Xumatari 2:22 - Kakaɨyari Niukieya

²² 'Ekɨ mɨpaɨ pemɨtikuxata kename 'aixɨa ka'ane xeime 'ɨyaya mukumaɨwanikɨ meta xeime kɨnaya, merikɨte, ¿petikumaɨwa 'ekɨ? 'Ekɨ mɨpaɨ pemaine kename pewaxani'erie tetexi kakaɨyarixiyari, merikɨte, ¿watukiteta petiunawa?

Xumatari 2:22 ပူးပေါင်းရင်းမြစ်များ

Marakiyaxi 3:8

»¿Kamɨtsɨ tiyɨwe tewi Kakaɨyari mɨtiunawatsirieni? Xeme xekaneteninawatsirietɨweni. »'Akuxita mɨpaɨ xete'u'iwawa: “¿Titakuta tematenawatsirietɨwe?” »Tamɨ tamamatatsie mieme xeime meta 'imikieri xeneteyetuiriwatɨ xepɨte'uhayewaxɨ.

Mateu 12:39

Ketsutsi mɨpaɨ katiniwaruta'eiya: —Hikɨ miemete teɨteri 'axamemɨte'u'iyari, hipame memɨwakumaɨwa, 'inɨari mariweme mekaniku'iwawani. Peru 'inɨari mepɨkapitɨarieni, Kakaɨyari niukameya Kunatsi 'inɨarieya xeikɨa mekanipitɨariekuni.

Tsatiyaku 4:4

Neuxei teɨteri hipame wa'ɨitama xemɨwakumaɨwa. ¿Kari mɨpaɨ xepɨkatemate, xɨka tinaki'erieka tita kwiepa mɨtimieme, Kakaɨyari kani'uxiwe'eriekamɨkɨ? 'Ayumieme kemɨ'ane mɨyuwaɨriya tita kwiepa mɨtimieme mɨtinaki'eriekakɨ, mɨkɨ Kakaɨyari 'aye'unietɨ payuyeitɨwa.

Nɨ'ariekate 19:37

Xekaniwa'atɨani 'ikɨ teɨteri, tsepa 'axamemɨkate'uyuri tuki hepaɨtsita, tsepa 'axamemɨkatekuxata xekakaɨyari hepaɨtsita.

Marikuxi 11:17

Meta katini'ɨkitakaitɨni mɨpaɨ tiwakɨhɨawetɨ: «¿'Ipaɨ tamɨ kare'uxa: »“Nekii nenewieri kiyari pɨtiuterɨwarɨwani yunaime nuiwarite wahetsiemieme”? Peru xeme terɨ xekaneyeitɨani “hakewa tenawayamete memeyu'awieta”».

Mateu 16:4

Hikɨ miemete teɨteri 'axamemɨteyurie meta hipame memɨwakumaɨwa, 'inɨari mepɨkuwautɨwe memixeiyakɨ, peru 'inɨari mepɨkapitɨarieni, Kunatsi 'inɨarieya xeikɨa mekanipitɨariekuni». Hikɨ Ketsutsi waruku'eirieka kaneyani.

Marakiyaxi 1:14

»'Axake'itɨarieka 'iya mɨtiyukwamana, xeime muxa 'uki 'aixɨa mɨ'ane hexeiyatɨ, xɨka ya'utayɨni kename 'iyetuani Yawé hetsɨa, 'ariketa mɨwitekie pɨta xɨka yetuani. Karikɨ ne ti'aitame mɨmariwe nekanihɨkɨtɨni, meta yunaime nuiwarite wahetsɨa nekanayexeiyarieka —Yawé Naimekɨmɨtɨrɨkaɨye mɨpaɨ kanaineni—.

Marakiyaxi 1:8

Xeme tewaxi me'akɨkɨpeme xekaniwa'atɨwani mawari memayanikɨ, mɨpaɨ xepɨteku'eriwa kename mɨpaɨ 'axaka'ane, xepɨwamawa memɨ'ɨkatutuni meta memɨtekukuye, xeme mɨpaɨ xepɨteku'eriwa kename mɨpaɨ 'axaka'ane. ¿Tsiparatsɨ yukuwexinaruri mɨpaɨ 'aneme 'imikieri xekeneyetuiri? ¿Kamɨtsɨ tiyukatemawieni xekɨmana? ¿Kamɨtsɨ xenaki'erietɨ rayani? —mɨpaɨ kanaineni Yawé Naimekɨmɨtɨrɨkaɨye—.

'Etsekieri 22:11

Hipatɨta hipame wa'ɨitama mepɨwakumaɨwa, hipatɨta yumu'e'ema mepɨwakumaɨwa, meta hipatɨ mepu'uwa yutaruma mewananaimatɨ wapaapa yuxewikaku.

Keremiyaxi 9:2

Makumawetsietɨ kii nemɨnexeiyani huye tetsita. Neteɨterima nepuwaruku'eiriwe, 'ateewa nepeyeiwe. Yunaitɨ mɨkɨ hipame wa'ɨitama memɨwakumaɨwa mepɨhɨkɨ, yunaitɨ mepɨnetsi'uku'eiri hipame mepɨwaranukuwei.

Keremiyaxi 5:7

«¿Titayari nemereuyehɨwirieka? 'Aniwema mepɨnetsi'uku'eiri, memɨkakakaɨyarixi wahetsɨa mepɨteyuhɨritɨa. Kepauka nemɨtiwakupiniriekai tita memɨteheuyehɨakai, mɨkɨ memɨkayɨ'ɨitama mepɨwarukumayɨa 'ukarawetsixi yuwaɨkawatɨ memɨwakumaɨwa wakiita mepuyukuxexeɨriwakai.

Nɨawari 50:17

Kenemɨti'aita, pepɨxani'erie, neniuki, pepehɨpa.

Xumatari 12:9

Yakɨ xeikɨa xekayɨatɨ xeketeneyukanaki'erieka. Xe'ixeɨmatɨ tita 'axamɨti'ane, tita 'aixɨa mɨti'anetsie xeketenewiyani.