakɨni xeketenananaiyu meta xeketenakwaiyu kemɨ'ane tumini xemɨka'umana. Xekenakɨni, winu xekeneunanai meta retsi xekateyutuatɨ.

Hutarieka 'inɨari 17:5

mɨya mɨtiuyuri xekananuhanikuni kiekari kitenie 'ahetewakaku, tsepa 'uki yatɨ pɨti'uka, mana kaneuyeweka tetexikɨ mɨmierienikɨ.

Tsutɨarika 23:10

Hikɨ 'Epuruni Heti tewiyari mana kaniukateitɨni yuteɨterima wahamatɨa, 'ayumieme 'Apɨrahami katiniutaxatɨani humapaitɨ 'eniɨriɨkɨmekɨ, hipatɨta memi'enienikɨ yaxeikɨata kiekari kitenie memuyekɨkakai:

Tsutɨarika 34:20

paapaya Kamuxi kaneiteɨta kiekari kitenie paitɨ, mana mekateniutixata kiekatari wahamatɨa. Mɨpaɨ mekateniwarutahɨawe:

Kutsuhexi 20:4

»Kemɨ'ane muyuta'una mɨkɨ xeime kiekaritsie, mana kitenie kaniyutaxatamɨkɨ kemɨtiuyuri naime 'ukirawetsixi mana kiekatari wahɨxie. Mɨkɨ 'ukirawetsixi mekanitanaki'erikuni mana kiekaritsie mekanixatɨakuni kii wahamatɨa muyeikanikɨ.

Xuti 3:18

Hikɨ Nuhemi mɨpaɨ katinitahɨawe: ―Neuxei neniwe, 'akuxi keneta'ikwewani ketiyɨni. Mɨkɨ tewi yumexɨitɨatɨ pɨkatihayewa, 'aixɨa tiyurienike hikɨ tukariyaritsie.

2 Tsamuheri 15:2

Ximeri meripaitɨ heyeikatɨ huye tetsita kaniutakekakaitɨni, kiekari kitenie yateewa. Kepauka xewitɨ mana mutaneni ti'aitame hetsɨa hauyaka para 'aixɨa meiyurienikɨ 'uximatɨarika kemɨrexeiya hepaɨtsita, 'Awitsaruni kanita'iniwakaitɨni 'iku'iwawiyatɨ ke'aneme kiekaritsie meyeyakai. Mɨkɨ xɨka yutahekɨata kemɨ'ane 'Ixaheri nuiwaritsie mɨmieme,

2 Kemɨtiuyɨ 18:9

'Ixaheri kwieyaritsie ti'aitame, meta Kutsapati Kura kwieyaritsie ti'aitame, te'aitamete wakamixate me'anakatɨtɨkaitɨ meta yu'uwenitetsie menatekaitɨni, teɨteri memayukuxexeɨriwatsie Tsamariya kiekariyari kitenieyaritsie, meta wahɨxie yunaitɨ Kakaɨyari niukametemama mekaniku'ukaitɨni metewakuxaxatɨwatɨ.

Nɨawari 69:12

Kitenie memutayaxike nehepaɨtsita niuki mekanixɨatɨaka, memɨtarɨwe 'axa'anemekɨ mekaneniutakwikani.

Temaiwawemete 31:23

Meta kɨnaya 'aixɨa katinimariwani yukiekaritsie, mɨkɨ katinihɨritɨarieka 'itsɨkate wahamatɨa hakewa mɨkɨ meme'uwa.

Keremiyaxi 32:10

Hipame memɨnenierekɨ nekaniwarukuxeɨrieni, wahɨxie xapatsie nekaneuyu'ɨtɨani, nekanitseyumani, meta nekatiniuyutuani kemɨraye'arɨkai.

Tsutɨarika 19:1

Merikɨtsɨ kanikuyɨrirɨmekaitɨniri kepauka niuki tuayamete Tsuruma memɨye'axɨa. Ruti kiekari kitenie kanakateitɨni mɨranutakɨkatɨretsie. Kepauka mɨkɨ mɨwaruxei, kananukukeni watahɨaweke, wahɨxie kwiepa kaniukahɨximakeni.