Wani 8:9 - Kakaɨyari Niukieya

⁹ Hikɨ mɨkɨ memu'enana, wa'iyari warutate'akaku, mekaneutayeixɨani yuxexuitɨ me'ayekɨkatɨ, 'ukirawetsixi meri. Ketsutsi yuxaɨtame kaniuyuhayewa, 'ukaratsi hixɨapa muwekai kaniuyuhayewata hamatɨana.

Wani 8:9 ပူးပေါင်းရင်းမြစ်များ

Xumatari 2:15

Mɨkɨri mepɨyuhekɨata tita 'inɨari niukiyarikɨ yamɨtiyuriene metehexeiyatɨ yu'iyaritsie mɨraye'uxa. Wa'iyari kememɨteyumate katinihekɨatani wahepaɨtsita. Yukɨmana yatiku'eriwatɨ, yuhetsie katinahɨpani, yatɨni yuhetsie mɨtanuanikɨ.

Ti'ɨkitame 7:22

'ekɨta pekatinimaika, heiwa mɨixa 'axapekaniutaineni hipame wahepaɨtsita.

1 Wani 3:20

xɨka ta'iyari tatsi'utate'ani tita ta'iyari mɨkatimate hepaɨtsita, Kakaɨyari pɨta matsi kanimariweni keyuri ta'iyari meta naime katinimaika.

Xumatari 2:22

'Ekɨ mɨpaɨ pemɨtikuxata kename 'aixɨa ka'ane xeime 'ɨyaya mukumaɨwanikɨ meta xeime kɨnaya, merikɨte, ¿petikumaɨwa 'ekɨ? 'Ekɨ mɨpaɨ pemaine kename pewaxani'erie tetexi kakaɨyarixiyari, merikɨte, ¿watukiteta petiunawa?

Wani 8:10

Hikɨ 'anukukeka Ketsutsi, 'ukaratsi mɨpaɨ katiniuta'iwawiya: —Neuxei, 'ukaratsi, ¿hakewari mɨkɨ metsixanetamete? ¿Xewitɨ 'ahetsie karahɨa?

Wani 8:12

Merikɨtsɨ Ketsutsi tawari teɨteri katiniwarutixatɨani mɨpaɨ 'utaitɨ: —Ne kwiepa memɨtama wahekɨariwiwame nekanihɨkɨtɨni. Kemɨ'ane mɨnetsi'anuweiya yɨwipa pɨka'uyeikani, matsi hekɨariya kanexeiyakamɨkɨ tukaritɨme.

Rukaxi 13:17

Mɨpaɨ 'utayɨku mekaniuyutitetewiya yunaitɨ memeye'uniekai, peru hipatɨ teɨteri yunaitɨ mekaniyutemamawiekaitɨni waɨkawa mariweme mɨtiyurienekaikɨ.

Nɨawari 71:13

Nehetsie memɨte'ahɨpa tixaɨtɨ mekatehɨkɨtɨtɨ meke'ukwini, keniwarutewiyatsitɨa kemɨ'ane memɨnetsi'atihɨanikɨ memukuwaɨtɨwe.

Nɨawari 50:21

Mɨpaɨ pekatiniyurieneni, neta 'atsinepɨkahaine, ¿xɨari mɨpaɨ pepɨtiku'eriwa kename ne 'ahepaɨ ne'ane? Peru hikɨ ne nekamenitatiemɨkɨ, 'ahɨxie nemetsi'anutaxeiyatɨ nepɨmetsitaxaneta.

Nɨawari 40:14

Mekeheuyuyexɨrieni meke'uyutitetewiya, yunaitɨ kemɨ'ane memɨnetsimieku, mekeheuyuta'unaxɨani me'a'iwarieme, yunaitɨ kehate memɨtekuwautɨwe 'axamenetsiyurikutɨ,

Kuwi 20:27

Taheima muyema muyuawi katinitahekɨatamɨkɨ ke'axamɨtiuyurikɨ, kwie meta yapɨtayɨni mitaxanetakɨ.

Kuwi 20:5

'axamɨtiuka'iyari kemɨtiyutemawie 'apɨkareutere, Kakaɨyari mɨka'ayexeiya temawierikaya yakatinimieni.

1 Te'aitamete 17:18

Hikɨ mɨkɨ 'ukaratsi 'Eriyaxi kaniutatieni: —¿Ketita perayexeiya nehetsɨa, tewi Kakaɨyari hetsɨa mieme? Pepunua 'axakenemɨtiuyuri penetsihaye'eritɨanike, 'anari neniwe mɨmɨnikɨ.

1 Te'aitamete 2:44

Metatsiere ti'aitame mɨpaɨ Tsimi katiniutahɨawe: —'Ekɨ pepɨrakumate kepemɨtikwinitɨa nepaapa Rawiri, hikɨri Yawé hetsiena pɨtanuani ke'axapemɨtiuyurikɨ.

Wani 8:2

Ximerita tawari tukipa kaninuani. Yunaitɨ teɨteri hetsɨana mekani'axekaitɨni, mana 'ayerɨka katiniwa'ɨkitɨakaitɨni.

Wani 8:3

Hikɨ 'inɨarikɨ te'ɨkitamete meta paritseutsixi mekani'atɨirieni 'ukaratsi muwiyarie xeime kɨnaya hamatɨa meyukumaɨwakaku, hixɨapa me'itakeka

Wani 8:8

Tawari 'anakatutsireka, kwiepa katiniuta'utɨani.