'Utseyaxi 7:7 - Kakaɨyari Niukieya

⁷ Yunaitɨ mɨkɨ huxunu mɨtixɨka hepaɨ mepɨtexɨxɨka, wahetsɨa memɨte'aita mepɨwatakukuya. Yunaime te'aitamete mepɨwaranakaxɨrɨwa, peru xewitɨ mɨkɨ pɨkanetsikuwaune nemiparewienikɨ.

'Utseyaxi 7:7 ပူးပေါင်းရင်းမြစ်များ

2 Te'aitamete 15:30

Hikɨ 'Utseyaxi 'Eraha nu'aya Pekaki Xemariyaxi nu'aya 'aye'unietɨ kanayani meta kanimieni. Xeitewiyari wiyari yuriekaku Kutani 'Utsiyaxi nu'aya, mɨpaɨ katiniuyɨni kanimieni mɨpaɨ katininawairieni 'uwenieya.

2 Te'aitamete 15:25

Xewitɨ mɨkɨ 'iparewiwametɨtɨ Pekaki titewatɨ Xemariyaxi nu'aya, heye'unietɨ kanayani. Huta tewiyari heimana tamamata Kahari nuiwarimama me'iparewiekaku Pekakiyaxi kaniutamieni, meta 'Axikuwi titewakame kaniumieni meta 'Arihe titewakame, paratsiyu tuxiyuyata paitɨ Tsamariya kiekariyaritsie. Mɨpaɨ katinimieni hikɨ mɨpaɨ katininawairieni 'uwenieya.

2 Te'aitamete 15:14

Peru Menakemi Kari nu'aya Tiritsa heyeyaka Tsamariya kaninuani, mana Tsaruni Kawetsi nu'aya kaniutamieni hikɨ kanimieni, mɨpaɨ katininawairieni 'uweni.

2 Te'aitamete 15:10

Tsaruni Kawetsi nu'aya Tsakariyaxi 'aye'unietɨ kanayani. 'Iwurehami kiekariyaritsie kaneimieni, hikɨ mɨpaɨ katininawairieni 'uweni.

'Utseyaxi 8:4

Yɨkɨmana mepɨwaranuka'uitɨwa te'aitamete ne yanekahainekaku, hipame 'itsɨkate mepɨwaranuka'uitɨwa nemɨkawamate. Pɨratakɨ meta hurukɨ yukakaɨyarixi memɨwatiwewiwa para mɨkɨkɨ memuyuka'unakɨ.

'Utseyaxi 7:10

Mariwemekɨ 'Ixaheri pɨtihekɨata yuhepaɨtsita, peru mɨkɨ Yawé yukakaɨyari hetsɨa pɨkanuawe. Mɨyaranuyemietɨ, pɨka'ikuwaune tɨma.

Kitsariyaxi 64:7

Nixewitɨ pɨkamatsihahɨawe, nixewitɨ pɨkayɨtɨrɨkariya 'ahetsie mɨtiwiyanikɨ. Metsɨ pekataniwarixiwiyani pekataniyetuani pɨta 'axamɨti'ane mɨtatsikuyuitɨanikɨ.

Kitsariyaxi 43:22

»Peru 'ekɨ Kakuwu, pepɨkanetsihahɨawe, 'ekɨ 'Ixaheri, peputi'uxixɨ nehetsiemieme.

Kitsariyaxi 9:13

Peru teɨteri mɨpaɨ mepɨkatehetimaiwawe kemɨ'ane mɨyɨane mɨtiwakwinitɨa, Yawé Naimekɨmɨtɨrɨkaɨye mepɨkatiwauwawe.

Kuwi 36:13

»Kakaɨyari memɨka'ayexeiya yu'iyaritsie haxɨa mepu'uta, parewiya mepɨkaha'iwawa tsepa Kakaɨyari mɨtiwaruka'enitsitɨwa.

'Utseyaxi 7:14

Yu'iyarikɨ mepɨkanetsihahɨawe, yu'utatsie xeikɨa mekaheitɨ meputitsuana. Yu'iku mekuwaunike meta yuwinu 'axa'anekɨa mekanekɨkani nehepaɨtsita meheuniutɨ menakɨkani.

'Utseyaxi 5:15

'Ana nepakunuani nemɨra'aitatsie, kepaukake mɨpaɨ memɨtehetimani kename 'axamete'uyuri. Mepitiwauni kehepaɨ meyɨakaku nemɨwatanaki'erieni, me'u'uxetɨ mepɨnetsitiwauni meyuwaɨriyatɨ».

Tanieri 9:13

»”Yawé meta Kakaɨyari, naitɨ 'ikɨ 'uximatɨarika tahetsie kaninuani, Muitsexi xapayatsie 'inɨari niukiyaritsie kemɨre'uxa, mɨyatɨtɨ 'akuxi tepɨkatekuwautɨwe pemɨtatsitinenimayatakɨ. Tita'axamɨti'ane tepɨkateku'eiriwawe meta tepɨkayumexɨitɨa 'aniuki yuri maine temɨ'enienikɨ.

'Etsekieri 22:30

Ne xeime nepɨwaune mɨkɨ watsata neteɨterima wahetsie munuakakɨ, wahetsiemieme maniukanikɨ para nemɨkawaka'unakɨ. Peru nepɨka'itaxeiyawe.

2 Te'aitamete 10:14

Hikɨ Kehú mɨpaɨ katiniuta'aita: —Me'ayeneniereme xekeniwarutiwiya. Hikɨ mewarutiwiyaka mekaniwaranutixitexɨani putsu Weti-'Ekeri 'aurie. Mɨkɨ huta tewiyari heimana huta mekaniyupaɨmekaitɨni, mɨkɨ yunaime Kehú kaniwarukwini nixeimetɨma kapuhayewaxɨ.

2 Te'aitamete 10:7

Kepauka mɨkɨ xapa memɨ'atɨiriyarie, yunaime ti'aitame niwemama mekaniwarutiwiya, mekaniwaranutiwitexɨani. Hikɨ mu'ute kiriwatetsie mekayatsaka Kehú mekanenɨ'airieni Ketsireri mekatei.

2 Te'aitamete 9:33

hikɨ Kehú mɨpaɨ katiniwaruta'aitɨani: —Mana xekenakahɨwa. Hikɨ mɨpaɨ mekateniuyurieni, xuriyaya 'ixumeritsie paitɨ kaniukaxɨrieni meta kawayutsixi memitaketsi wa'ɨkate kaniutiwiriere.

2 Te'aitamete 9:24

Peru Kehú yutupi karima kanahapani Kurami kaniutamɨni kani'axe warieyatsie, 'ɨrɨ 'iyarieyatsie kaniuyekeni. Kurami kanatiweni mɨkitɨ yukaxetatsie,

1 Te'aitamete 16:18

Hikɨ kepauka Tsimɨri mɨretima kename kiekari ka'unarieximekai, hikɨ tuxiyu 'amutewita kaneutihani paratsiyuta, kanitataiya. Mɨpaɨ katiniumɨni

1 Te'aitamete 16:22

Perutsɨ 'Umiri hetsɨa miemete mekaniwara'iwa Tiwini teɨterimama, mɨkɨ 'ana kaniumierieni meyukwitɨwetɨ. Hikɨ mɨpaɨ 'Umiri ti'aitame katinayani.

1 Te'aitamete 15:28

Hairieka wiyari ti'aitakaku 'Atsá Kura kwieyaritsie, Watsaha Narawi kaniumieni, hikɨ mɨkɨ pɨta hetsiena mieme katiniuta'aita.

'Utseyaxi 13:10

¿Hakewa ti'a'aitɨwame, para naime 'akiekarite mɨtawikweitsitɨanikɨ? ¿Hakewa 'a'itsɨkate pemɨwaruta'iwau: “Ti'aitame meta 'itsɨkate keneneyetuiri”?

Mikeyaxi 2:1

Xɨa'ui kemɨ'ane xeikɨa memɨyu'iyaritɨa 'axamemɨteyurienikɨ, me'uheitɨ 'akuxi ke'axamemɨteyurienikɨ memitiwewiwa. 'Amɨtikataretsie, mɨpaɨ mepɨte'eye'atɨwa mɨkɨ tɨrɨkariya memexeiyakɨ yuhetsie.

Nɨawari 14:4

¿Kamɨtsɨ 'atsimekatemate yunaitɨ 'axamemɨteyurie, neteɨterima memɨwakwa'a paa memɨhɨkɨtɨni hepaɨ? Hatsuaku Yawé mepɨkahahɨaweni.

Kitsariyaxi 64:4

Xewitɨ tawarita, meripaitɨtɨ mɨpaɨ pɨkati'enawe, meta xewitɨ mɨpaɨ pɨkatinieriwe, xeime Kakaɨyari 'ahepaɨ tiyurieneme pɨkaxeiyawe kemɨ'ane hetsiena memɨtewiya wahetsiemieme 'aixɨa tiyurieneme.

Kitsariyaxi 64:6

Teyunaitɨ teɨteri temɨka'itiyatɨka tepɨhɨkɨ, naitɨ heitseriemekɨ ketemɨteyurie 'ixurikite mɨtɨtɨnini hepaɨ pɨ'ane. Teyunaitɨ tepɨtiwauke kɨye xawari hepaɨ, titakɨ 'axatemɨte'uyuri 'eka hepaɨ pɨtatsi'u'enitsitɨaxime.