'Utseyaxi 9:4 - Kakaɨyari Niukieya

⁴ Tawariri Yawé winu xepɨkayetuirieni, mɨkɨri pɨka'inakeni xemawarika. Mɨkɨ paa pɨkaxetanaki'eririeni, 'ayumieme xepɨtitsuani, kemɨ'ane memitikwani mɨkɨ meka'itiyatɨ mepakɨne. Haaka nunuitɨwame xeikɨa pɨhɨkɨ, peru Yawé yutukita pɨka'inaki'erie.

'Utseyaxi 9:4 ပူးပေါင်းရင်းမြစ်များ

'Utseyaxi 8:13

Mepɨnetemawirie mawari taiyariyarikɨ meta 'imikierite, waiyari mekwatɨ, ne mɨkɨ pɨkanetsinake. Hikɨ ne ke'axamemɨteyurie naime nepɨkaratɨmaiya, ke'axamemɨte'uyurikɨ mɨkɨkɨ nepɨwaranutaxɨrieni, mekanakunuaxɨakuni 'Ekipitu.

Keremiyaxi 6:20

¿Titakɨ nereiyehɨwa 'ikɨ 'ɨkwa Tsawa manetɨarie, meta 'ikɨ 'uwá makaka xeime kwieyaritsie 'ateewa paitɨ manetɨarie? Wamawari taiyariyari pɨkanetsinake, wamawarika pɨkanetsinake».

Hutarieka 'inɨari 26:14

Kepauka nemuyuhiweriekaitsie nepɨka'itikwai 'ikɨ 'ahetsie mɨtimieme mɨtipatsiekɨ, kepauka nemɨka'itiyakai, 'ana mana timieme nepɨkatiutikwai meta mana timieme mɨkite nepɨkatiwaruxatɨa. Yawé nekakaɨyari, ne yanepɨtikatɨa naime kepemɨnetiuta'aitɨa.

Kuheri 2:14

Heiwatɨ Kakaɨyari 'aixɨa mɨtinixe'uxei kemɨtiku'eriwakai mɨnipataxɨ, 'aixɨa mɨti'ane mɨtatiniuhayewi. 'Imikieri hatsite mɨkɨ meta kaxie winuyari mɨtiyeuriwa Yawé xekakaɨyari hetsɨa katinimiemetɨni.

'Utseyaxi 3:4

Yurikɨ mɨpaɨ mepɨyɨni 'ixaheritsixi mɨixa wiyari mepu'uwani tiyu'aitɨwame mekahexeiyatɨ, meta mekate'umawarɨmetɨ mawari matitaiyarɨwatsie, meta mekaheixeiyatɨ mawari wewiwame kamixaya meta memɨkayuri kakaɨyarixi.

'Etsekieri 24:17

Ketineunewi xeikɨa kayuwatɨ, pepɨka'ahiwerieka mɨkite wahetsiemieme. 'Amu'utsie kenayuhɨa tuwaxakɨ, 'akakaitsie keneukexɨa, meta 'amɨxiya pɨkamatsiheukunaka meta paa pepɨkakwaka hiwerikapa mieme».

Wani 6:51

Ne nekanihɨkɨtɨni paa mayeniere taheima makane. Xɨka tewi 'ikɨ paa 'utikwani, yuheyemekɨ payeniereni. 'Ikɨ paa nemɨyetuani ne, newaiyari kanihɨkɨtɨni, kwiepa memɨtama watukari mɨhɨkɨtɨnikɨ.

Marakiyaxi 2:13

'Ipaɨta xekateniyurieka xeme mawari taiyame Yawé hetsiemieme hɨxie kwinie xekateniutitsuanani, mɨkɨri mɨkaxe'eniekɨ meta xemawari mɨkanaki'eriekɨ, xemiyetuiriwa.

'Amuxi 5:22

Tsepa xemɨnetsi'atɨiriwa mawari taiyariyari meta hatsi mawariyari, ne nepɨka'itanaki'erieni, meta nepɨkaxe'enieni tsepa tsikeru xemɨnetsi'utimawiri 'aixɨa temɨteyuxeiyanikɨ mawariyari.

Kuheri 1:13

Xeme mawari wewiwamete, heiwerika kamixayari xekenanakatɨkɨni xe'utitsuatɨ. Xekeneyuheiwerieka, mawari taiyame te'uximayatamete. 'Ena xekenakɨni, xeme Kakaɨyari hetsɨa te'uximayatamete, tɨkarikɨ hiwerika kamixayari xekenanakatɨkɨni, hatsite mawariyari meta kaxie winuyari mɨka'atɨariwanikɨ Kakaɨyari kiitana mɨtiuta'imaritɨxɨkɨ.

'Etsekieri 24:22

xemeta yaxeikɨa xekateniyurikuni nehepaɨ, mɨxiya xepɨka'anuku'eima meta paa hiwerikapa mieme xepɨkatikwani.

Kitsariyaxi 66:3

Peru kemɨ'ane tuurutsixi memɨwamawatɨwe mɨkɨ teɨteri memɨwatakukuya wahepaɨ mepɨ'anene, kemɨ'ane muxatsi memɨwamawatɨwe mɨkɨ tsɨikɨri wakɨipi memanutimura wahepaɨ mepɨ'anene, kemɨ'ane hatsi mawariyari mɨwewie mɨkɨ tuixuri waxuriya memɨyetuaya wahepaɨ mepɨ'ane, meta kemɨ'aneta 'ɨkwa witsimu'ɨa mukutaiya mɨkɨ memɨkakakaɨyarixi memuwarayexeiya wahepaɨ kani'aneni. Mɨkɨ yuxaɨta yuhuye mepanayexeiyaxɨa, meta mepuyutemawieritɨa mɨxani'eriwakɨ.

Kitsariyaxi 57:6

Tetexi ha'ute 'aki'utɨa mieme pemɨtiukuhayewiyarie pɨrayani, yurikɨ, mɨkɨ 'ahetsiemieme pɨrayani. Mɨkɨ wahetsie hatseiti peputiyeuri, hatsi mawariyari pepɨyetua. Mɨkɨ naime mɨyapemɨtiuyurikɨ, ¿'atsinekatitayɨni?

'Inɨatsie 28:2

«Mɨpaɨ ketiniwarutahɨawi 'ixaheritsixi memɨkatehatɨtɨmaiyanikɨ kemɨ'ane tukaritsie memɨnete'utimawiriwanikɨ. Mɨkɨ mawari taiyarikayari witsimu'ɨa mɨkɨ ne'ikwai kanihɨkɨtɨni.

Mawari 21:21

Mawari wewiwame 'Aruni nuiwarieya xɨka xewitɨ mɨkɨ kwiniya mɨpaɨ 'aneme hexeiyani pɨkayɨweni 'ahurawa muyanikɨ Yawé 'imikieri taipa warɨkariekame mɨwewirienikɨ. Meta pɨkayɨweni paa mawariyari yukakaɨyari mɨyetuirienikɨ.

Mawari 21:17

'Aruni mɨpaɨ mɨtitahɨawekɨ: «Xewitɨ 'anuiwaritsiemiemete xɨka yuwaiyaritsie 'aixɨa ka'aneni mɨkɨ pɨkayɨweni 'ahurawa muyanikɨ yukakaɨyari hetsɨa paa mawariyari mɨyetuanikɨ.

Mawari 21:8

Patsiekame kenayeitɨaka, mɨkɨ 'akakaɨyari paa mɨyetuiriwakɨ. 'Ahetsiemieme kanipatsiekamɨkɨ, ne Yawé nemɨpatsiekɨ, xeme xepatsiekame nepɨxe'ayeitɨa.

Mawari 21:6

Kaneuyeweka memɨpatsiekakɨ yukakaɨyari hetsiemieme, meta mɨkɨ kemɨtitewa kapatsiekame mepɨkahayeitɨwani. Mɨkɨ mekanihɨkɨtɨni 'imikieri taipa warɨkariekame Yawé memɨteyetuiriwa, paa yukakaɨyari hetsiemieme hepaɨ mekani'aneneni. 'Ayumieme mekanipatsiekakuni.

Mawari 17:11

Yunaitɨ memɨte'ayeneniere xuriyakɨ mekanayeneniereni. Ne nekɨmana nepɨxeyetuirie mawari taiyametsie, xemɨxɨnarienikɨ yuxexuitɨ, mɨkɨ xuriyakɨ katiniyɨmɨkɨ xemɨxɨnarienikɨ.

Memeyekɨ 40:23

Yawé hɨxieta paa kanamana pareku rekumaneme, Yawé kemɨtita'aitɨakai hepaɨ.

'Inɨatsie 19:11

»Kemɨ'ane xeime tewi mɨkime mɨmayɨani, mɨkɨ ka'itiyatɨ kanayeimɨkɨ 'atahuta tukari.

'Inɨatsie 4:7

»Yawé hɨxie mexa muwe 'ixuriki mɨyɨtsikimaɨye mekananakawerakuni, mana mekatenapikuni xakɨrɨte, pateyute yakɨmɨpepe, tekɨxite, ye'ɨrɨte 'amɨnene kaxie winuyari mɨtiyeuriwa mawariyari yunɨkame. Yaxeikɨata paa mana kanamakamɨkɨ yuheyemekɨ mɨmawarie.

Memeyekɨ 29:40

Ximeri pemitimawa matɨa, huta kiruyari tɨriku mɨtɨxiyari pepɨtimawa meta huriwa hatseitiyari nɨkame, meta winu xeirituruyari.

Keremiyaxi 16:7

Nixewitɨ memunututuixie wahetsiemieme 'ixɨarari pɨkawewieni wanɨtɨanike mumɨ hetsiemieme, nixewitɨ winu pɨkahanitɨarieni mɨyɨnɨtɨanikɨ, meta tsepa maamaya mɨtiɨmɨ meta paapaya.

Tanieri 1:8

Matsi Tanieri pɨkayuwaɨri 'ikwaikɨ ka'itiyatɨ mayuyeitɨani meta ti'aitame winuyakɨ, 'ayumieme te'uximayatamete wa'ukiyari kaniutawawirieni waɨriyarika meka'itiyakame mɨkawarayeitɨwanikɨ.

Kuheri 1:9

Hatsite mawariyari meta kaxie winuyari mɨtiyeuriwakai, mɨkɨri Yawé tukieyata pɨkareyetuiwa. Mawari wewiwamete mepuyuheiwerie, Yawé hetsiemieme te'uximayatamete.

'Utseyaxi 7:16

Kakaɨyari 'Amutewi hetsɨa mepɨka'axɨaku, tupi tiyu'irɨwiyame hepaɨ mepɨ'anene. Peru wa'itsɨkate 'ixiparakɨ mepɨka'unarieni waniuki 'axamanuyɨnekɨ, meta 'Ekipitu kiekatari mepuwatinanaimani.