Wani 3:2 - Kakaɨyari Niukieya

² Mɨkɨ Ketsutsi hetsɨa kaninuani yɨwikɨta, mɨpaɨ katinitahɨawe: —Ti'ɨkitame, tame mɨpaɨ tekatenimaika, 'ekɨ Kakaɨyari hetsɨa pemiemetɨtɨ pemunuakɨ peti'ɨkitametɨtɨ, xewitɨ pɨkayɨwe 'ikɨ 'inɨarite mɨtiwewienikɨ kepemɨtiyuriene hepaɨ xɨka Kakaɨyari hamatɨana ka'uyeikanike.

Wani 3:2 ပူးပေါင်းရင်းမြစ်များ

Wani 5:36

»Ne matsi waɨkawa nekatinihekɨatani Wani 'etsiwa xeikɨa tihekɨatakaku. Tita nemɨtiyuriene, ne'ukiyari kemɨnetiupitɨa nemeye'atɨanikɨ, 'ikɨ 'uximayatsika kenemɨtiyuriene, 'ikɨ nehepaɨtsita katinihekɨatani kename ne'ukiyari netsiheyenɨ'a.

Nɨ'ariekate 10:38

Ketsutsi natsaretitanaka kanihɨkɨtɨni, kemɨ'ane Kakaɨyari mikawiri 'Iyari Mɨtiyupata meta 'itɨrɨkariyatɨ. Mɨkɨ 'aniuyeikakaitɨni 'aixɨa tiyurienetɨ, yunaime Kauyumarie mɨwa'uximatɨakai 'aixɨa meteheu'eriekame kaniwarayeitɨwakaitɨni, Kakaɨyari hamatɨana muyeikakaikɨ.

Nɨ'ariekate 2:22

»'Ixaheri teɨteriyari, 'ikɨ niuki xekene'enieka: Kakaɨyari xetsata pitahekɨataxɨ Ketsutsi natsaretitanaka mariwemekɨ tiyurienetɨ tɨrɨkaɨyemekɨ, wahɨxiyatsitɨatɨ meta 'inɨarikɨ tiyurienetɨ mɨkɨ hetsiemieme, Kakaɨyari kemɨtiuyuri xeme xekatenimaika.

Wani 9:16

Paritseutsixi hipatɨ 'ayumieme mɨpaɨ mekaniutiyuanekaitɨni: «Xɨari 'iya tewi Kakaɨyari hetsɨa pɨkamieme, 'uxipiya 'inɨariyaritsie yamɨkatikamiekɨ». Hipatɨta mete'utiyuanekai: «¿Kehepaɨ tiyɨwe tewi 'axatiyurienetɨ 'inɨari 'ipaɨ 'aneneme mɨwewienenikɨ?». Hixɨata mepuyutsanaxɨ.

Wani 12:37

Tsepanetɨ waɨkawa 'inɨarite mɨtiyurienekai wahɨxie, yuri mepɨkate'uta'eri hetsiena.

Wani 1:38

Hikɨ Ketsutsi ta'aurie 'aweka, waruxeiyaka 'utɨana me'uhukaku, mɨpaɨ katiniwarutahɨawe: —¿Tita xetekuwautɨwe? Mɨkɨ mɨpaɨ mekatenitahɨawe: —¿Xawi, hakewa pepeka? (Xawi taniukikɨ Ti'ɨkitame panuyɨne).

Mateu 22:16

Mekaniwarenɨ'ani yuhetsɨa miemete teyɨ'ɨkitɨwamete hetsɨana meta hipame Herurexi hetsie memɨtewiyakai, mɨpaɨ memɨte'itahɨawekɨ: —Ti'ɨkitame, tame mɨpaɨ tepɨtemate yurikɨ yapepɨtikamie, meta Kakaɨyari huyeya hepaɨtsita pepɨti'ɨkita yurikɨ. Yunaime yaxeikɨa pepɨtiwaxeiya, yayupaɨmeme xeikɨa pepɨkawanaki'erie.

Wani 7:31

Teɨteri yumɨiretɨ yuri mekateniuta'erieni hetsiena, mɨpaɨ mekaniutiyuanekaitɨni: «Kepauka munuani Kɨritsitu, ¿kamɨtsɨ matsi waɨkawa tiyurieni 'inɨarite, 'e'iwatɨ 'ikɨ kemɨtiyuriene?»

Wani 20:16

Ketsutsi mɨpaɨ katinitahɨawe: —Mariya 'aku. Mɨkɨ hepana 'aniereka mɨpaɨ katinitahɨawe 'arameu niukiyarikɨ: —Xawuni (taniukikɨ Ti'ɨkitame manuyɨne).

Wani 15:24

Watsata xɨka yanekatiuyurienike xewitɨ kemɨkatiyuriwe hepaɨ, mɨkɨ tita 'axamɨti'ane mepɨkatehexeiyanikeyu. Hikɨri mekaniuneniere, mekatani'uxiwe'erieka ne meta ne'ukiyari.

Wani 3:26

Wani hetsɨa me'u'axɨaka mɨpaɨ mekatenitahɨawe: —Ti'ɨkitame, 'iya 'ahamatɨa meyeikakai hatuxame Kurutani 'anutaɨye, kemɨ'ane hepaɨtsita pemɨtihekɨatakai, katine'ɨyaneni hikɨ, meta yunaitɨ hetsɨana mekani'axeni.

Marikuxi 12:14

Mana me'u'axɨaka mɨpaɨ mekatenitahɨawe: —Neuxei ti'ɨkitame, tame tepɨmatsimate 'ekɨ yuri pemutainekɨ, pemɨka'akweriwayuriekɨ tsepa xewitɨ kemɨtiyɨkɨhɨawe, yɨkɨ pemɨkatiwaxeiyakɨ teɨteri, matsi Kakaɨyari huyeya hepaɨtsita pepɨti'ɨkita yurikɨ. ¿Ti'aitame Tsetsaxi tumini kemɨtiwawa, 'aixɨa ti'ane temɨteyutuaka nutsutɨ pɨkatixaɨ?

'Itsɨkate 6:27

Kerehuni yakatiniuyurieni Yawé kemɨrehɨawekai tamamata warawitɨtɨ hetsɨana memɨte'uximayakai. Hekɨta kayuwaɨriyatɨ yɨwikɨtake yakatiniuyurieni, yu'iwama wamakatɨ meta teɨteri kiekaritsie memɨtitekai.

Kitsariyaxi 51:7

»Xekeneneu'eni, xeme tita mɨtiheitserie xemɨtemate, teɨteri ne'inɨari niukiyari yu'iyaritsie xemɨye'ɨna: Teɨteri 'axametexekɨhɨawekaku xepɨkamamaka, meta xepɨka'utiweranareni mexe'anutate'akaku,

Piriputari 1:14

'Iwamarixi yumɨiretɨ menetsiha'eriwatɨ kenemɨranutahɨiya, Ti'aitame hetsie metewiyatɨ mekaniyuwaɨriyani hikɨ matsi waɨkawa Kakaɨyari niukieya memɨkuxatanikɨ mekaheumamatɨ.

1 Te'aitamete 17:24

Hikɨ mɨkɨ 'ukaratsi, 'Eriyaxi mɨpaɨ katiniutahɨawe: —Hikɨ matsi mɨpaɨ nepɨtimate, 'ekɨ tewi Kakaɨyari hetsɨa mieme pepɨhɨkɨ, ketita pemɨtikuxata yurikɨ Yawé kaniniukieyatɨni.

Keremiyaxi 38:16

Peru Tserekiyaxi 'awie mɨpaɨ Keremiyaxi katiniutahɨawe: —Yawé hɨxie mɨpaɨ nepɨmerahɨawe, tukari mɨtatsi'upitɨa, nepɨkamatsimieni meta nepɨkamatsiyetuani 'ikɨ memetsimieku wahetsɨa.

Mateu 23:7

meta pɨwanake waɨritsika memɨpitɨarieka kiekari hixɨapa meta pɨwanake teɨteri “Ti'ɨkitame” memɨtewaruterɨwani.

Mateu 23:8

»Peru xeme yaxepɨkatenaki'erieka “Ti'ɨkitame” xemɨte'uterɨwarɨwani, yuxewitɨ xeikɨa 'akaniuyeikani ti'ɨkitame, xemeta yunaitɨ xekaniyu'iwamaka.

Wani 2:11

'Ipaɨ matɨari katiniuyurieni Ketsutsi Kanahatsie Karereya kwieyaritsie 'itsutɨatɨ 'inɨari kemɨtiyurienekai. Matsiɨkɨtɨ kanayuyeitɨani kemɨtimariwekai, teyɨ'ɨkitɨwamete yuri mekateniuta'erieni hetsiena.

Wani 4:31

Merikɨtsɨ mexi 'ame'ahukai, teyɨ'ɨkitɨwamete mekanita'inieni mɨpaɨ me'utiyuatɨ: —Ti'ɨkitame, ketineukwakari.

Wani 6:2

Yumɨiretɨ mekanikuweiyatɨwekaitɨni teɨteri 'inɨarite memɨxeiyakaikɨ kemɨtiyurienekai tekwikwikate wahetsie.

Wani 10:38

Peru xɨka yanetiyurieneni, tsepa yuri xemɨkanete'eririe, tita nemɨtiyurienetsie pɨta yuri xeketene'erieka mɨpaɨ xemɨtehetimanikɨ kename ne'ukiyari nehetsie tiwiya, neta ne'ukiyari hetsie netiwiya.

Wani 14:10

¿Yuri pekati'erie kename ne ne'ukiyaritsie netiwiya, ne'ukiyarita nehetsie mɨtiwiya? Kenemɨtixekuxaxatɨwa, nekɨmana nepɨkatikuxata, ne'ukiyari nehetsie mɨtiwiya, mɨkɨ yakatiniyurieneni.