Xumatari 3:11 - Kakaɨyari Niukieya

¹¹ kemɨ'ane mɨtimaiwe 'apɨka'uyeika, kemɨ'ane Kakaɨyari mɨkuwaune 'apɨka'uyeika.

Xumatari 3:11 ပူးပေါင်းရင်းမြစ်များ

Nɨawari 53:2

Kakaɨyari muyuawitsie paitɨ teɨteri kaniwataxeiyani, 'iwaunetɨ xeime timaiweme meta Kakaɨyari kuwauneme.

Titu 3:3

Tameri tanaitɨ meripaitɨ 'atsitekatemaitɨ tekaniu'uwakaitɨni meta yatepɨkatekahukai. Tepeuyexɨriekai waɨriyarika tepɨte'uximayakai tita temɨtehiwe'eriekaitsie mieme xeikɨa, mɨiremekɨ temɨnaki'akakɨ xeikɨa tepɨyɨakai. 'Atepu'uwakai 'axateteyuriekutɨ meta te'ɨtetsatɨ. Tepɨxani'eriwakai, tepɨta'uxiwe'eriekai tanaitɨ.

'Utseyaxi 4:6

neteɨterima mepuka'unarie 'atsimekatehetimaika mepɨkwixime. »Metsɨ pepɨka'itanaki'eri tita yuri mɨraine, neta nepɨkametsinaki'erie mawari wewiwame pemɨhɨkɨtɨni. Kakaɨyari niukieya pematɨmaiyaxɨkɨ, netatsiere 'aniwema nekaniwaratɨmaiyamɨkɨ.

Xumatari 8:7

Kemɨ'ane teɨteri wahepaɨ mɨtiyumate, mɨkɨ Kakaɨyari kani'uxieka. Yapɨkatikamie Kakaɨyari 'inɨarieyatsie, meta mɨpaɨ pɨkayɨwe.

Keremiyaxi 4:22

«Neteɨterima mepɨka'u'iyari, mepɨkanetsimate, tɨɨri 'atsimemɨkatemate mepɨhɨkɨ memɨkatemaiwawe. Kwinimieme mepanayeyɨne 'axamemɨteyurienikɨ, 'aixɨa memɨteyurienikɨ mepɨkamate».

Kitsariyaxi 65:1

«Kemɨ'ane memɨkanetsiku'iwawakai wahetsɨa pɨta nepunehekɨataxɨ, kemɨ'ane memɨkanetsikuwautuwekai wahetsɨa yanepɨtiutanaki'eri memɨnetsitaxeiyakɨ. 'Iya nuiwari memɨkanetsihahɨawekai, mɨpaɨ nepɨtitahɨawixɨ: “'Ena nepuwe”.

Kitsariyaxi 55:6

Yawé xekeneutiwawa mexi yuwaɨriya xemikaxeiyakɨ, xekeneutahɨawi mexi 'ahurawa 'uyeika.

Kitsariyaxi 31:1

Xɨa'ui kemɨ'ane 'Ekipitu memekɨka parewiya mekuwautɨwetɨ, meta kemɨ'ane kawayutsixi wahetsie memuyukuparewie, kemɨ'ane kaxetate kuyaxa miemetetsie memuyukuparewie meta memanutiyaxike wahetsie, peru Mɨpatsie 'Ixaheri hetsiemieme memɨkaha'eriwa, meta Yawé memɨkakuwautɨwe.

1 Wani 5:20

Tepɨtemateta Kakaɨyari nu'aya munua, mɨtatsi'enatɨa temimaikakɨ mɨkɨ muyuri Kakaɨyari. Tame mɨkɨ muyuritsie tepɨtewiya nu'ayatsie Ketsutsi Kɨritsitu hetsie. Mɨkɨ yurikɨ kanikakaɨyaritɨni, tukari mɨkaxɨwe kanihɨkɨtɨni.

Xumatari 1:28

Mɨpaɨ memɨkateku'eriwakaikɨ kename 'aixɨa 'ane Kakaɨyari ma'eriwanikɨ, 'ayumieme Kakaɨyari kaniwayetuani kemɨkatinake yamemɨteku'eriwanikɨ, kemɨkatinake memɨteyuriekakɨ.

Xumatari 1:22

Temaiwawemete meyuxatatɨ 'atsimekatemaiwawetɨ mekanakɨne.

Mateu 13:19

Kemɨ'ane mi'eni 'ikɨ niuki Kakaɨyari mɨra'aitatsie mieme, peru 'atsimɨkaretimaiwe, 'axamɨ'ane nuame pinawairieni tita 'iyarieyatsie mɨtiuka'iwiya. Mɨpaɨ kani'itɨarieka huye tetsita muka'iwiya.

'Utseyaxi 7:10

Mariwemekɨ 'Ixaheri pɨtihekɨata yuhepaɨtsita, peru mɨkɨ Yawé yukakaɨyari hetsɨa pɨkanuawe. Mɨyaranuyemietɨ, pɨka'ikuwaune tɨma.

Kitsariyaxi 27:11

Kepauka mɨtiwauke, kɨyexiyari kanitimurikeni, hikɨ 'ukarawetsixi mekani'axeni kɨmana me'atinainike. 'Ikɨ teɨteri memɨkayɨkɨhɨawe mekanihɨkɨtɨni, 'ayumieme muwarutawewi pɨkawanenimaya, nitɨma pɨkawanenimaya kemɨ'ane mɨwarutawewi.

Kitsariyaxi 9:13

Peru teɨteri mɨpaɨ mepɨkatehetimaiwawe kemɨ'ane mɨyɨane mɨtiwakwinitɨa, Yawé Naimekɨmɨtɨrɨkaɨye mepɨkatiwauwawe.

Temaiwawemete 1:22

«Xeme temari 'atsixemɨkatehetimaiwawe 'akuxi, ¿kepaukake xepɨtehayewa mɨyaxeteyurietɨ? Xemeta xeteyukatawe'erietɨ xemutiwaweriyarie, ¿kepaukake xepɨtehayewa xeyutemawietɨ kexemɨte'u'iyarikɨ? Xemeta 'atsixemɨkatemate, ¿kepaukake xepɨtehayewa 'aixɨa mɨti'ane xete'uxiwe'erietɨ?

Temaiwawemete 1:7

Yawé 'ayemakatɨ mɨtiuyemaikakɨ kanitsutɨni, 'atsimemɨkatemate mɨtimaiwenikɨ mɨ'ayumieme mepɨxani'erie meta memɨtaheitseritɨarienikɨ.

Nɨawari 94:8

'Ikɨ xekeneuti'eniexɨa, teɨteri 'atsixemɨkatemate, ¿'atsixemɨkatemate kepaukari xepeiti'enietɨkɨne?

Nɨawari 53:4

¿Kamɨtsɨ 'atsimekatemate 'axamemɨteyurie, kemɨ'ane neteɨterima memɨwakwa'a paa hepaɨ? Hatsuaku Kakaɨyari mepɨkahahɨawe.

Xumatari 3:10

kemɨre'uxa: «Kemɨ'ane heitseriemekɨ yamɨtikamie 'apɨka'uyeika, nixewitɨ tɨma,

Xumatari 3:12

Yunaitɨ mepeuyexɨri, 'axameteyurietɨ mepakɨ. Kemɨ'ane 'aixɨa ti'aneme mɨtiyuriene 'apɨka'uyeika, xewitɨ tɨma pumawe».