Wani 1:3 - Kakaɨyari Niukieya

³ Naitɨ katiniuneni mɨkɨ 'inetɨaku, xɨka mɨkɨ ka'inetɨanike, pɨkanenikeyu nixewitɨ.

Wani 1:3 ပူးပေါင်းရင်းမြစ်များ

1 Kurinitutari 8:6

matsi tame ketemɨtemate, Kakaɨyari kaniyuxewini ta'ukiyaritɨtɨ. Naitɨ hetsiena katinayeneikani, tame hetsiena mieme tekani'ayumiemetetɨni. Ti'aitameta kaniyuxewini Ketsutsi Kɨritsitu hɨkɨtɨtɨ. Naitɨ katiniunetɨarieni mɨkɨ 'inetɨaku, tameta tekanayeneniereni mɨkɨ tatsi'unetɨaku.

Matsiɨkɨtɨ kemɨratɨa 4:11

«Tati'aitɨwame Takakaɨyari 'aku, 'aixɨa pepɨtiuka'iyari, 'ahetsie mɨtinakenikɨ 'aixɨa pemɨtikuxaxatsiwanikɨ mariwemekɨ pemɨmariwanikɨ, meta kepemɨtitɨrɨkaɨye, 'ekɨ naime pepɨtiunetɨa, mɨpaɨ mɨmatinakekɨ pɨtixuawe, naitɨ 'ayumieme pɨtiutiwewiya».

Nɨawari 33:6

Yawé niukieyakɨ muyuawi kaniuneni, 'iiyayakɨ xurawetsixi mekaniutixuawere.

Tsutɨarika 1:26

Mɨpaɨta kaniutayɨni: «Tewi tepɨtawewieni tahepaɨ tiyuxexeiyame tahepaɨ tiyɨkɨhɨaweme. Pɨtiwata'aitɨani ketsɨte haramaratsie miemete, wikixi meta muyuawitsie miemete, yunaime memɨteyutewatsinɨa, yeutari, yunaime memɨka'ukɨniwawe yuhukama memuku'uwa kwiepa».

Wani 1:10

Kwiepa kaniuyeikakaitɨni, kwie kaniuneni mɨkɨ 'inetɨaku, matsi kwiepa memɨtama mepɨkaheitima.

Kitsariyaxi 45:18

Karikɨ Yawé mɨpaɨ kanaineni, kemɨ'ane muyuawi 'amuyema, Kakaɨyari kwie mutawewi, minetɨa meta 'amiyeye, makumawenikɨ mɨka'itawewi, mitawewi mana mɨkiepatɨnikɨ: «Ne Yawé nekanihɨkɨtɨni, tawarita xewitɨ kaniumaweni.

Kitsariyaxi 45:12

Ne kwie nekaniutawewieni, hetsiena teɨteri nekaniwarunetɨani. Nemamate katiniuyurieni muyuawi 'amuyemanaxɨ, meta mana xurawetsixi memuyeyaxekɨ nekaniwaruta'aitɨani.

Nɨawari 102:25

Tsɨtuapai 'ekɨ kwie pekaniunetɨani, meta muyuawi kani'awewiyatɨni.

'Epetsutari 3:9

Mɨpaɨta nepɨtiumikie, nemɨtiwahekɨatsitɨiyanikɨ yunaime tita Kakaɨyari mɨtiyurienikekai. Mɨpaɨ pɨkatimatsiɨkɨkai, katini'awietsiekaitɨni matsi matɨaripaitɨ. Kakaɨyari naime mutiunetɨa, mɨkɨ xeikɨa mɨpaɨ katinimaikaitɨni kemɨtiyurienikekai, yakatini'awietakaitɨni

Tsutɨarika 1:1

Tsutɨapai Kakaɨyari muyuawi meta kwie kaniutawewieni.

Temaiwawemete 8:30

ne 'ana nepɨnierekai, 'uximayatsikaya 'aixɨa nepɨyuriekai. Tukari mɨyehane ne waɨkawa nepɨnetemawiekai, temawierika nepexeiyakai hɨxiena ne'uyeikatɨ,

Wani 1:2

Mɨkɨtɨtɨ niuki tsutɨapai Kakaɨyari hamatɨa kaniuyeikakaitɨni.

Hepɨrayutsixi 11:3

Yuri temɨte'eriekɨ mɨpaɨ tepɨtemate, kwie munetɨariekɨ Kakaɨyari mɨpaɨ 'utayɨku. Tita mɨtixeiyariewe kemɨtiuwewiya, tita mɨkarahekɨakɨ katiniutiwewiyani.

1 Wani 5:1

Yunaitɨ yuri memɨte'erie Ketsutsi kename Kɨritsitu hɨkɨ heitserie mupitɨarie Kakaɨyari hetsie mekaniyekɨne, kemɨ'ane mɨkɨ 'ukiyarieya mɨnaki'erie, niwemamata kaniwanaki'erieka.

Matsiɨkɨtɨ kemɨratɨa 3:14

»Hikɨ mɨpaɨ ketineu'utɨiri niuki tuayame Rautitseyatsie memɨyutixexeɨriwa: 'Ipaɨ kanaineni kemɨ'ane Niukieya Mɨtse'i mɨtitewa, kemɨ'ane yatikamietɨ yuri haitɨ mɨyuhekɨata, kemɨ'ane mitsutɨa tita Kakaɨyari mɨtiunetɨa: