'Utseyaxi 7:4 - Kakaɨyari Niukieya

⁴ Huxunu muwatita'a hepaɨ mepɨ'anene taitsie kɨyexi manunetɨani pɨkaheuyewetse kepauka paa wewiwame harina mɨhawiya kepauka 'aixɨa mɨyɨnike. Yunaitɨ mɨpaɨ mepɨ'anene kayu'ɨitama wahamatɨa memɨhitɨwe.

'Utseyaxi 7:4 ပူးပေါင်းရင်းမြစ်များ

Keremiyaxi 9:2

Makumawetsietɨ kii nemɨnexeiyani huye tetsita. Neteɨterima nepuwaruku'eiriwe, 'ateewa nepeyeiwe. Yunaitɨ mɨkɨ hipame wa'ɨitama memɨwakumaɨwa mepɨhɨkɨ, yunaitɨ mepɨnetsi'uku'eiri hipame mepɨwaranukuwei.

Tsatiyaku 4:4

Neuxei teɨteri hipame wa'ɨitama xemɨwakumaɨwa. ¿Kari mɨpaɨ xepɨkatemate, xɨka tinaki'erieka tita kwiepa mɨtimieme, Kakaɨyari kani'uxiwe'eriekamɨkɨ? 'Ayumieme kemɨ'ane mɨyuwaɨriya tita kwiepa mɨtimieme mɨtinaki'eriekakɨ, mɨkɨ Kakaɨyari 'aye'unietɨ payuyeitɨwa.

'Utseyaxi 4:12

Neteɨterima kɨye kakaɨyariyari xeikɨa mepayexeiya, mɨkɨ kuta kɨye tiwaku'eiya, mepɨkayumaiwawe hipame 'ukarawetsixi wahamatɨa mehitɨwetɨ xeikɨa mepauyexɨrie, yukakaɨyari mepuku'eiri mɨyameyɨatɨ.

'Utseyaxi 4:2

Matsi mepɨtexuaweriya 'axamɨti'ane meta 'itarika. Waɨkawa mepɨtenawatɨwe, hipame wahamatɨa mepɨhitɨwe, mepɨteyumemiwa. Xewitɨ xɨka tiuyumieni mɨkɨta xewitɨ pimieni.

1 Kurinitutari 5:6

Xemamariwaweme kexemɨteyuxata, mɨkɨ 'aixɨa pɨka'ane. ¿Mɨpaɨ xekatemate, 'etsipemekɨ paa naitɨ kaniutakuxaniriyarieni tikuxanariyamekɨ?

Keremiyaxi 23:10

'Axamemɨ'itɨariekɨ, kayu'ɨitama wahamatɨa memɨhitɨwe mepɨhɨne 'ikɨ kwieyaritsie, 'ikɨ kwieyari puyuhiwerie meta makumawetsie 'ɨxa putiwa. Kakaɨyari niukametemama 'axamepɨteyurie, yutɨrɨkariyakɨ tita mɨkatiheitseriekɨ mepɨteyurie.

'Utseyaxi 4:10

»Tsepa memɨte'utikwa'a peru mepauhakakwikuni, tsepa tɨɨri yuwaɨkawa memɨwarayexeiyaku, peru hatsuaku mepɨkawarayexeiya, Yawé memuku'eirikɨ para memɨyuyetuanikɨ,

Keremiyaxi 9:1

Nemu'u haixa xɨka hɨkɨtɨnike, meta nehɨxite 'ukai haixayari, tukarikɨ meta tɨkarikɨ nemutsuanenikɨ, neniwe 'uka teɨterimama memukwi'iwaxɨkɨ.