Xumatari 2:6 - Kakaɨyari Niukieya

⁶ Karikɨ Kakaɨyari «mɨkɨ kememɨteyurie katiniwarakapitɨamɨkɨ yuxexuime».

Xumatari 2:6 ပူးပေါင်းရင်းမြစ်များ

Nɨawari 62:12

'ekɨ, Tati'aitɨwame, pepɨti'akanaki'erie waɨkawa, 'ekɨ yuxexuime yunaime yapepɨtiwarakapitɨwa kememɨte'uyurikɨ.

Keremiyaxi 32:19

Kepemɨtiku'eriwa pumamariwawe, yemekɨ witsipɨ'anene 'a'uximayatsika. Pepuwataxeiya yunaime teɨteri kememɨteyurie, yuxexuime yapemɨtiwarakapitɨanikɨ kememɨtekakɨ meta kememɨte'u'uximayataxɨakɨ.

2 Kurinitutari 5:10

Kaneuyewekani tanaitɨ tematsiɨkɨtɨ temayeitɨarienikɨ Kɨritsitu 'uwenieya hɨxie hakewa mɨtatsiheta'iwawiya, taxexuitɨ temɨte'apiniyarienikɨ 'aixɨa ketemɨte'uyuri meta 'axaketemɨte'uyuri, tawaiyaritsie te'u'uwatɨ.

Mateu 16:27

Yuri Tewi kenemɨtihɨkɨ, nekaninuamɨkɨ ne'ukiyari hepaɨ nemariwetɨ neniuki tuayamete wahamatɨa, hikɨ 'ana nepɨtiwarakapitɨani, yuxexuitɨ kememɨte'uyuri.

Keremiyaxi 17:10

«Ne Yawé, 'iyari 'awie nepɨxeiya, meta kemɨtiku'eriwa nepɨ'inɨata, yanemɨtiwapitɨanikɨ yuxexuime kememɨteyurie meta yuxexuitɨ kememɨte'ukaxuxuawere».

Matsiɨkɨtɨ kemɨratɨa 22:12

«Neuxei kwitɨwa nepunuani. Ne wa'iwarika nepɨrapine, meta yuxexuime nekatiniwayetuiriemɨkɨ kememɨte'uyuriexɨa.

Matsiɨkɨtɨ kemɨratɨa 20:12

Hikɨta mɨkite nekaniwaruxeiya 'ukirawetsixi meta tɨɨri yunaime, 'uweni manuwe hɨxie meti'ukame. Xapate kananutayepiyaxɨani, meta xewitɨ, tukari memexeiyanikɨ xapayari, hikɨ mɨkite mekaniuta'iwawiyarieni kememɨte'uyuri hepaɨtsita, kemɨre'utɨariekai xapatetsie.

1 Kurinitutari 3:8

'Etsame meta 'ipawame hamatɨa mekaneuyuyehɨaka. Yuxexuitɨ yu'iwarikatsie mekateni'iwakakuni kememɨtekumaɨwakaikɨ.

Kuwi 34:11

Kakaɨyari tewi kemɨtiu'uximayataxɨkɨ yapɨrekapitɨwa, kemɨreuyewetse hetsiena yapɨtiyuriene.

'Etsekieri 18:30

'Ayumieme, xeme yuxexuime, 'ixaheritsixi, kexemɨteyurie mɨpaɨ nepɨtixe'akapitɨani. Yawé naimekɨmɨyɨwe mɨpaɨ kanaineni. Xeketeneuhayewa tinaime 'axamɨti'ane xeketeneuku'eiri, ke'axaxemɨte'uyuri mɨkaxehekaxɨrienikɨ.

Matsiɨkɨtɨ kemɨratɨa 2:23

Niwemama nepɨwakwini. Mɨpaɨ netiyurieyu yunaitɨ naitsarie memɨyutixexeɨriwa mɨpaɨ mepɨtemaika, ne nepɨhɨkɨ xe'iyari nemɨmate kexemɨteyɨkɨhɨawe. Yuxexuime nepɨtixe'apinirieni kexemɨte'uyuri.

1 Kurinitutari 4:5

'Ayumieme xepɨka'i'inɨatani tukariyari ka'aye'awekaku 'akuxi, Ti'aitame 'akuxi kanuawekaku. Mɨkɨ katinihekɨatamɨkɨ tita mɨtiuti'awietsie yɨwipa. Matsiɨkɨme kaneyeitɨamɨkɨ kememɨteyuriekɨ teɨteri yu'iyaritsie. 'Anakeri yuxexuitɨ 'aixɨa mekatenikɨhɨawarɨwakuni, Kakaɨyari yatiwayetuiriekaku ketita mɨtiwahetsiemiemetɨkai.

Temaiwawemete 24:12

Tsepa mɨpaɨ pemutaine, «Ne 'atsinepɨkatimaikai», Kakaɨyari hɨrixɨa pɨtimaikai 'a'iyari kemɨtiyukɨhɨawekai. Meta 'atukari mɨ'ɨwiya yapɨtimate, mɨkɨ tewi 'akatinapiniyariemɨkɨ kemɨtiu'uximayataxɨ.

Xumatari 14:22

Yuri kepemɨti'erie, 'akɨmana yaketineku'eriwani Kakaɨyari hɨxie. Kaniyutemawieka kemɨ'ane yuhetsie mɨkarahɨpa mɨpaɨ 'aixɨa 'aneme 'erietɨ.

Temaiwawemete 24:2

mɨkɨ meteyukananaimatɨ xeikɨa mekaniu'uwani, meta hipame 'uximatɨarika memuwapitɨanikɨ xeikɨa mekatenikuxatani.

Memeyekɨ 32:34

'Ekɨ kenemie, keniwaranuwitɨki 'ikɨ teɨteri hakewa nematsihetaxatɨa. Niuki tuayame 'ahɨxie kaniumiemɨkɨ. Tukari kanaye'amɨkɨ kepauka nemɨwa'uximatɨani 'axamemɨte'uyurikɨ, 'ana mɨpaɨ pɨtiyɨni.

Ti'ɨkitame 3:17

Merikɨ mɨpaɨta nepɨtiu'eri: «Kakaɨyari heitserie mexeiya meta 'axamɨtiuka'iyari kaniwaranutaxɨriemɨkɨ, muxuawekɨ tukarite yamɨtiuyurienikɨ naimekɨ meta hakewa yamɨreyurienikɨ».

'Etsekieri 18:20

Kemɨ'ane 'axamɨtiyurieni, mɨkɨ kanimieriemɨkɨ, peru nixewitɨ temaikɨ yupaapa hetsiemieme pɨkarayukatuani, meta nixewitɨ yuniwe hetsiemieme pɨkarayukatuani, 'aixɨa mɨtiuka'iyari heitserie pupitɨarieni meta 'axamɨtiuka'iyari pɨrakapitɨarieni 'axamɨti'anekɨ.

'Etsekieri 36:19

Nekaniwareutaxɨriexɨani nuiwarite watsata, hikɨ yumɨireme teɨteri watsata mekaniuyuhayewa. Yanepɨwaruyuri 'axakememɨte'uyurikɨ.

2 Kurinitutari 11:15

'Ayumieme mariweme tepɨka'erie xɨka mɨkɨ hetsiena mieme memɨte'uximaya me'uyupata, mɨkɨ tita mɨtiheitserietsie mieme memɨte'uximaya wahepaɨ memɨteyuxexeiyanikɨ. Mɨpaɨ mepɨte'aye'axɨani, kememɨte'uximaya mɨpaɨ mepɨte'akapitɨarieni.

2 Timuteu 4:14

Herekanituru tepɨakɨ tiwewiwame 'axapɨnetsi'uyuri waɨkawa. Ti'aitame 'epɨrepinirieni mɨpaɨ 'axamɨnetsi'uyurikɨ.

Temaiwawemete 26:10

Tupikɨ timɨmɨme watamɨmɨtɨ mɨtiwakukuinitɨwa yunaime mana memuyekɨka hepaɨ kani'aneni kemɨ'ane mɨkayukuhɨawe muta'ini yukie.