Xumatari 3:1 - Kakaɨyari Niukieya

¹ Merikɨte, ¿tita rexeiya huriyu hipatɨ memɨkaheixeiya? ¿Ketiparewie xitekiya 'inɨariyari?

Xumatari 3:1 ပူးပေါင်းရင်းမြစ်များ

Tsutɨarika 25:32

'Etsahu mɨpaɨ kaniutayɨni: —Haakakɨ nepɨmɨxime, tixaɨtɨkɨ pɨkatiyunaki'erie heitserie kenemɨrexeiya nemexɨakametɨtɨ.

Ti'ɨkitame 6:11

Niuki waɨkawa mekananutiyayatsani, matsi tixaɨtɨ pɨkatihɨkɨ. ¿Peru tita tete'a'iwa kɨmana?

Ti'ɨkitame 6:8

¿Mɨtimaiwe waɨkawa matsi kerexeiya keyuri mɨkatimaiwe? ¿Ketitari ra'iwakeyu tixaɨtɨ mɨkarexeiya, yutukari hetsiemieme mɨyɨwenikɨ?

Hepɨrayutsixi 13:9

Xepɨkayuwaɨriyani xemeuyexɨriyanikɨ, 'ɨkitsika yɨkɨ 'aneneme xepɨka'enietɨweni hipame wayeiyaritsie mieme. 'Aixɨa kaniyɨmɨkɨ yu'iyaritsie mɨtseiriyarienikɨ 'iya 'aixɨa tiuka'iyarikaku, peru 'ikwaikɨ hatsuaku pɨkatseiriyarieni, mɨkɨ 'ikwaitsie metewiyatɨ memu'uwa hawaikɨ mepɨka'uparewiya.

1 Kurinitutari 15:32

¿Teɨteri kememɨteniniuki, 'Epetsutsie xɨka ne yeutari wahamatɨa neyumienenike, ketitatsɨkuta nera'iwakekai? Xɨka mɨkite meka'anuku'uitɨarieni, «tepɨtekwaka meta tepɨte'ieka, 'uxa'a temɨkwinikɨ».

Marakiyaxi 3:14

»Xeme mɨpaɨ xekaniutiyuani: “Kakaɨyari xɨka 'ayexeiyani yakɨ xeikɨa pɨtiyu'uxitɨaka. ¿Tita teteha'iwa xɨka 'aitsikateyatsie yatetekahuni meta Yawé Naimekɨmɨtɨrɨkaɨye hɨxie te'u'uwani hiwerika kamixayari te'anakatɨtɨkaitɨ?

Nɨawari 147:20

Mɨpaɨ xeime tawarita nuiwari pɨkayuriwe, 'atsimepɨkatehetimaiwawe mɨkɨ 'aitsikaya hepaɨtsita. Yawé kenɨawarieka.

Wani 4:22

Xeme nenewieri xepipitɨa kemɨ'ane xemɨkamate. Tame pɨta nenewieri tekanipitɨaka kemɨ'ane temɨmate, wikweitsitɨarika mayeneikakɨ huriyutsixi tahetsie.

Xumatari 3:2

Waɨkawamekɨ piparewie, naimekɨ. Kamɨtsɨ meri, huriyutsixi niuki Kakaɨyari hetsɨa mɨmieme hepaɨtsita mepuhɨritɨarie.

Xumatari 3:9

¿Merikɨte keti'ane? ¿Tame matsi 'aixɨa tete'anene? Tixaɨ yemekɨ. Tekateniutahekɨata huriyutsixi kɨriyekutsixi meta yunaitɨ tita 'axamɨti'anetsie kememɨtewiya,