'Utseyaxi 9:3 - Kakaɨyari Niukieya

³ Yawé kwieyatsie xepɨka'u'uwaniri, 'Epɨrahini 'Ekipitu kanakunuamɨkɨ meta 'Atsiriya timieme mɨkati'itiya pepɨtitikwani.

'Utseyaxi 9:3 ပူးပေါင်းရင်းမြစ်များ

'Etsekieri 4:13

Hikɨta tawarita mɨpaɨ Yawé kaniutayɨni: «Meta yaxeikɨatsiere, 'ixaheritsixi mekatenikwakakuni kati'itiyakame, naitsarie nuiwarite wahetsɨa hakewa nemɨwaretaxɨriexɨani».

'Utseyaxi 8:13

Mepɨnetemawirie mawari taiyariyarikɨ meta 'imikierite, waiyari mekwatɨ, ne mɨkɨ pɨkanetsinake. Hikɨ ne ke'axamemɨteyurie naime nepɨkaratɨmaiya, ke'axamemɨte'uyurikɨ mɨkɨkɨ nepɨwaranutaxɨrieni, mekanakunuaxɨakuni 'Ekipitu.

Mawari 25:23

»Kwie yuheyemekɨ mukuma xepɨkatuaka, mɨkɨ kwie nepiini kanihɨkɨtɨni, xeme matsi ku'uwamete xekanihɨkɨtɨni xemɨniɨtɨarie xeikɨa mana xemɨtitenikɨ.

Keremiyaxi 2:7

Ne nepɨxe'atɨa kwie 'aixɨa mɨ'anetsie, mana 'ikwaxi mɨtixuawe xemɨtekwakakɨ tinaitɨ mana mɨtixuawe. Peru xeme xe'u'axɨaka nekwie ka'itiyakame xepayeitɨa, xeme kwie nemɨxeyetuiri ne'ixani'eriekame xepayeitɨa.

'Utseyaxi 7:11

»'Epɨrahini kukuru mautuxa mɨkatiyu'aitɨarinɨa meta mɨkatimaiwe hepaɨ pɨ'ane, heiwa parewiya puta'iwawa 'Ekipitu kwieyaritsie, heiwata 'Atsiriyatsie.

Tanieri 1:8

Matsi Tanieri pɨkayuwaɨri 'ikwaikɨ ka'itiyatɨ mayuyeitɨani meta ti'aitame winuyakɨ, 'ayumieme te'uximayatamete wa'ukiyari kaniutawawirieni waɨriyarika meka'itiyakame mɨkawarayeitɨwanikɨ.

Keremiyaxi 16:18

Ne nekatinixe'akapitɨamɨkɨ meri 'axakexemɨte'uyurikɨ meta 'axaxemɨte'u'iyarikɨ matsi tawari hepaɨna paɨmemekɨ, kakaɨyarixikɨ memɨxani'eriwakɨ memɨkwikwi'ikɨ nekwie 'axaxemuyurikɨ, meta kwie nemɨxeyetuiritsie xepɨte'utahɨniyaxɨ tita nemɨtixani'erie».

2 Te'aitamete 17:6

'Atanaukarieka wiyari 'Utseyaxi ti'aitakaku, 'Atsiriyatsie ti'aitame Tsamariya kiekariyari 'uka'unakari kaniwarehapani 'ixaheritsixi 'Atsiriya kwieyaritsie, kaniwa'atɨani Karaki mɨrakutewatsie, Kutsani mɨrakutewatsie (Kawuxi hatuxameyari manuyehanetsie 'aurie mɨre'ane) meta merutsixi teɨteriyari wakiekaritetsie.

1 Te'aitamete 9:7

ne 'ixaheritsixi nepɨwarakumaweriya kwie nemɨwayetuiritsie meta tuki nepɨtixani'erieni patsiekame nemayeitɨa nehetsiemieme. Hikɨ 'ana 'Ixaheri 'atsieriwame payani yunaime teɨteri wahetsiemieme.

Hutarieka 'inɨari 28:63

Yawé ketiyutemawietɨ mɨxe'utimɨiriyaxɨ meta waɨkawa xetehexeiyakame kemɨtixe'ayeitɨa, yaxeikɨata yutemawietɨ pɨxeka'una meta pɨxeheuyehɨani. 'Anari yunanaritsie xepahunarieni mɨkɨ kwieyaritsie hakewa hikɨ yukwie xemayeitɨanitsie.

Hutarieka 'inɨari 4:26

Hikɨ ne yanekanitayɨmɨkɨ muyuawi meta kwie memunenierixɨ mekanihɨkɨtɨkakuni xehetsiemieme, 'ikɨ Kurutanitsie xe'anɨkɨneme mɨkɨ xekwie mayanitsie kwitɨwa xekanakumawerikuni. Mana mɨixa wiyari xepɨkatihini, xekanakumaweriyariekuni yunaitɨ.

Nɨ'ariekate 10:14

Pekuru mɨpaɨ katinita'eiya: —Ti'aitame pɨkatixaɨxuari. Hatsuaku nepɨkatitikwaiwe 'axamɨti'anene mɨkati'itiyatɨka.

Mikeyaxi 2:10

Xekenanuku'uti. Xekeneuhuni, 'ikɨ 'ena xema'uxipie pɨkahɨkɨ. Tita 'axamɨti'ane xepɨte'utahɨniyaxɨ, xepika'unaxɨ naime yemekɨ.

'Utseyaxi 11:11

«'Ekipitu paitɨ mepanexɨani, wikixi wahepaɨ me'uyu'unarɨmetɨ. 'Atsiriya paitɨ mepanexɨani kukuruxi wahepaɨ memamatɨ, ne wakiita nekaniwareuta'ɨnaxɨamɨkɨ —Yawé mɨpaɨ kanaineni—.

'Utseyaxi 11:5

»'Ekipitu xepɨkahakunuaxɨaniri, 'Atsiriya pɨta xehetsie pɨtita'aita, nehetsɨa xemɨ'axɨanikɨ xemɨka'uyuwaɨrikɨ.

'Utseyaxi 9:6

Tsepa xemuyuta'unaxɨ xemɨka'unarienitsie, 'ekipitutari mepɨxetiwiya, Menipitsi kiekariyaritsie mepɨxekateuku. Witsimɨti'anene xemɨtehexeiya pɨratakɨ, mɨtiwewiyatɨka tupiriyatsata pɨtiyuhayewa, xexamaru xuya penukanani.

Kutsuhexi 23:15

Mɨpaɨtsiere keyamɨtikamie Yawé takakaɨyari kemutaine, mɨpaɨtsiere xehetsie 'uximatɨarika naime kanixe'upitɨaweni, kepaukake xemakumaweriyarieni 'ena kwiepa mɨxeyetuiritsie.

Hutarieka 'inɨari 28:68

Tsepa Yawé mɨpaɨ mɨtixe'utahɨawixi kename hatsuaku xekahakunuaxɨanikekai 'Ekipitu huyeyari 'utɨa, mɨkɨ pɨxe'akunuitɨani kanuwatsie. Mana xepeyuyexatani waɨriyarika ti'uximayatamekɨ, peru xewitɨ 'apɨkaheyeikani mɨxehetinanenikɨ».

Mawari 20:22

»Naime ne'aitsikate xekenaye'atɨaka meta ne'inɨari niukiyarite. Yaxeketenekahuni, kapa kwie nemɨxeyetuirieni mana xemetitenikɨ xe'uhayanikɨ.

Mawari 18:28

Xɨkata xeme kwie ka'itiyakame xe'ayeitɨani, mɨkɨta pɨxehayani nuiwarite kemɨtiwaruhaya hepaɨ hetsiena memukutekai xeme 'akuxi 'ena xeka'axɨawawekaku.

Hiwerika 5:6

Tɨratu tekaniuwewieni 'Ekipitu meta 'Atsiriya wahamatɨa, mɨpaɨ 'ikwaite temɨtekaxeiyakɨ.

'Utseyaxi 7:16

Kakaɨyari 'Amutewi hetsɨa mepɨka'axɨaku, tupi tiyu'irɨwiyame hepaɨ mepɨ'anene. Peru wa'itsɨkate 'ixiparakɨ mepɨka'unarieni waniuki 'axamanuyɨnekɨ, meta 'Ekipitu kiekatari mepuwatinanaimani.

'Amuxi 7:17

»'Ayumieme, Yawé mɨpaɨ kanaineni: »“'A'ɨya tuminikɨ muyumayɨinɨa payani kiekaritsie, 'aniwema 'ukari meta 'ukitsi 'ixiparakɨ mepɨkwi'iwa. 'Akwie pɨti'inɨatsieni meta hipatɨ mepɨxatɨarieni, 'ekɨta pepɨmɨni kakaɨyarixi wakwieyaritsie. Metatsiere 'ixaheritsixi mepanuhapanieni 'ateewa paitɨ mepuyuhayewa kayukwieyaritsie”».