Xumatari 5:18 - Kakaɨyari Niukieya

¹⁸ 'Ayumieme, xewitɨ 'axamɨtiuyurikɨ kememɨte'anutaxɨriya yunaitɨ teɨteri, mɨpaɨrita yaxeikɨa yunaitɨ teɨteri heitserie mekaniupitɨarieni memayenenierenikɨ, xewitɨ heitseriemekɨ yamɨtiuyurikɨ.

Xumatari 5:18 ပူးပေါင်းရင်းမြစ်များ

1 Kurinitutari 15:22

'Arani hetsie metewiyatɨ yunaitɨ kememɨtetakukuwe, mɨpaɨrita Kɨritsitu hetsie metewiyatɨ yunaitɨ mekananutanieritɨariekuni,

Xumatari 5:12

Merikɨtsɨ tita 'axamɨti'ane katiniuneni kwiepa tewi mɨyuxewikai 'axamɨtiuyurikɨ, 'axamɨtiuyurikɨ kaniumɨni, mɨpaɨrita 'ayumieme yunaitɨ teɨteri mekwi'itɨ mekanakɨne, yunaitɨ 'axamemɨte'uyurikɨ.

Xumatari 5:15

Peru 'axamɨtiuyurikɨ, mɨpaɨta yaxeikɨa tepɨkate'umikie. Mɨkɨ mɨyuxewikai 'axamɨtiuyurikɨ, hipatɨ mepukwi, peru matsi waɨkawa 'aixɨa pɨtiuka'iyari Kakaɨyari, matsi waɨkawa mepɨte'umikie, xewitɨ tewi Ketsutsi Kɨritsitutɨtɨ 'aixɨa tiuka'iyaritɨ kemɨtitimɨiriyaxɨ 'imikieri hipame wahetsiemieme.

Xumatari 5:19

Xewitɨ tewi yakatikamietɨ, hipame 'axateyuruwamete kemɨtiwarayeitɨa, mɨpaɨrita yaxeikɨa xewitɨ yamɨtikatɨakɨ hipame heitserie mehexeiyame kaniwarayeitɨamɨkɨ.

Nɨ'ariekate 13:39

'aitsika Muitsexi hetsɨa mieme pɨka'ɨyɨwekaxɨa 'aixɨa mɨxeyurienikɨ 'axaxeteyuriekaku, peru yunaitɨ Ketsutsi hetsie yuri memɨte'erie 'aixɨa mekani'itɨarieka.

Hepɨrayutsixi 2:9

Ketsutsi xeikɨa ketemɨte'ixeiya, mɨkɨ yapaɨmexɨa kaniukayerieni niuki tuayamete wahepaɨ mɨkatɨrɨkaɨyenikɨ, mɨkɨ mɨtiukwinixɨkɨ kepauka mumɨ, kananutikurunatɨarieni witsi'anetɨ mayanikɨ meta 'aixɨa mɨtixeiyariekakɨ. Kakaɨyari 'aixɨa mɨtiuka'iyarikɨ mɨpaɨ katiniuyɨni, mumɨnikɨ tanaime tahetsiemieme.

Xumatari 4:25

Mɨkɨ pɨyetuiya mumierienikɨ tita 'axatemɨte'uyurikɨ meta panukuketɨarie heitserie temɨpitɨarienikɨ.

Wani 1:7

Mɨkɨ mɨtitahekɨatakɨ, hekɨariya hepaɨtsita, yunaitɨ yuri memɨteta'erienikɨ mɨkɨ tihekɨatakaku.

Wani 12:32

Peru ne xɨka kwie heima ne'anukuhanieni, yunaime nekaniwarahapamɨkɨ nehepa.

1 Wani 2:20

Mɨkɨ mɨpatsie heitserie kanixe'upitɨani xeyunaime, yunaitɨ xepɨtemate.

2 Pekuru 1:1

Ne Tsimuni Pekuru, Ketsutsi Kɨritsitu hetsiemieme nekatini'uximayatametɨni meta nekaninɨ'ariekametɨni, nekanixewaɨritɨaka xeme xemupitɨarie yuri xemɨte'eriekakɨ tahepaɨ, takakaɨyari tatsiwikweitsitɨwame Ketsutsi Kɨritsitu kemɨtixepitɨa heitseriemekɨ yamɨtikamiekɨ.

Wani 3:26

Wani hetsɨa me'u'axɨaka mɨpaɨ mekatenitahɨawe: —Ti'ɨkitame, 'iya 'ahamatɨa meyeikakai hatuxame Kurutani 'anutaɨye, kemɨ'ane hepaɨtsita pemɨtihekɨatakai, katine'ɨyaneni hikɨ, meta yunaitɨ hetsɨana mekani'axeni.

Kitsariyaxi 53:11

'Arikeke tikwineme, hekɨariya kanixeiyamɨkɨ meta 'iyarieya 'aixɨa kaniyɨmɨkɨ, mɨrakumatekɨ neti'uximayatsiriwame heitserie mexeiya heitserie kaniwapitɨamɨkɨ yuwaɨkawame, 'axamemɨte'uyurikɨ pɨranukɨtɨni.

Xumatari 3:25

Kakaɨyari kanikayeni 'itiya mawariyari mayanikɨ xuriyayakɨ temɨteheuyehɨwiyarienikɨ xɨka yuri tete'erieka. Mɨpaɨ tiuyurieka matsiɨkɨme kanayeitɨani heitserie kemɨrexeiya, wahetsie pɨkatiɨhɨa tita meripaitɨ 'axamemɨte'uyuri hepaɨtsita, Kakaɨyari mɨtinewiekaikɨ.

Xumatari 6:14

Xepɨkayɨwaweni xemɨkuyuitɨarienikɨ 'axaxemɨteyuriekakɨ, 'inɨari niukiyari mɨtixe'aitɨakɨ xepɨkayɨa. Kemɨ'ane 'aixɨa mɨtiuka'iyari mɨtixe'aitɨakɨ pɨta xekaniyɨaka.