Xumatari 10:3 - Kakaɨyari Niukieya

³ 'Atsimepɨkatemate heitserie kemɨtiyupitɨwa Kakaɨyari, yɨkɨmana pɨta mepɨtekuwautɨwe heitserie kememɨteyupitɨanikɨ. 'Ayumieme yamepɨkatekahu Kakaɨyari kemaine, heitserie mɨwapitɨanikɨ.

Xumatari 10:3 ပူးပေါင်းရင်းမြစ်များ

Piriputari 3:9

hetsiena netiwiyatɨ yanepɨtixeiyariekakeyu xeikɨa. Nekɨmana heitserie nepɨkahexeiya, 'inɨari niukiyaritsie yanetikamietɨ heitserie nepɨkanepitɨa nekɨmana. Matsi heitserie kenemɨrexeiya, Kɨritsitu hetsie yuri nemɨti'eriekɨ pɨta heitserie nekanexeiyani, Kakaɨyari heitserie kemɨnetipitɨa yuri nemɨti'eriekɨ.

Rukaxi 16:15

Hikɨ Ketsutsi mɨpaɨ katiniwarutahɨawe: «Xeme yuri xekateniwa'eritɨaka teɨteri kename heitserie xeyɨa xe'utiyuatɨ, peru Kakaɨyari pimate xe'iyari. Tita teɨteri mamariwaweme memɨtexeiya, mɨkɨ pɨtixani'eriwa, Kakaɨyari kemɨtixeiya.

2 Kurinitutari 5:21

Kemɨ'ane 'axamɨkatiyuriwekai Kakaɨyari 'axatiyuruwame hepaɨ pɨtixei, tame mɨkɨ hetsie tetewiyatɨ Kakaɨyari heitserie kataniupitɨani.

Xumatari 5:19

Xewitɨ tewi yakatikamietɨ, hipame 'axateyuruwamete kemɨtiwarayeitɨa, mɨpaɨrita yaxeikɨa xewitɨ yamɨtikatɨakɨ hipame heitserie mehexeiyame kaniwarayeitɨamɨkɨ.

Xumatari 1:17

Xɨka yuri ti'erieka, mɨkɨ niukitsie kanimatsiɨkɨkamɨkɨ Kakaɨyari heitserie kemɨtiyupitɨwa, para yuri mɨti'eriekakɨ, kemɨre'uxa: «Kemɨ'ane heitseriemekɨ yamɨtikamie, mɨkɨ kanayenierekamɨkɨ yuri mɨti'eriekɨ».

Xumatari 3:22

Kakaɨyari heitserie kemɨtiyupitɨwa yuri ti'eriekaku Ketsutsi Kɨritsitu hetsie, mɨkɨ kanimatsiɨkɨni, heitserie kemɨtiwapitɨa yunaime yuri memɨte'erie, yɨkɨ pɨkatiwaxeiya.

Kitsariyaxi 57:12

Ne nepɨmatsitaxaneta 'aixɨa kepemɨtiyuriene peti'uximayatɨ, nitixaɨtɨ pɨkarayani 'ahetsiemieme.

Kitsariyaxi 51:8

Kɨpi kaniwatikwaimɨkɨ 'ixuriki mɨtikwa'a hepaɨ, kwitsi kaniwatikwaimɨkɨ muxa huxarieya kemɨtikwa'a hepaɨ. Peru tita mɨtiheitserie nehetsɨa mieme yuheyemekɨ puxuaweni, newikweitsitɨarika, yuheyemekɨ pɨka'uye'atɨkani».

Rukaxi 10:29

Peru mɨkɨ heitseriemekɨ yatikamiekame yuhekɨatamɨtɨ mɨpaɨ Ketsutsi katiniutahɨawe: —¿Merikɨte, kepɨpaikɨ nehepaɨ tewi?

Kitsariyaxi 56:1

Yawé mɨpaɨ kanaineni: «Tita mɨtiheitserie xeketenexeiyani, heitseriemekɨ yaxeketeneu'uwaniri, newikweitsitɨarika 'ari kaninuaximeni, mɨtiheitserie nehetsɨa mieme matsiɨkɨtɨ kanayeimɨkɨ.

Nehemiyaxi 9:33

'Ekɨ heitserie pepɨtiyurienekai tame kemɨtatiuyuri, 'ekɨ yapepɨtikatɨa. Tame 'apɨta 'axatepɨte'uyuri.

Kitsariyaxi 64:6

Teyunaitɨ teɨteri temɨka'itiyatɨka tepɨhɨkɨ, naitɨ heitseriemekɨ ketemɨteyurie 'ixurikite mɨtɨtɨnini hepaɨ pɨ'ane. Teyunaitɨ tepɨtiwauke kɨye xawari hepaɨ, titakɨ 'axatemɨte'uyuri 'eka hepaɨ pɨtatsi'u'enitsitɨaxime.

Nɨawari 71:19

Kakaɨyari 'aku, 'ekɨ mariweme pepɨtiuyuri, heitserie kepemɨtiyuriene meutitewatsie pɨye'axe. ¿Kakaɨyari 'aku, kemɨ'ane 'aku 'ahepaɨ pɨtiuka'iyari?

Kuwi 33:27

'Ana tewi yumɨireme wahɨxie yapɨtayɨni: “'Axanepɨtiuyuri, mɨtiheitserie neputsewixima, matsi mɨkɨkɨ yanepɨkarakapitɨarie.

Mawari 26:41

mɨkɨkɨ waɨriyarika mepɨnetsi'upitɨa nemɨwaranɨnɨ'anikɨ memɨwaraye'unie wakwietsie, xɨka wa'iyari kemɨtiyumate tixaɨtɨ mekateheyeitɨatɨ meta meheyutimaixɨame 'axakememɨte'uyurikɨ,

2 Pekuru 1:1

Ne Tsimuni Pekuru, Ketsutsi Kɨritsitu hetsiemieme nekatini'uximayatametɨni meta nekaninɨ'ariekametɨni, nekanixewaɨritɨaka xeme xemupitɨarie yuri xemɨte'eriekakɨ tahepaɨ, takakaɨyari tatsiwikweitsitɨwame Ketsutsi Kɨritsitu kemɨtixepitɨa heitseriemekɨ yamɨtikamiekɨ.

Xumatari 3:26

Kanikayeni matsiɨkɨme mayeitɨanikɨ hikɨ, heitserie kemɨrexeiya. 'Ayumieme mɨkɨ heitserie kanexeiyani, heitserie kanipitɨanita kemɨ'ane 'amuyeika yuri ti'erietɨ Ketsutsi hetsie.

Hiwerika 3:22

Yawé naki'eriyaya mɨmariwe hatsuaku pɨkakumawere, meta kemɨtiyukanenimaya hatsuaku pɨkaxɨni.

Tanieri 9:24

»”Haika tewiyari heimana tamamata tsemanayari mepupitɨarie 'ateɨterima meta 'akiekari mɨpatsie para memɨtehayewakɨ 'axameteyurietɨ, memitawaunikɨ memɨteheuyehɨwiyarienikɨ ke'axamemɨte'uyuri, memitsutɨanikɨ kemɨtiheitserie meteyurietɨ yuheyemekɨ, kepemɨtiunierixɨ meta 'uxa'a warie kemɨtiyɨni kepemɨtiutaxatɨarie maye'anikɨ, meta patsiekame memayeitɨanikɨ tukita Waɨkawa Muyepatsietsie.

Kitsariyaxi 51:6

Teikɨ muyuawitsie xekeneutinenieri, meta kwie xekeneuxeiya: muyuawi kɨtsi hepaɨ pukumawere, kwie 'ixuriki hepaɨ pɨtaxɨni, meta xaipɨtsi wahepaɨ mana kiekatari meputekwini. Peru newikweitsitɨarika yuheyemekɨ puxuaweni, peru mɨtiheitserie nehetsɨa mieme hatsuaku pɨkaheuyeweni.

Hutarieka 'inɨari 6:25

Xɨka yatetekahuni ta'iyarikɨ naime 'aitsikatsie Yawé takakaɨyari hɨxie, naimekɨ kemaine, merikɨte 'ana heitseriekamekɨ temu'uwa tekanihɨkɨtɨkakuni”.

Kitsariyaxi 51:1

«Xeme, mɨtiheitserie xemɨtekuwautɨwe, meta Yawé xemukuwautɨwe, xekeneneu'eni. 'Ai xekeneuxeiya kemɨ'ane hetsie xemɨyekɨ, tetexi mɨxixiyatɨka muwati'inieriwa hetsie pemaye'inierie.

Xumatari 10:2

Nekatinihekɨatani kwinimieme Kakaɨyari hetsiemieme kememɨteyumexɨitɨa, matsi 'aixɨa metemaitɨ mepɨkayumexɨitɨa.

Xumatari 10:20

'Arike Kitsariyaxi kamatɨ 'ipaɨ paine: «Mɨkɨ memɨkanetsikuwautɨwekai mepɨnetsi'utaxei, mɨkɨ nehepaɨtsita memɨkaku'iwawakai wahɨxie nematsiɨkɨtɨ nekanayuyeitɨani».

Xumatari 11:7

¿Keti'aneniri? 'Ixaheritsixi mepɨka'itaxei tita memɨtekuwautɨwekai. Mɨkɨ memanayexeiyarie pɨta mekanitaxeiya. Hipatɨ mɨkɨ metsetse'itɨ mekanakɨne,