Xumatari 3:3 - Kakaɨyari Niukieya

³ Kete'aneni xɨka hipatɨ yamekatekahukaitɨni. ¿Kakaɨyari yakatikamietɨ rayeitɨarieni mɨkɨ yamemɨkatekahukaikɨ?

Xumatari 3:3 ပူးပေါင်းရင်းမြစ်များ

2 Timuteu 2:13

Xɨka tetehayewani yatetekahutɨ, mɨkɨ yatikamietɨ 'apuwe kayupatatɨ, pɨkayɨwe yamɨtiyurienenikɨ kemɨkatiuka'iyari.

Hepɨrayutsixi 4:2

Tametsietɨ niuki 'aixɨa manuyɨnekɨ tepɨte'utaxatɨarie yaxeikɨa mɨkɨ wahepaɨ, peru mɨkɨ niuki memu'eni 'atsipɨkawaruyuri, memɨkayutaxewiriyaxɨkɨ mɨkɨ memi'eniekai wahamatɨa yuri memɨkate'uta'erikɨ.

Xumatari 9:6

Perutsɨ Kakaɨyari niukieya pɨkayutexie. Yunaitɨ 'Ixaheritsie memɨyekɨ, mɨkɨ mepɨka'ixaheritsixi.

Kitsariyaxi 55:11

mɨpaɨta pɨ'ane neniuki neteta mayeneika: Nehetsɨa pɨkanuani 'atsikatiyuriwetɨ, matsi yapɨtiyurieni meri kemɨnetinake, pɨraye'atɨani kenemɨtiku'eriwa.

2 Tetsarunikatari 1:3

Neuxei 'iwamarixi, kaneuyeweka tame taheyemekɨ pamɨpariyutsi temipitɨakakɨ Kakaɨyari xehepaɨtsita, kemɨreuyewetse yatemɨteyuriekakɨ xeme keyuri xemɨte'erie xemɨtaweriyarɨmekɨ, meta yuxexuitɨ yunaitɨ xemɨtetamɨiriyarɨmekɨ xeteyukanaki'erietɨ.

Xumatari 10:16

Matsi yunaitɨ yamepɨkatekakɨ niuki 'aixɨa manuyɨne kemaine. Kitsariyaxi mɨpaɨ paine: «Ti'aitame, ¿kepaikɨ yuri pɨtita'eriri tita mɨtiu'eni yatetekuxatakaku tame?»

Nɨawari 84:7

Metsɨ 'ateewa kɨkamete mekaniuhuni, matsi waɨkawa tɨrɨkariya mekanipitɨarieka, Tsiyuni mekaniye'axeni Kakaɨyari hɨxie, kakaɨyarixi muwakakaɨyari hetsɨa.

1 Tsamuheri 15:29

Yurikɨ Kakaɨyari 'Ixaheri rayu'iwame mayeitɨwa, pɨkati'itawa, pɨkayukupata, tewi kemɨtiuxaxata mɨpaɨ pɨka'ane.

'Inɨatsie 23:19

Kakaɨyari mɨmɨwe pɨkahɨkɨ mɨkati'itawa meta mɨka'ikupata. Katinaye'atɨwani kemɨtayɨni yakatinikamieni.

2 Kurinitutari 3:18

Tame tanaitɨ tahɨxie kaheukunakaku tepihekɨata Ti'aitame witsikemɨ'ane, tsepa yɨxaɨyemekɨ, xikɨritsie tewi kemɨtihekɨata. 'Ayumieme tepɨkupatsiwa, witsite'anenetɨ tepakɨnirɨme, hepaɨna teteyuxexeiyatɨ tete'akɨnirɨme. Ti'aitame 'iyaritɨtɨ mɨpaɨ katiniyurieneni.

Mateu 24:35

Muyuawi meta kwie pukumawere, peru neniuki pɨkakumawere.

Xumatari 11:29

Kakaɨyari pɨkayupata kemɨtiwamikwa meta kemɨtiwa'inie.

Wani 1:16

Mɨkɨ tinaime kemɨrexeiya, 'aixɨa tiuka'iyaritɨ teyunaime tame waɨkawa katatiniumini.