Xumatari 2:10 - Kakaɨyari Niukieya

¹⁰ Kaniwapitɨamɨkɨ witsime'anenetɨ memakɨnekɨ, 'aixɨa memɨtexeiyariekakɨ meta yu'iyaritsie memɨka'uximatɨariekakɨ katiniwapitɨamɨkɨ yunaime 'aixɨa memɨteyurie, huriyutsixi meri, kɨriyekutsixi meta.

Xumatari 2:10 ပူးပေါင်းရင်းမြစ်များ

Kitsariyaxi 32:17

Tita mɨtiheitserie kayuwatɨ mexeiyanikɨ mɨ'ayumieme kanayehɨamɨkɨ, 'aixɨa 'iyari temu'uwanikɨ 'ikwaxiyari kanayehɨamɨkɨ.

Kitsariyaxi 26:12

Yawé, 'ekɨ kayuwatɨ pepɨxuawitɨa tahetsiemieme, 'ekɨtsɨ pekanihɨkɨtɨni yapemɨtiyuriene naime ta'uximayatsikakɨ.

'Inɨatsie 6:26

Yawé kematsiparewieka kayuwatɨ kematsipitɨaka”.

1 Pekuru 1:7

Huru, tsepanetɨ mɨxɨwe, taikɨ kwaxiyarietɨ waɨkawa kanixawatuni. Xemeta yuri kexemɨte'erie mɨpaɨ pɨ'ane, huru kemɨkaraye'axe matsi mɨkɨ waɨkawa katinaye'aka, mɨpaɨ xete'inɨatsietɨ matsi xeyɨwawetɨ xekanakɨnikuni, Kakaɨyari 'aixɨa pɨtayɨni xehepaɨtsita, meta witsipɨtixexeiya kepauka Ketsutsi Kɨritsitu matsiɨkɨtɨ mayani.

Tsatiyaku 3:13

Kemɨ'ane xeme mɨtimaiwe, xɨka waɨkawa timaika, 'aixɨa 'anemekɨ tiyurienetɨ keyuhekɨatani, tixaɨtɨ karayuyeitɨatɨ, kemɨreuyewetse mɨpaɨ mɨtiyurienenikɨ timaiwetɨ.

Xumatari 8:6

Xɨka teɨteri wahepaɨ tiyumaika, kanimɨmɨkɨ. Xɨka 'Iyari hepaɨ tiyumaika, kanayenierekamɨkɨ, yu'iyaritsie pɨka'uximatɨarieka.

Xumatari 2:7

Mɨkɨ mete'uka'eniwatɨ 'aixɨa meteyurietɨ memɨtekuwautɨwe witsime'anenetɨ kememɨte'akɨnekɨ, 'aixɨa memɨtexeiyariekakɨ meta kememɨkatetipɨnekɨ, mɨkɨ kaniwapitɨamɨkɨ yuheyemekɨ memayenenierenikɨ.

Rukaxi 1:79

Mɨwahekɨariwiyakɨ mɨkɨ yɨwipa memu'uwa, meta mɨkɨ mekwi'iwarɨmetɨ memɨyɨriyarie niwahekɨariwiyamɨkɨ, ta'ɨkate katanitseiriyamɨkɨ temeu'uwanikɨ hake 'aixɨa temɨtetaxeiyanikɨ Kakaɨyari matɨa».

Kuwi 22:21

»Kakaɨyari hetsɨa 'aixɨa kene'ayuri, kayuwatɨ pehexeiyame kene'ayeitɨa mɨkɨ hamatɨa, 'ahetsie katinanuamɨkɨ perexeiyatɨ pemayanikɨ.

Tsatiyaku 2:22

Mɨpaɨ pekatinetimaniri, yuri ti'erietɨ mɨkɨ, meta kemɨtiyurienekai 'axeikɨa, yuri kemɨti'eriekai, yuheyemekɨ hekɨakamekɨ yapɨtiuyuri.

Karatsiyatari 5:6

Kɨritsitu Ketsutsi hetsie xɨka tiwiyani, yatɨni xitekiya 'inɨariyari tsepa mexeiya, matsi pɨta kaneuyeweka yuri mɨti'erieka xeikɨa, tiyukanaki'erietɨ muyeikanikɨ.

Xumatari 5:1

Merikɨte heitserie temupitɨariekɨ yuri tete'erietɨ, 'ayumieme 'aixɨa tekatenitaxeiyani Kakaɨyari hamatɨa, Tati'aitɨwame Ketsutsi Kɨritsitu yatatipitɨakaku.

Xumatari 2:9

Kaniwahiweritɨamɨkɨ meta kaniwa'uximatɨamɨkɨ yunaime teɨteri yu'iyaritsie 'axamemɨteyurie, huriyutsixi meri, kɨriyekutsixi meta.

Wani 16:33

'Ipaɨ nekatinixekuxaxatɨwakaitɨni yu'iyaritsie xemɨka'uximatɨariekakɨ nehetsie xetewiyatɨ. Kwiepa 'uximatɨarika xekanexeiyakakuni, yu'iyari xekeneukayetsa matsi, ne nekane'iwa tita kwiepa mɨtimieme.

Piriputari 4:7

'Ana Kakaɨyari kanixepitɨakamɨkɨ yu'iyaritsie xemɨka'uximatɨariekakɨ, mɨpaɨ tixepitɨatɨ xe'iyari kani'ɨwiyakamɨkɨ, tsepa xeme 'atsixemɨkatemate kemɨtiyɨweni mi'ɨwiyanikɨ, kexemɨteyɨkɨhɨawetsie kanixe'ɨwiyakamɨkɨ Kɨritsitu Ketsutsi hetsie xetewiyakaku.

Karatsiyatari 5:22

Matsita 'Iyari kemɨtixuaweriya, 'ipaɨ pɨta tewi katiniyurienemɨkɨ. Katiniyukanaki'eriekamɨkɨ, kaniyutemawiekamɨkɨ, yu'iyaritsie pɨka'uximatɨarieka, katiniuka'eniwamɨkɨ, 'aixɨa katiniuka'iyarikamɨkɨ, 'aixɨa kaniwayurienemɨkɨ hipame, yakatinikamiemɨkɨ kemaine,

Xumatari 15:13

Kakaɨyari mɨtiyupitɨwa tita xemɨtetakwewie yuri xete'erietɨ, mɨkɨ kexehɨniyani naimekɨ xemɨyutemamawiekakɨ yu'iyaritsie xemɨka'uximatɨariekakɨ mexi yuri xete'erie, matsi waɨkawa yuri xemɨte'eriekakɨ xeta'ikwewatɨ, 'Iyari Mɨtiyupata xetɨrɨkariyakaku.

Xumatari 14:17

Kakaɨyari 'i'aitɨakaku xɨka tewi 'a'uyeikani, tsepa mɨtikwa'a tsepa mɨranuye'e, heitserie kaniupitɨarieni, yu'iyaritsie pɨka'uximatɨarie, kaniyutemawieka 'Iyari Mɨtiyupata hetsie tiwiyatɨ.

Xumatari 9:23

Mɨpaɨ pɨtiuyuri mɨtihekɨatanikɨ waɨkawamekɨ witsikemɨti'ane, witsi'aneme 'ayeitɨatɨ minenimaya, meripai mikuha'aritɨa witsi'anetɨ mayanikɨ.

Xumatari 9:21

¿Tamɨ 'iwewame heitserie karexeiya haxu hepaɨtsita, xeitapuriyarikɨ mɨtitiwewienikɨ xeime xari witsimɨtixeiyariekakɨ, xeimeta 'axamɨtixeiyariekakɨ?

Nɨ'ariekate 10:35

matsi yuxexuime nuiwarite watsata kemɨ'ane me'eyemakatɨ meta kemɨ'ane heitseriemekɨ yameteyurietɨ memu'uwa mɨkɨ pɨwaxeiya.

Wani 12:26

Xɨka tewi neti'uximayatsiriwame 'ayeimɨkɨni, kenetsiheweiya. Hakewa nemeyeikani, manarita kaniuyeikamɨkɨ neti'uximayatsiriwame. Xɨka tewi neti'uximayatsiriwame hɨkɨtɨni, ne'ukiyari 'aixɨa pɨtixeiyani.

Rukaxi 22:14

Hikɨ 'aye'aku, mexatsie kaniutiyerɨni meta nɨ'arimama yaxeikɨa.

Rukaxi 19:42

mɨpaɨ 'utaitɨ: —'Ekɨtɨtɨ tsikere 'ikɨ tukaritsie xɨka tɨma peheitimanike tita mɨreuyewetse para 'aixɨa pemɨtixeiyariekakɨ. Matsi kaniuti'awietsieni hikɨ 'ahɨxikɨ pemɨka'ixeiyakɨ.

Rukaxi 12:37

'Aixɨa mekani'itɨariekakuni mɨkɨ te'uximayatamete xɨka wakutsiyari nuame waretaxeiya me'ayeneniereme. Yurikɨ nepɨtixekɨhɨawe, panayɨhɨani, mexatsie pɨwarutiyatsa, mana 'uyeikatɨ pɨtiwamini.

Rukaxi 9:48

Mɨpaɨ katiniwarutahɨawe: —Kemɨ'ane mitanaki'erieni 'ikɨ nunutsi nehetsɨa mɨmiemekɨ, mɨkɨta ne pɨnetsitanaki'erieni, meta kemɨ'ane mɨnetsitanaki'erieni, kemɨ'ane mɨnetsiheyenɨ'a kanitanaki'erimɨkɨta. Kemɨ'ane yunaime xetsata matsi waɨkawa tixaɨ mɨkatihɨkɨ, mɨkɨ matsi kanimariweni.

Mateu 10:13

Xɨka kiekatari 'aixɨa mete'u'iyarini, xewaɨritsika keyuhayewani wahetsie, mexɨka 'aixɨa mekate'u'iyarini, xewaɨritsika ke'akunuani xehetsie.

Keremiyaxi 33:6

»”Yaxeikɨata 'aixɨa meteheu'eriekame nekaniwarayeitɨamɨkɨ, nekaniwati'uayemamɨkɨ, nekaniwaranayexɨrimɨkɨ, yurikɨ 'aixɨa 'iyari memu'uwanikɨ yanekatiniyurimɨkɨ.

Kitsariyaxi 57:19

mɨpaɨ mete'ukwikame nekaniwarayeitɨamɨkɨ: Kayuwatɨ mepɨpitɨarieni 'ateewa memu'uwa, meta 'ahurawa memu'uwa. Ne 'aixɨa meteheu'eriekame nekaniwarayeitɨamɨkɨ ―Yawé mɨpaɨ kanaineni―,

Kitsariyaxi 48:22

«'Axamɨtiuka'iyari kayuwatɨ pɨkahexeiya», Yawé mɨpaɨ kanaineni.

Kitsariyaxi 48:18

Xɨka ne'aitsika pe'u'enienike, kayuwatɨ pemexeiyakɨ hatɨa hepaɨ pɨ'anenike, heitseriekamekɨ kepemɨtiuyeika haramara hamewariyari muwakɨka hepaɨ pɨ'anenike.

Temaiwawemete 11:18

'Axatiyuruwame kwamanarikakɨ xeikɨa katina'i'iwani, matsi kemɨ'ane heitseriemekɨ yamemɨtekahu wa'iwarika 'aixɨa kani'aneni.

Temaiwawemete 8:18

Nehetsɨa waɨkawa mɨrexeiyanikɨ kanixuaweni meta 'aixɨa pemɨramamatiwanikɨ, waɨkawa pepɨtiukaxexeiyani meta 'atiteriwemekɨ pepɨrexeiyani.

Nɨawari 37:37

Kwi keniwaruxeiyata 'aixɨa memɨtekahu: tukari 'upamie kayuwatɨ memɨkuwautɨwe wahetsiemieme.

Nɨawari 29:11

Yawé yuteɨterima tɨrɨkariya kaniwapitɨaka, Yawé yuteɨterima 'aixɨa kaniwayurieka kayuwatɨ wapitɨatɨ.

Nɨawari 15:2

Hetsiena mɨkarahɨiwa xeikɨa kaniyɨweni, 'aixɨa mɨtiyuriene yu'iyarikɨ yurikɨ mɨtikuxata,

1 Tsamuheri 2:30

»Mɨya pemɨtiuyurikɨ, hipame 'a'iwama nepɨkawapitɨani, tsepa kenemutayɨkai meripaitɨ 'atewarima kename yunaitɨ 'a'iwama 'apaapama yaxeikɨa 'aniwema menetsiparewiekakekai yuheyemekɨ. Ne Yawé 'Ixaheri Kakaɨyarieya yanekaniutayɨni. Nekaniwa'enieka memɨnetsi'enie, tixaɨtɨ nepɨkatiwarayeitɨa memɨnetsi'uxie.

1 Pekuru 5:4

Kepauka muxatsi wahɨwemete wa'ukiyari xeiyarietɨ mayani, kuruna witsimɨ'ane mɨkayeiwe xekaniyetuiriyariekuni.

Wani 14:27

Mɨpaɨ nepɨtixe'uhayewi, yu'iyaritsie xemɨka'uximatɨariekakɨ, nehepaɨ yu'iyaritsie xemɨka'uximatɨariekakɨ nepɨxepitɨa. Kwiepa memɨtama kememɨteyupitɨwa mɨpaɨ nepɨkatixepitɨa, xe'iyari pɨkayumuinaneni, meta pɨkamamaka.

Kitsariyaxi 55:12

Xeme xepayekɨne xeyutemamawietɨ meta xepanuwitɨkieni yuhuyeta kayuwatɨ. Xe'uhukaku, hɨri 'etsimɨtɨtɨ meta 'amɨtɨtɨ mepɨtihiwa karima meyutemamawietɨ, meta mepɨtetapini yunaitɨ kɨyexi yeuta miemete.

1 Timuteu 1:17

Kemɨ'ane kwiepa naime mɨti'aitame yuheyemekɨ, kemɨ'ane mɨkapɨniwe, mɨkaxeiyariewe, yuxewitɨ timaiwetɨ Kakaɨyari, mɨkɨ mariweme kexatsiwani meta witsiketixeiyarieka yuheyemekɨ tsepanetɨ xeitsienituyari wiyari manuyekɨka. Mɨpaɨ xeikɨa kani'aneni.

Hepɨrayutsixi 2:7

Pekaniwarukayatsa niuki tuayamete wahepaɨ memɨkatɨrɨkawinikɨ, kuruna pekaniwaranutimanirieni witsime'anenetɨ memakɨnekɨ 'aixɨa memɨtexeiyariekakɨ,