'Utseyaxi 9:7 - Kakaɨyari Niukieya

⁷ 'Uximatɨarika tukariyari paye'ari, meta tukari paye'a memɨte'ayukatuanikɨ. 'Ixaheri mɨpaɨ ketinemaika 'Ariri pɨwaɨkawa 'axakepemɨtiuyuri, mɨixari pepɨkaheu'ena, Kakaɨyari niukameya mɨka'uka'iyari xeikɨa pepɨxata, tewi Kakaɨyari 'iyarieya mɨkahexeiya pɨkaheyuta'eriwa.

'Utseyaxi 9:7 ပူးပေါင်းရင်းမြစ်များ

Mikeyaxi 7:4

Watsata muyeika 'aixɨa mɨtiuka'iyari kwinimieme matsi katinihɨaka keyuri 'ɨtsi, kemɨ'ane heitserie 'amuyeika, matsi kanitunini keyuri xuya. Matsi kanaye'aximeniri memɨhɨxiyatɨarienitsie, kanehuraniri tukari memɨtekwinitɨarienitsie, kememutiyua memɨtaneniere 'ahetsɨa miemete.

2 Te'aitamete 9:11

Kepauka Kehú mɨwayetɨa yu'iwama kuyaxi wa'ukiyarima wahetsɨa nuanike, xewitɨ mɨkɨ mɨpaɨ katinita'iwawiya: —¿Kereyɨ? ¿Ketita rayexeiyakai mɨkɨ ruku? Kehú mɨpaɨ kaniutayɨni: —Xemeri 'ari xepimate meta xekanimaikari kemɨtiuxaxata.

Marikuxi 3:21

Hikɨ maremama me'u'enanaka, mekaniu'axɨani memenuhanakɨ. Mɨpaɨ mekateniyɨkɨhɨawekaitɨni: «'Atsipɨkatimate kemɨtiyuriene».

'Etsekieri 13:3

Mɨpaɨ kanaineni Yawé naimekɨmɨyɨwe: “Xɨa'ui texaxatamete 'atsimemɨkatemate, tixaɨtɨ mekatexeitsitɨarietɨ yuhetsiemieme xeikɨa memɨtekuxata.

Hiwerika 2:14

Kakaɨyari niukametemama 'ahetsɨa miemete mepɨmate'utaxatɨa 'itarikakɨ kename kehapaɨ mete'unenierixɨ. Mepɨkamatsi'utahekɨataxɨ ke'axapemɨtiyurienekai, 'ateɨterima kememɨte'anuhapanienikekai mepɨka'itaxataxɨ. Niuki memɨmatsikuxaxatɨwakai 'itarika xeikɨa pɨhɨkɨtɨkai.

Keremiyaxi 10:15

Tixaɨtɨ mepɨkateyunaki'erie, wawewiya pɨnanaiyɨkɨ xeikɨa, kepauka tukari maye'ani memɨtekwinitɨarienitsie, mepɨka'unarieni.

Kitsariyaxi 10:3

¿Kemeteyurieni kepauka memɨta'iwawiyarienitsie, kepauka 'ateewa paitɨ wiyeri tɨrɨkaɨyetɨ muwayanitsie? ¿Kemɨ'ane mepanukuwauni xɨka parewiya meheuyehɨaka? ¿Hakewa yupiinite waɨkawa memɨtehexeiya mepɨteheti'uta?

2 Kurinitutari 5:13

Tsepa 'atsitemɨkatemate, Kakaɨyaritsie mieme tekaniyɨaka. Meta tsepa temɨtemaiwawe, xehetsiemieme tepɨyɨa.

Rukaxi 21:22

Mɨkɨ tukaritsie heitseriemekɨ mepɨte'apiniyarieni kiekatari, 'ana katinaye'amɨkɨ naitɨ kemɨre'uxa.

Mikeyaxi 2:11

Xɨka xewitɨ tixe'itaiyamɨtɨ, xɨka nuani ti'itawatɨ mɨpaɨ tixe'utahɨawe: «Ne nepɨtixetahekɨatɨani kaxie winuyari meta kaxie hayari wahepaɨtsita», 'ikɨ teɨteri Kakaɨyari niukameya mepayeitɨani.

'Etsekieri 13:10

»”Mɨpaɨ mekateniwaru'itaiya. 'Ikɨ texaxatamete neteɨterima mekateniwa'itaiyani mɨpaɨ me'utiyuatɨ: ‘Naitɨ 'aixɨa pɨ'ane’. Peru 'aixɨa karewewiyakaku 'ixumeri, witsi'anekame xeikɨa mepɨwewietɨwe 'aixɨa kareku'ixumekaku.

Keremiyaxi 29:26

“Yawé kamenanayexeiya mawari wewiwame pemayanikɨ Kuyara hetsiemieme, Yawé tukita pemɨti'ɨwiyanikɨ. Kemɨ'ane Kakaɨyari niukameya ka'uka'iyaritɨ mayuyeitɨaka, kɨye 'anuyexawametsie meta watixawakaku ke'anutahɨiyani tepɨakɨ hɨatɨ.

Matsiɨkɨtɨ kemɨratɨa 16:19

Hikɨ kiekari mɨmariwe kaniutaxɨne haikatɨ kanayani, meta nuiwarite wakiekarite kaniuka'unixɨani. Kakaɨyari Wawiruniya kiekariyari mɨmariwe kanaye'erieni, meta yutekɨxita yuhaxɨa hɨneme kaniwaru'itɨani memɨ'uximatɨarienikɨ.

Tsupuniyaxi 3:4

Kakaɨyari niukametemama mana kiekatari mepɨte'itawa, Kakaɨyari mepuku'eiri. Mawari wewiwamete piinite netukita timieme katipatsiekame mepɨte'ayeitɨa, meta 'aitsika kemaine yamepɨkatekahu.

'Amuxi 8:2

hikɨ mɨpaɨ kanetiniuta'iwawiya: ―¿'Amuxi, tita petixeiya? Ne mɨpaɨ nekatinita'eiya: ―Xei tsikɨiwitiyari 'ikwaxi kwakwaxime. Hikɨ Yawé mɨpaɨ kanetiniutahɨawe: ―'Ari kanaye'ani 'Ixaheri makaweni 'ikwaxi mukwaxi makaweni hepaɨ, tawariri nepɨkareiyehɨwirieni.

'Utseyaxi 9:8

Kakaɨyari meta niukameya, 'Epɨrahini mɨtaniere kanihɨkɨtɨni, peru naitsarie huyeta pepiwiniyane, pepitixani'eri Kakaɨyari kiitana.

'Etsekieri 38:23

Mɨpaɨ netiyurieme nepɨnehekɨata kenemɨtimariwe kenemɨtipatsie, hipame yumɨireme nuiwarite wahɨxie mɨpaɨ nekatiniyuhekɨatamɨkɨ. Hikɨ 'ana mɨpaɨ mekatenetimaikuni kename ne, Yawé nehɨkɨ”.

'Etsekieri 25:17

Kenemɨtiyukɨhɨani mariwemekɨ nekatiniyurimɨkɨ. Nekaniwatiwamɨkɨ nehaxɨakɨ. Kepauka mɨpaɨ nemɨtiyurieni, 'ana mɨpaɨ mepɨtehetimani ne, Yawé nemɨhɨkɨ».

Keremiyaxi 46:21

Kuyaxi xaɨtsie kiekatari pareku me'uhutɨ tsikerutsixi memeuwiyamatɨka wahepaɨ mepɨtematsiɨkɨ, mɨkɨtatsiere mepukununuwa, yunaitɨ meyɨnɨtɨ mepuyuta'una meka'uku'uwetɨ, watukari maye'akɨ kememɨteka'unarienikekai, kepauka memɨtekwinitɨarienikekai.

Keremiyaxi 16:18

Ne nekatinixe'akapitɨamɨkɨ meri 'axakexemɨte'uyurikɨ meta 'axaxemɨte'u'iyarikɨ matsi tawari hepaɨna paɨmemekɨ, kakaɨyarixikɨ memɨxani'eriwakɨ memɨkwikwi'ikɨ nekwie 'axaxemuyurikɨ, meta kwie nemɨxeyetuiritsie xepɨte'utahɨniyaxɨ tita nemɨtixani'erie».

Keremiyaxi 11:23

Mɨkɨ nixewitɨ pɨkayuhayewa. Kepauka maye'ani nemɨwa'uximatɨanitsie 'ana 'uximatɨarika nenanayetuamɨkɨ 'Anatuti kiekatari wahetsie”».

Keremiyaxi 8:11

Neniwe 'uka witsimɨti'ɨimari mepi'uayema herie miemekɨ xeikɨa, meta mɨpaɨ mepɨte'ikɨhɨawe: ‘Kayuwatɨ puma, kayuwatɨ puma’, 'aixɨtsɨ kayuwatɨ mɨka'umatsie.

Keremiyaxi 6:14

Neteɨterima mepɨwa'uayema herie miemekɨ xeikɨa, meta mɨpaɨ mepɨtewarahɨawe: “Kayuwatɨ puma, kayuwatɨ puma”, 'aixɨtsɨ kayuwatɨ mɨka'umatsie.

Kitsariyaxi 44:25

»”Kakaɨyari niukametemama memɨte'itawa wa'inɨari yanepɨkaraye'atɨwa, meta memɨtehetimamateke nepuwatewiyatsitɨa, memɨtemaiwawe mekatemaiwaweme nepɨwarayeitɨwa meta kememɨtemaiwawekɨ tixaɨtɨ katiyunaki'eriekame nepayeitɨwa.

Kitsariyaxi 34:8

Yawé mɨyɨkɨhɨanikɨ kanitukarieyatɨni, mɨrayukatuani wiyari kanihɨkɨtɨni Tsiyuni hetsie tanuanike.

Kitsariyaxi 26:11

Yawé, 'amamá pepanukuhana, peru mɨkɨ mepɨka'ixeiya. 'Ateɨterima wahetsiemieme kepemɨti'ɨtetsa meke'ixeiya, 'ana meke'uyutitetewiya, taikɨ meke'utixɨtsitɨarieni memɨmetsi'aye'unie muwahetsiemieme.

Keremiyaxi 23:13

»Kwinimieme 'axati'aneme nepɨtixeiya Kakaɨyari niukametemama Tsamariyatari wahetsie: mekatenihekɨatani Wahari hetsiemieme, mɨpaɨ neteɨterima 'ixaheritsixi mekateniwareuyexɨrieni.

Keremiyaxi 25:14

Hikɨ karireutsixi metenita'aitɨariekuni, yumɨiretɨ nuiwarite meta te'aitamete memamariwawetɨ meteniwata'aitɨakuni. Mɨpaɨ netiniwarakapitɨamɨkɨ 'axamemɨte'u'iyarikɨ meta 'axamemɨte'uyurikɨ».

'Etsekieri 9:10

'Ayumieme ne nepɨkawatinenimayata, matsi nepɨtiwatawawirieni ke'axamemɨte'uyuri».

'Utseyaxi 8:13

Mepɨnetemawirie mawari taiyariyarikɨ meta 'imikierite, waiyari mekwatɨ, ne mɨkɨ pɨkanetsinake. Hikɨ ne ke'axamemɨteyurie naime nepɨkaratɨmaiya, ke'axamemɨte'uyurikɨ mɨkɨkɨ nepɨwaranutaxɨrieni, mekanakunuaxɨakuni 'Ekipitu.

'Utseyaxi 14:1

'Ixaheri, kenenua Yawé 'akakaɨyari hetsɨa. Ke'axapemɨtiyuriene mɨkɨ pɨmatsihekahɨpa.

'Utseyaxi 5:9

Kepauka memɨtekwinitɨarieni, 'Epɨrahini yuxaɨta puyuhayewa. 'Ixaheri nuiwaritemama watsata yanepɨtiwatahɨawe kemɨtiwayurieni.