Xumatari 11:9 - Kakaɨyari Niukieya

⁹ Meta Rawiri mɨpaɨ paine: «Mexatsie kepauka memɨte'apika, 'ipari ke'ayani, winiyari ke'ayani wahetsiemieme, Meke'utiketamɨrixɨani muwa, 'amemɨte'apine hepaɨ mekete'epinirieni.

Xumatari 11:9 ပူးပေါင်းရင်းမြစ်များ

Nɨawari 28:4

Yaketiniwarupitɨa kememɨte'uyuri, 'axakememɨteyuriekaikɨ. Kememɨte'u'uximayataxɨ mɨpaɨ ketiniwarupitɨa, tita mɨtiwahetsiemieme.

Hepɨrayutsixi 2:2

Kamɨ mɨkɨ niuki mutaxatsie niuki tuayamete taheima miemete yametekuxatakaku, mɨkɨ kaniyuritɨkaitɨni, yunaitɨ memititsanaxɨa meta yunaitɨ memɨka'i'eniekai mekatenakapitɨarieni, wahetsie kemɨtinakekai, kemɨreuyewekai.

Rukaxi 12:20

Perutsɨ Kakaɨyari mɨpaɨ katinitahɨawe: “Kari 'atsipepɨkatimate. Hikɨ tɨkarikɨ 'a'iyari pepɨtawawiyarieni. ¿Tita pemɨtiuti'utaxɨ, kemɨ'ane piiniteya pɨrayani 'ana?”

Kitsariyaxi 66:9

Xɨka ne niweyametsie nereuyepieni, nepipitɨani nunutsi mɨtinuiwakɨ ―Yawé mɨpaɨ kanaineni―. Nepɨkareunani niweyametsie, karikɨ ne nemɨhɨkɨkɨ memɨtiniweyanikɨ yanemɨtiwakupitɨwa ―'akakaɨyari mɨpaɨ kanaineni―.

Kitsariyaxi 59:18

Yapɨtiwapitɨani kememɨte'uyuri, 'ateewa haramara tetsita kiekatari yapɨwayurieni: waɨkawa ha'atɨ memeye'unie wahepaɨtsita, meta pɨtiwarakapitɨani.

Temaiwawemete 1:32

Kememɨteheuyexɨri meta tita 'atsimemɨkatematekɨ mɨkɨ puwakwini, watemawierika tixaɨtɨ mɨkatiyunaki'erie puwareuyehɨani.

Hutarieka 'inɨari 32:35

Neta yaxeikɨa 'anemekɨ nepɨtiwarakapitɨani. Kepauka tukari yamɨraye'ani, mepekaxɨrieni. Tukari pehurari mexɨiwa paye'axime kememɨtekwine”.

Mateu 16:23

Ketsutsi kwi 'enutaxeiyatɨ mɨpaɨ Pekuru katiniutahɨawe: —Xaɨtsie keneuye'a, Kauyumarie. Pepɨnetsikunuitɨamɨkɨ, Kakaɨyari hepaɨ pepɨkare'iyari, teɨteri wahepaɨ pɨta pepɨre'iyari.

Xumatari 14:13

'Ayumieme tepɨkataniukimatɨweni. Matsi 'ipaɨ pɨta xeketeneyumaika, xemɨkaheikahɨanikɨ titatsie mɨtitiketamɨre xe'iwa, meta titakɨ mɨratiweni.

Kuwi 18:10

Winiyari kwiepa 'awie kumatɨ kanitakwewieka, winiyari manumietsie kanikuwereni.