Xumatari 7:18 - Kakaɨyari Niukieya

¹⁸ Ne nepɨtimate, nehetsie tita 'aixɨa mɨti'ane mɨkatiyeka, teɨteri wahepaɨ kenemɨtiuka'iyari. 'Aixɨa nepɨtiyurienenikeyu peru nepɨnetexie 'aixɨa kenemɨtiyurienikeyu.

Xumatari 7:18 ပူးပေါင်းရင်းမြစ်များ

Wani 3:6

Tita tewitsie mɨtiyenuiwa kanitewitɨni, tita 'iyaritsie mɨtiyenuiwa kani'iyaritɨni.

Nɨawari 51:5

Ne mɨpaɨ nepɨtimate nemutinuiwaxɨtsietɨtɨ 'axanepɨtiuka'iyari, 'axanetiyuruwametɨtɨ nemaama hetsie nepɨyenuiwaxɨ.

Karatsiyatari 5:17

Tawaiyari katiniyukahiwe'erieka mɨkɨ 'Iyari kemɨkatiyukahiwe'erie. Meta 'Iyari katiniyukahiwe'erieka tawaiyari kemɨkatiyukahiwe'erie. Mekanayuye'unieka, yaxemɨkateyurienikɨ kexemɨteyuwaɨriya.

Xumatari 7:25

Pamɨpariyutsi nepipitɨa Kakaɨyari, Ketsutsi Kɨritsitu mɨtati'aitɨwame netsiparewiekaku. 'Ayumiemeri, kenemɨtinemate, nepɨti'uximaya Kakaɨyari 'inɨarieyatsie miemekɨ, teɨteri wahepaɨ kenemɨtiuka'iyari pɨta, nepɨti'uximaya 'inɨari 'axamɨ'anetsie mieme.

Kuwi 14:4

¿Kemɨ'ane pɨyɨwe mɨkati'itiya ti'itiyakame mɨrayeitɨani? xewitɨ pumawe mɨpaɨ mɨtiyurieni.

Karatsiyatari 5:24

Mɨkɨ Kɨritsitu Ketsutsi hetsɨa memɨmiemete, kuruxitsie mekanimieni yuwaiyari, mete'uhayewaka kememɨteyumaikai yuwaiyaritsie metewiyatɨ.

Piriputari 2:13

Kakaɨyari kanihɨkɨtɨni kemɨ'ane yamɨtiyuriene xetsata, xekuyuitɨwatɨ xemɨyuwaɨriyanikɨ, 'arike meta yaxemɨteyuriekakɨ, kemɨtixekuyuitɨwa yakatiniyɨmɨkɨ kemɨtinake.

Tsutɨarika 6:5

Hikɨ Yawé nieretɨ teɨteri ke'axa kwinimieme memɨteyuriekai, 'axamɨti'ane hetsie xeikɨa memɨyɨkɨhɨawekaikɨ,

Titu 3:3

Tameri tanaitɨ meripaitɨ 'atsitekatemaitɨ tekaniu'uwakaitɨni meta yatepɨkatekahukai. Tepeuyexɨriekai waɨriyarika tepɨte'uximayakai tita temɨtehiwe'eriekaitsie mieme xeikɨa, mɨiremekɨ temɨnaki'akakɨ xeikɨa tepɨyɨakai. 'Atepu'uwakai 'axateteyuriekutɨ meta te'ɨtetsatɨ. Tepɨxani'eriwakai, tepɨta'uxiwe'eriekai tanaitɨ.

Xumatari 7:19

'Aixɨa kenemɨtiyurienikeyu, mɨpaɨ nepɨkatiyuriene. Matsi 'axakenemɨkatiyurienikeyu, mɨpaɨ pɨta nepɨtiyuriene.

Xumatari 7:15

Nepɨka'imate tita nemɨtiyuriene. Tita mɨnetinake yanepɨkatiyuriene, matsi tita pɨta nemɨti'uxie yanepɨtiyuriene.

Mateu 15:19

Karikɨ 'iyaritsie katinatineikani 'axa'iyaritɨarika, xeime kemɨtiumieni, xeime kemɨtiukumayɨani kayɨ'ɨya kayɨkɨna, kememɨteyukumaɨwa teɨteri kemɨkatiheitserie, 'inawari, 'itarika meta 'axaniuki hipame wahepaɨtsita.

Tsutɨarika 8:21

Kepauka Yawé 'ɨakariyari witsimu'ɨa mu'ukwixɨ mɨpaɨ katiniuyuhɨawe: «Tsepa teɨteri tɨɨriyari paitɨ 'axamemɨteyurie, tawarita kwie 'axanepɨkayurieni tewi ya'ane wiwiekaku. Metatsiere hatsuakuri nepɨkatiwakwini kwiepa memɨtexɨawe, hikɨ kenemɨtiuyuri.

1 Pekuru 4:2

'Ayumieme mexi'akuxi yuwaiyaritsie 'ayeniereni, tiukahiwe'erietɨ pɨkayɨaneni, teɨteri kememɨte'ukahiwe'erie, matsi pɨta Kakaɨyari kemɨtinake katiniyurienemɨkɨ.

Piriputari 3:12

'Akuxi mɨpaɨ nepɨka'ane, 'akuxi nepɨka'aye'awe. Kɨritsitu Ketsutsi pɨnetsi'u'axixɨ, neta nemi'axenikɨ tita mɨnetimini. 'Ayumieme nepɨnemexɨitɨa, yanemɨraye'anikɨ.

Rukaxi 11:13

Xɨka xeme 'axaxeteyuruwametetɨtɨ 'aixɨa ti'aneme xetewamikwani yɨtɨriyama, matsi xe'ukiyari taheima makawe matsi yemekɨ 'Iyari Mɨtiyupata taheima mɨmieme kaniwamimɨkɨ mɨkɨ memitawawiri».

Nɨawari 119:176

Muxa meuyewe hepaɨ nekaniuyɨni, kenaye'a ti'a'uximayatsiriwame kenawaumie, 'a'aitsikate nemɨkahatɨmaiyawekɨ.

Nɨawari 119:40

Ne 'a'aitsika niukiyari nepɨnaki'erie. Tukari keneneupitɨa heitseriemekɨ 'ekɨ kepemɨtiyupitɨwa.

Kuwi 25:4

¿Ketiyɨwe tewi kename 'atsikatiyuruwame mɨtayɨnikɨ Kakaɨyari hɨxie? ¿Tewi ketiyɨwe 'aixɨa 'aneme mayuyeitɨani 'ukaratsi hetsie yenuiwame?

Xumatari 13:14

Matsi xekenanakatɨkɨni kemɨ'ane Ti'aitame Ketsutsi Kɨritsitu mɨhɨkɨ. Xepɨkayuha'aritɨaka yaxemɨteyuriekakɨ kememɨte'ukahiwe'erie teɨteri wahepaɨ xete'u'iyaritɨ.

Xumatari 7:5

Kepauka teɨteri wahepaɨ temɨte'u'iyarikai, 'axaketemɨteyuriekai tetetakahiwe'erietɨ, tawaiyari kaniukuyuitɨariwakaitɨni, 'inɨari niukiyari yatatikuyuitɨwakaku, mɨpaɨ teteyurietɨ temɨkwinikɨ tekateniyuriekaitɨni.

Nɨawari 119:173

'Atɨrɨkariyakɨ keneneuparewi, ne 'a'aitsikate nemanayexeikɨ.

Kitsariyaxi 64:6

Teyunaitɨ teɨteri temɨka'itiyatɨka tepɨhɨkɨ, naitɨ heitseriemekɨ ketemɨteyurie 'ixurikite mɨtɨtɨnini hepaɨ pɨ'ane. Teyunaitɨ tepɨtiwauke kɨye xawari hepaɨ, titakɨ 'axatemɨte'uyuri 'eka hepaɨ pɨtatsi'u'enitsitɨaxime.

Nɨawari 119:5

Waɨkawamekɨ nepɨnewaɨriya nehuye 'aixɨa nemuyurienikɨ, nemeye'atɨanikɨ 'a'aitsika.

Nɨawari 119:32

'A'aitsika huyeyari 'utɨma nekaniunautsarɨmeni, 'ekɨtsɨ waɨkawa nemɨnekɨhɨawenikɨ pekaneniupitɨani.