Xumatari 2:2 - Kakaɨyari Niukieya

² Tame mɨpaɨ tepɨtemate, Kakaɨyari yuri haitɨ mɨwaranutaxɨrɨwakɨ mɨkɨ mɨya memɨteyurie.

Xumatari 2:2 ပူးပေါင်းရင်းမြစ်များ

Tsupuniyaxi 3:5

Matsi Yawé mana muka kemɨtiheitserie yapɨtiyuriene, kemɨkatiheitserie pɨkatiyuriene. Xexuime tukari mukatataretsie kemɨtiheitserie yapɨtiyuriene, meta pɨkatihayewa tukari mɨyehane mukatataretsie, peru 'axatiyuruwame tewiyarika pɨkamate.

Nɨawari 145:17

Yawé heitserie pɨti'uximaya kemɨtayɨni pɨraye'atɨwa meta naime yapɨtiyuriene yunaki'eriyakɨ.

Keremiyaxi 12:1

'Ekɨ, Yawé heitseriemekɨ pekatinikuxatani kepauka nemɨniukixie 'ahamatɨa. Matsi hikɨ nepɨmatitaxatɨanikeyuta 'etsiwa tita mɨtiheitserie hepaɨtsita. ¿Titayari 'axamemɨte'u'iyari 'aixɨa mete'itɨarie? ¿Titayari teyukwamanamete kayuwatɨ mete'u'uwa?

Nɨawari 98:9

Yawé hɨxie xekeneutikwikani, 'ukanamieniri kwiepa 'aixɨa tiyurienike. Kwiepa memɨtama wahetsie 'aixɨa katiniyurimɨkɨ, teɨteri wahetsie 'aixɨa 'anemekɨ katinita'aitamɨkɨ.

Nɨawari 96:13

Yawé hɨxie xekeneutikwikani, 'ukanamieniri. 'Ukanamieniri kwiepa 'aixɨa tiyurienike. Kwiepa memɨtama kaniwataxanetamɨkɨ kemɨtiheitseriekɨ, meta teɨteri wahetsie yuri mainekɨ.

Matsiɨkɨtɨ kemɨratɨa 19:2

kemɨtiyuheitseritɨwa kaniyuritɨni meta 'aixɨa ketiniuka'iyarini. 'Ukaratsi tuminikɨ muyumayɨinɨa mɨmatiwa kaniutaxaneta, kayukɨnama wamayɨanetɨ kwie 'axa'anekame payeitɨa. Kakaɨyari te'uximayatsiriwamete waxuriya metayeurikɨ».

Matsiɨkɨtɨ kemɨratɨa 16:5

Hikɨ niuki tuayame haakɨ mɨhɨritɨarie nekaniu'enieni mɨpaɨ 'utaineme: «'Ekɨ heitserie pekanexeiyani, Pemɨpatsie, pemɨhɨkɨ meta yuheyemekɨ 'apemuyeika mɨya 'anekamekɨ pepɨtiwarakapitɨwa.

Xumatari 9:14

Merikɨte, ¿kete'utiyuaneni? ¿Kakaɨyari kemɨkatiheitserie tiyuriene? Matsi pɨkatixaɨ.

Xumatari 2:5

'Ekɨtsɨ 'a'iyari mɨtse'ikɨ pemɨka'awaɨriyakɨ pemɨtihayewanikɨ kepemɨtiyuriene, 'ahetsiemieme haxɨa pepu'utane, 'iya tukaritsieke kepauka pemɨyehekarienitsie, kepauka matsiɨkɨtɨ mayani heitseriemekɨ kemɨtiwaranutaxɨrɨwa Kakaɨyari.

Nɨ'ariekate 17:31

Xeime tukari pukaye mɨwa'inɨatanikɨ kwiepa memɨtama heitseriemekɨ yɨanetɨ, 'iya 'uki manuyexei yatiyurienekaku. Kakaɨyari yurikɨ niwarutahekɨatɨani yunaime, 'enukuketɨaka mɨkɨ mɨkite watsata».

Tanieri 4:37

'Ayumieme ne, Nawukurunutsuxi, nekaninɨawani, mariweme nekaneyeitɨwani meta 'aixɨa nekanaineni Ti'aitame muyuawitsie makawe hepaɨtsita, yuheyemekɨ kemɨtiheitserie mɨtiyurienekɨ meta heitserie mexeiyakɨ, meta puyuwaɨriya memɨyuti'ɨre tixaɨtɨ mɨkatiwarayeitɨani.

'Etsekieri 18:29

»Matsi 'ixaheritsixi teɨteriyari mɨpaɨ mekaniutiyuaneni: “Yawé heitserie pɨkahexeiya”. Neuxei 'ixaheritsixi teɨteriyari, ¿Ketitatsiekuta heitserie nekarexeiya? Matsi xemepɨta heitseriemekɨ yaxemɨkatekahu xekanihɨkɨtɨni.

'Etsekieri 18:25

»Xeme mɨpaɨ xeputiyuane: “Yawé 'aixɨa pɨkatiuka'iyari”. Peru neuxei xekeneu'enana teɨteri 'ixaheritsixi: ¿Ketitatsiekuta heitseriemekɨ yanekatikamie? Matsi xemepɨta heitserie yaxemɨkatekahu xekanihɨkɨtɨni.

Kitsariyaxi 45:21

Yaxekeneutiyua, xeketeneutahekɨata. ¿Kemɨ'ane 'ipaɨ putayɨ meripaitɨ, kemɨ'ane yaputayɨ meripaitɨ? ¿Kamɨtsɨ ne, Yawé, yanekatiutayɨ? Tawarita xewitɨ Kakaɨyari kaniumaweni, Kakaɨyari heitserie hexeiyatɨ meta tiyuwikweitsitɨwatɨ, tawarita xewitɨ kaniumaweni.

Kitsariyaxi 45:19

Hawaikɨ 'ikɨ kwieyari mɨyɨwitsie 'awiekamekɨ nepɨkaxetahɨawiwe. Meta Kakuwu nuiwarimama mɨpaɨ nepɨkatiwatahɨawiwe: “Xekeneneutiwawa peru xepɨkanetsitaxeiya”. Ne, Yawé, nepɨtikuxata tita mɨtiheitserie, meta yanepaine tita 'aixɨa mɨti'anekɨ.

Nɨawari 9:4

'Ekɨ heitserie pemɨnetsi'upitɨakɨ, nehetsie pepunua, 'ekɨ 'itsɨkame 'aixɨa pemɨtikuyuruwa, 'a'uwenitsie pepaka.

Kuwi 34:23

Kakaɨyari mitixeiyaxɨani pɨkaheuyewetse kepauka muwata'iwawiyakɨ.

Tsutɨarika 18:25

Mɨpaɨ pemɨtiyurieneni matsi 'aixɨa pɨka'ane. Heitseriemekɨ yamɨtikamie xɨka 'umieni 'axamɨtiyuriene hamatɨa meta yaxeikɨa memɨte'anuyehuni yunaitɨ. Mɨpaɨ matsi hatsuaku pepɨkatiyurieneni. 'Ekɨ 'itsɨkame pekanihɨkɨtɨni 'ikɨ kwie naime hetsiemieme. ¿Tamɨ kemɨtiheitserie pekatiyurieni?

Xumatari 2:1

'Ayumieme, 'ekɨ tsepa kepemɨpaikɨ pemɨniukixie, 'ahetsiemieme pepɨkataniuni. Xeime kepemɨtiniukima, mɨkɨkɨ pepɨ'aniukima, karikɨ yaxeikɨata 'ekɨ pekatiniyurieneni kepemɨtiniukixie hekɨ.

Xumatari 2:3

¿Kamɨtsɨ 'ekɨ pemɨwaniukima mɨkɨ mɨya memɨteyurie, wahepaɨ petiyurienetɨ keri petiku'eriwa 'ekɨ pemɨtawikwenikɨ kepauka Kakaɨyari matsi'anutahɨanitsie?