Xuti 2:12 - Kakaɨyari Niukieya

¹² Yawé kematiyetuirieka kepemɨtiuyurikɨ. Yawé, 'ixaheritsixi wakakaɨyari, hetsɨa pekaninuani mɨmatsi'ɨwiyanikɨ, waɨkawa kematsiparewieka.

Xuti 2:12 ပူးပေါင်းရင်းမြစ်များ

Nɨawari 36:7

witsipɨ'ane 'anaki'eriya mɨmariwe, Kakaɨyari. Yunaitɨ teɨteri mepikaxexeiya memuyu'awietanikɨ 'a'anate 'etɨriyayatɨa.

Nɨawari 91:4

metsɨ yu'anakɨ kamenanukanakamɨkɨ meta 'anateyatɨa muyuti'awieta pɨyɨwe. Yuri kemaine, mɨkɨ 'ahetsie nunuwame payani.

Nɨawari 63:7

'A'anate 'etɨriyayatɨa nepɨkwikani, 'ekɨtsɨ netsiparewiwame pekanihɨkɨtɨni.

Nɨawari 17:8

Kenene'ɨwiyani 'ahɨxi hixɨapa mɨyeka pemɨti'ɨwiya hepaɨ, kenene'awietani, wakana yu'anatɨa yuniwema mɨtiwa'ɨwiya hepaɨ,

Nɨawari 61:4

Nepeiyehɨwa 'akie nemukanikɨ yuheyemekɨ nemɨne'awietanikɨ 'a'anatetɨa.

Hepɨrayutsixi 6:10

Kakaɨyariri mɨpaɨ pɨkayɨane kemɨ'ane heitseriemekɨ yamɨkatikamie hepaɨ, pɨkaxetɨmaiya kexemɨte'uximayakai kexemɨteyuhekɨatakai xeteyukanaki'erietɨ xeme'eriwakaikɨ, kexemɨteyukanaki'eriekai pɨmatsiɨkɨkai xemɨwaparewiekaikɨ teɨterimama, hikɨta kexemɨtewaparewie.

Hepɨrayutsixi 11:26

He'eriwatɨ tita mɨra'iwakekai xeikɨa, mɨpaɨ pɨtiku'eriwakai, kename matsi waɨkawa rexeiyanikekai 'axatikɨhɨawarɨwatɨ Kɨritsitu hepaɨ, kenameta tixaɨtɨ karexeiyanikekai piinite xɨka rexeiyanike 'Ekipitutsie timieme waɨkawa.

1 Tsamuheri 24:19

Xɨka matsi'aye'unie xewitɨ miemɨkɨni, mɨkɨ kaniyɨwenikeyu mimienikɨ. Yawé waɨkawa 'aixɨa kematsiyurieka pemɨnereuyehɨwirikɨ.

Xuti 1:16

Xuti mɨpaɨ katinita'eiya: ―Pepɨkanetsinɨ'aka nemɨyemiekɨ, 'axaɨta nemɨmatsiku'eirienikɨ. »Ne 'ahamatɨa nepɨyemie, hakewa pemetɨa. Hakewa pemekani, neta mana nepekani. 'Ateɨterima, neteɨterima mepɨhɨkɨtɨni. 'Akakaɨyari pɨnekakaɨyaritɨni.

Nɨawari 57:1

Xɨa'ui Kakaɨyari, kenenenenimayaka, keneneutinenimayata, ne 'ahetsie nepɨtiwiya. 'A'anate 'etɨriyayatɨa nepɨneti'awieta, naitɨ 'uximatɨarika ranuyeyayuke nepuwayeyani.

Hepɨrayutsixi 11:6

Tewi yuri xɨka kati'erieka, pɨkayɨwe minaki'aritɨanikɨ, kaneuyeweka mɨpaɨ yuri mɨti'eriekakɨ kemɨ'ane Kakaɨyari 'aurie maye'amɨkɨ, kename 'a'uyeika, kename tiwa'iwitsitɨa mɨkɨ memikuwautɨwe.

Rukaxi 6:35

Matsitsɨ xekeniwanaki'erieka mɨkɨ memɨxe'aye'unie, 'aixɨa xeketeneyurieka, xeketeneyuniɨtɨaka 'atsixekateyu'iyaritɨatɨ. Mɨpaɨ xeteyurietɨ kwini mieme xekatena'iwakuni, kemɨ'ane taheima makawe niwemama xekanihɨkɨtɨkakuni, mɨkɨ 'aixɨa pɨtiuka'iyari mɨkɨ pamɨpariyutsi memɨkateyupitɨwa wahetsiemieme, mɨkɨ 'axamemɨteyurie wahetsiemieme meta.

Mateu 23:37

»Kerutsareme, Kerutsareme 'aku, 'ahetsɨa kiekatari mekaniwatakukuyani Kakaɨyari niukametemama meta mekaniwatituaxani Kakaɨyari nɨ'arimama 'ahetsɨa memɨ'axe. Mɨixa nepɨnewaɨriyakai nemɨwakuxeɨrienikɨ 'atɨɨriyama, wakana yuniwema kemɨtiwakuxexeɨriwa yu'anatɨa hepaɨ, peru mepɨkayuwaɨri.

Mateu 5:12

Xekeneyutemamawieka 'ana xekenenaki'aka mɨpaɨ xetemaitɨ, 'aixɨa 'aneme xekanipitɨariekuni waɨkawa taheima mieme. Mɨpaɨta meteniwaruweiyakaitɨni Kakaɨyari niukametemama meripaitɨ miemete.

2 Timuteu 4:8

Hikɨ nepe'utsiyarie kuruna nemɨmariwakɨ heitseriemekɨ yanemɨtikatɨakɨ, ti'aitame 'itsɨkame kanihɨkɨtɨni heitseriemekɨ yamɨtikamie, mɨkɨ mɨpaɨ pɨnetipitɨani 'iya tukari 'aye'ayu, ne xeikɨa mɨpaɨ pɨkanetipitɨani, matsi yunaitɨ memɨnaki'a munuaximekɨ mɨpaɨ pɨtiwapitɨani mɨkɨ.

2 Timuteu 1:18

Ti'aitame ke'ipitɨaka mɨnenimayatsiekakɨ 'iya tukari 'aye'ayu Ti'aitame kemɨtixeiyani. Naime kemɨtatiparewiekai 'Epetsutsie heyeikatɨ, 'ekɨ matsi yapepɨtimate.

Mateu 6:1

»Xekeneyukweriwayurieka kapa kemɨtiheitserie xeteyurieka teɨteri wahɨxie, mɨkɨ memɨxexeiyakɨ xeikɨa. Mexɨka wahɨxie xeikɨa yaxeteyurieka, xe'ukiyari taheima makawe tixaɨtɨ pɨkatixepitɨani xe'iwarika.

Temaiwawemete 23:18

Mɨpaɨ peti'atemawietɨ pe'ukiratsitɨtɨ pepɨmɨni, titakɨ pemɨtita'ikwewa mɨkɨ hatsuaku pɨkaka'unarieni.

Temaiwawemete 11:18

'Axatiyuruwame kwamanarikakɨ xeikɨa katina'i'iwani, matsi kemɨ'ane heitseriemekɨ yamemɨtekahu wa'iwarika 'aixɨa kani'aneni.

Nɨawari 58:11

Hikɨ teɨteri mɨpaɨ mepɨtiyuani: «Puyuri heitserie memu'uwa mepɨte'akapitɨariwa yu'iwarikakɨ, puyuri xewitɨ Kakaɨyaritɨtɨ 'apuyeika kwiepa heitserie tiyurienetɨ».

Nɨawari 19:11

Kɨmana tewi 'ahetsɨa mieme kanaye'eritɨariwani, Kemɨ'ane memeye'atɨwa waɨkawa 'imikieri pepɨtiwakupitɨwa.

Kurutsetari 2:18

Xewitɨ pɨkaxetawe'erieka, tsepa 'iya mɨyuwaɨriya tixaɨtɨ karayuyeitɨatɨ, tsepa mɨyuwaɨriya mɨwarayexeiyanikɨ Kakaɨyari niuki tuayametemama, tsepa waɨkawa mɨyu'iyaritɨa yuheinɨtsi hepaɨtsita. Kemɨ'ane mɨya mɨ'ane kaniyuta'ɨreni, tita waiyarieyatsie mɨtimieme xeikɨa kana'eriwani,

Xuti 2:11

Wuhutsi kanita'eiya: ―Mɨpaɨ nepɨtimarie, naime kepemɨtiuyuri 'amu'e hetsiemieme kepauka 'akɨna mumɨ, kepemɨtiwaruku'eiri 'apaapama, mɨkɨ kwieyaritsie hakewa pemetinuiwaxɨ, hikɨ mɨkɨ kiekariyaritsie peheyeyaka 'ena pepunua pekahemarietɨ.

Xuti 2:13

Mɨpaɨ kaniutayɨni: ―Xɨkatsɨ tiyɨwenike nematsinaki'atsitɨaka, neti'aitɨwame. 'Ekɨ pepɨnetsinɨtɨa, 'aixɨa penetixeiyatɨ pepɨnetsikɨhɨawe, tsepa nekamati'a'uximayatsiriwame.

Xuti 4:15

'Ikɨ nunutsikɨ 'aixɨa pepɨ'itɨarieka waɨkawa, hetsiena petiwiyatɨ, 'amu'e mutiniwexɨkɨ. 'Amu'e waɨkawa mɨmatsinaki'erie, matsi ke'aniwema me'atahutatɨ».

Keremiyaxi 31:16

Yawé mɨpaɨ kanaineni: «Ketineuhayewa pe'utatsɨatɨ, 'a'ukai kena'itiexɨa, kepemɨtiuka'eniwakɨ mɨkɨkɨ pepɨrakapitɨarieni: 'aniwema 'ukitsi kiekari muwaraye'unietsie mekanayekɨnikuni —Yawé mɨpaɨ kanaineni—.

1 Tsamuheri 24:20

'Ayumieme hikɨ mɨpaɨ nepɨretima, 'ekɨ ti'aitame pekanayeimɨkɨ, 'Ixaheri kiekatari 'aixɨa mete'u'uwatɨ mekanakɨnikuni 'ahamatɨa.