Xumatari 13:4 - Kakaɨyari Niukieya

⁴ Kakaɨyari parewiwameya kanihɨkɨtɨni 'aixɨa pemɨ'itɨarienikɨ. Mexɨka 'axapetiyurieneni, keneumaka. Yakɨ pɨkahekwe'e 'ixipara. Kakaɨyari parewiwameya kanihɨkɨtɨni haxɨakɨ mɨrepinirienikɨ kemɨ'ane 'axamɨtiyuriene.

Xumatari 13:4 ပူးပေါင်းရင်းမြစ်များ

Xumatari 12:19

Nenaki'erima, yuhetsiemieme xepɨkayukwitɨweni, matsi xeketenehayewani Kakaɨyari pɨta mɨwahekanikɨ. Mɨpaɨ pɨre'uxa: «Ne xehetsiemieme nepɨnemieneni, 'anepɨrapika ne,» kanaineni Ti'aitame.

Temaiwawemete 20:2

Ti'aitame kepauka mɨha'a maye muyutahaxɨatɨwa hepaɨ kani'aneni, kemɨ'ane miyehaxɨatɨani tukarieya pukweriwa'aneni.

Temaiwawemete 16:14

Ti'aitame haxɨaya katiniyumemiwani, matsi kemɨ'ane mɨtimaiwe kaniyɨweni minɨtɨanikɨ.

2 Kemɨtiuyɨ 19:6

meta mɨpaɨ katiniwarayehɨtɨani: «Kexemɨteyurie xekeneyukweriwayurieka, tewi pɨkaxe'anuka'uitɨa matsi Yawé pɨta, mɨkɨ xehamatɨa kaniuyeikamɨkɨ kepauka yaxemɨtiyuani kemɨ'ane heitserie mexeiya.

1 Tetsarunikatari 4:6

Xepɨka'anuyehaitɨrɨweni, xepɨka'ikwamana yu'iwa kexemɨteyurie. Ti'aitame 'apɨrapika mɨkɨ naimekɨ, meripai ketemɨtexe'utahɨawixɨ, ketemɨtexekuhekɨatsitɨiya.

Xumatari 13:6

'Ayumiemerita xepɨteyutua xemɨxɨxɨninikɨ. Mɨkɨ Kakaɨyari parewiwametemama mekanihɨkɨtɨni, mɨkɨkɨ mekani'ayumiemetetɨni.

Mikeyaxi 3:9

Xeme 'ikɨ xekeneu'eni, Kakuwu nuiwarimama wakuwexinaruritsixi, meta 'itsɨkate 'Ixaheri kwieyaritsie miemete, tita mɨtiheitserie xepɨxani'erie meta xepitituna niuki heitserie mɨtikuxata,

'Etsekieri 25:14

Nekiekari 'Ixaheri hetsiemieme 'Erumi nekatinikuhɨwiriemɨkɨ. Neteɨterima yamekateniyurikuni ne kenemɨreuha'a kenemaineni. 'Ana mɨpaɨ mepɨtehetimani kehepaɨ nemɨtiyukɨhɨpa. Yawé naimekɨmɨyɨwe mɨpaɨ kanaineni».

'Etsekieri 22:27

Kiekaritsie memɨ'itsɨkate, yawixi memayu'eririya mepɨhɨkɨ yeutari memɨwakwa'a, mekanitahupani xeikɨa xuriya metayeurienike, hipame mewakwikutɨ, mɨpaɨ memɨte'iwanikɨ 'axa'anemekɨ.

Keremiyaxi 5:28

kwinimieme metewaiyatɨkaitɨ meta meyuti'ɨretɨ. Ke'axamemɨteyurie hawaikɨ pɨkaheu'axe: nutui hetsiemieme 'aixɨa mepɨkate'akayuruwa, 'aixɨa 'anemekɨ 'amuyeikanikɨ, metatsiere tixaɨtɨ memɨkateheuxeiya heitserie kememɨtehexeiyakɨ yamepɨkateyurie».

Kitsariyaxi 1:17

'Aixɨa mɨti'ane pɨta xeketenemaika. Mɨtiheitserie xekeneutiwawa, mɨtiuyukananaima xekeneutati'a. Nutui hetsiemieme xekeneutaniu meta wiura hetsie xekenenuaka».

Temaiwawemete 20:26

Ti'aitame mɨtimaiwe tɨriku manuyexɨrɨwa hepaɨ pɨtiyuriene, mɨkɨ 'axateyuruwamete murinata hepaɨ kaniwareuyetɨxɨni.

Temaiwawemete 20:8

Kepauka ti'aitame yu'uwenitsie 'amayerɨni wataxanetake, mɨkɨ 'ana xeinieriyarikɨ tinaime 'axamɨti'ane katinaku'itiwani.

1 Te'aitamete 10:9

Meta 'aixɨa kerahɨawarɨwani Yawé 'akakaɨyari, muyutemawie 'ahetsiemieme meta ti'aitame mɨmetsi'ayeitɨa 'Ixaheri kwieyaritsie. Yuheyemekɨ 'Ixaheri naki'erietɨ, Yawé ti'aitame kamanayeitɨani pemɨtita'aitakɨ kehapaɨ 'aixɨa mɨ'ane meta kemɨtiheitserie».

Kutsuhexi 20:9

Yunaitɨ 'ixaheritsixi yatɨni 'ateewa kiekatari kemɨ'ane mɨtiyumieni ka'imaime muyuta'una pɨyɨweni mɨkɨ kiekaritetsie, mɨka'imienikɨ kemɨ'ane mikuwaune 'imienike, meka'itaxanetawekaku 'akuxi teɨteri memayuxeɨrietsie.

Kutsuhexi 20:5

Xɨka 'enukuweiya xewitɨ 'imienike mɨrapinekɨ, xɨka mɨkɨ kiekaritsie ye'ani 'ukirawetsixi mepɨka'iyetuirieni, mɨkɨ 'ari memitanaki'eriekaikɨ mɨtiuyumi ka'imaika nitixaɨtɨ karayexeiyatɨ hamatɨana.

1 Pekuru 2:14

Yaxeketenekahuni kuwexinaruritsixi kememutiyuane, kwiepa ti'aitame mɨwareyenɨ'axɨakɨ memɨwaraye'eritɨanikɨ mɨkɨ 'axamemɨteyurie, 'aixɨa memɨtewatahɨawekɨ mɨkɨ 'aixɨa memɨteyurie.