'Utseyaxi 9:9 - Kakaɨyari Niukieya

⁹ Kemɨkatiheitserie xeteyurietɨ 'ari xepakɨ, Kiweya mɨtiuyɨ hepaɨ, Peru Kakaɨyari pɨkaratɨmaiya waɨkawa kexemɨte'uyuri 'uximatɨarika pɨxepitɨani 'axaxemɨte'uyurikɨ.

'Utseyaxi 9:9 ပူးပေါင်းရင်းမြစ်များ

'Utseyaxi 10:9

«'Ekɨ, 'Ixaheri, 'axapetiyurienetɨ pepumie Kiweya paitɨ mɨtiyukatsutɨatsietɨtɨ, pepɨkatihayewa 'axapetiyurienetɨ. Kiweya kanitamieriemɨkɨ 'axamɨtiuka'iyarikɨ.

'Itsɨkate 19:16

Mɨkɨ taikaiyaritsie xewitɨ 'ukiratsi nakunuakaitɨni yuwaxata reku'uximayataka, hɨritsie kiekame 'Epɨrahini kwieyaritsie, Kiweya kaniukateitɨni 'ateewa kiekame hepaɨ. Mana kiekatari Wenikamini xiɨyarimama mekanihɨkɨtɨkaitɨni.

'Utseyaxi 8:13

Mepɨnetemawirie mawari taiyariyarikɨ meta 'imikierite, waiyari mekwatɨ, ne mɨkɨ pɨkanetsinake. Hikɨ ne ke'axamemɨteyurie naime nepɨkaratɨmaiya, ke'axamemɨte'uyurikɨ mɨkɨkɨ nepɨwaranutaxɨrieni, mekanakunuaxɨakuni 'Ekipitu.

Kitsariyaxi 31:6

Xeme 'ixaheritsixi, xekeneu'axɨa 'iya hetsɨa kemɨ'ane xe'aye'unietɨ xemakɨ waɨkawamekɨ.

Kitsariyaxi 24:5

Kwie puyutsewixima, mana kiekatari memiketsinakɨ, yamemɨkatekakɨkɨ 'inɨari niukiyaritsie, 'inɨari niukiyari memɨkahanu'enikɨ, 'aitsikate memeutitsanaxɨakɨ, tɨratu yuheyemekɨ mumieme mekaneutitsanaxɨani.

'Itsɨkate 19:12

Peru mɨti'aitɨa mɨpaɨ kaniutayɨni: ―Hawaikɨ. Mana tepɨkaheukayune 'ateewa paitɨ kiekatari mepɨhɨkɨ, mepɨka 'ixaheritsixi. Tepuhuni Kiweya kiekariyaritsie paitɨ temeta'axɨanikɨ.

'Itsɨkate 20:43

Wenikamini nuiwarimama wawarita mekanaketɨkɨne, mekaniwaranukuweiya mekaniwakwitɨwekaitɨni Kiweya, tau manatineika hepaɨtsitatsie.

Keremiyaxi 14:10

Yawé mɨpaɨ kanaineni 'ikɨ teɨteri wahepaɨtsita: «'Ikɨ teɨteri puwanake memeu'uwanikɨ, yɨ'ɨkate mepɨkamaniyatɨa. 'Ayumieme ne nepɨkawanaki'erie, matsi ne nekaniwaraye'eritɨamɨkɨ ke'axamemɨte'uyuri hikɨ nekatiniwakwinitɨamɨkɨ mɨkɨkɨ».

'Utseyaxi 4:9

Mawari wewiwamete meta teɨteri yaxeikɨa mepɨ'anene. 'Ayumieme yanepɨtiwatawawirieni kememɨte'u'uximayataxɨ meta yuxexuime yanepɨtiwapitɨani kememɨte'uyuriexɨa.

'Utseyaxi 5:8

»Kuxineta xekenetahɨtsi Kiweya kiekariyaritsie, Xamatsie paitɨ 'awa kehetahɨtsieni, Weti-'Aweni meta xekenetihiwa xemɨyutakwinikɨ, mɨpaɨ mete'uhiwatɨ: “Wenikamini, kene'a'ɨwiyani 'awarita”.

'Utseyaxi 7:2

Mɨpaɨ mepɨkateku'eriwani ne naime nekatinimaika 'axakememɨte'u'iyari. Ke'axamemɨteyurie mɨkɨ pɨwakunama, ne naime nepɨtimate.

'Utseyaxi 9:8

Kakaɨyari meta niukameya, 'Epɨrahini mɨtaniere kanihɨkɨtɨni, peru naitsarie huyeta pepiwiniyane, pepitixani'eri Kakaɨyari kiitana.

Tsupuniyaxi 3:7

Kiekari mɨpaɨ nepɨtiutahɨawixɨ: “Yurikɨ pepɨnetsi'ayemakaxeni, kenemɨmetita'ɨxatsitɨani pepeu'enani”. Hikɨ 'ayumieme wakiekari pɨkaka'unarienikekai, naimekɨ nemɨtita'aitɨakaikɨ. Peru mɨyatɨtɨ, meyumexɨitɨatɨ mekanakɨne pɨta 'axamemɨteyurienikɨ naime hepaɨtsita.

Memeyekɨ 32:7

Merikɨtsɨ Yawé Muitsexi mɨpaɨ katiniutahɨawe: —Xeiya kenanukaye'a teɨteri 'Ekipitu pemɨwarayewitɨ 'axamepɨteyurie.

'Itsɨkate 19:22

Mexi yu'iyarikɨ metekwakai, hipatɨ teɨteri mɨkɨ kiekaritsie kiekatari kiwarie mekana'utɨkɨne. 'Ituparitsie meteheuhutsunatɨ, mɨpaɨ 'ukiratsi mete'uhiwiwatɨ kii kutsiyari. ―'Uki kenewayewitɨki 'akie munua. Hamatɨana tepɨkahini.

'Etsekieri 21:28

»'Ekɨta, tewi pemunu'aya, ketineutaxata mɨpaɨ ketineutahekɨata Yawé naimekɨmɨyɨwe mɨpaɨ kanaineni, 'amunitsixi 'axamemutiyuane wahetsiemieme: “'Ixipara pɨwatihanie mɨtiyumienikɨ: kanatamɨarieka mɨramienikɨ meta kanixawatɨni mutimerɨkanikɨ.