'Utseyaxi 7:2 - Kakaɨyari Niukieya

² Mɨpaɨ mepɨkateku'eriwani ne naime nekatinimaika 'axakememɨte'u'iyari. Ke'axamemɨteyurie mɨkɨ pɨwakunama, ne naime nepɨtimate.

'Utseyaxi 7:2 ပူးပေါင်းရင်းမြစ်များ

Rukaxi 12:2

Karikɨ naitɨ tita mɨti'awietsie katinahekɨarimɨkɨ, meta naitɨ tita 'awie mɨtimieme katinitamariwamɨkɨ.

Nɨawari 90:8

'Ahɨxie tita 'axatemɨte'uyuri pepɨtixeiya, 'ahekɨaripa pɨti'ane 'axatemɨte'uyuri ketemɨte'anukanama.

'Amuxi 8:7

Yawé kaniyuhɨritɨani Kakuwu kemɨtiyuta'ɨrixɨkɨ: «Ne nepɨkaratɨmaiya kexemɨte'uyuri.

Keremiyaxi 14:10

Yawé mɨpaɨ kanaineni 'ikɨ teɨteri wahepaɨtsita: «'Ikɨ teɨteri puwanake memeu'uwanikɨ, yɨ'ɨkate mepɨkamaniyatɨa. 'Ayumieme ne nepɨkawanaki'erie, matsi ne nekaniwaraye'eritɨamɨkɨ ke'axamemɨte'uyuri hikɨ nekatiniwakwinitɨamɨkɨ mɨkɨkɨ».

Keremiyaxi 2:19

'Axakepemɨtiuyuri mɨkɨ 'ahetsie pɨrahɨani, heitserie yapemɨkatikatɨakɨ pepe'atimani. Keneutimaixɨa ke'axamɨ'ane meta kemɨtiuka'eniexɨani xɨka Yawé 'akakaɨyari 'uku'eirieni meta xɨka pekanetsi'ayemakatɨ pe'ayani —Ti'aitame mɨpaɨ kanaineni, Yawé Naimekɨmɨtɨrɨkaɨye—.

Hepɨrayutsixi 4:13

Tsepa kemɨtitita munetɨarie pɨkayɨwe mɨ'awietsiekakɨ mɨkɨ kemɨtixeiya, naitɨri matsi pɨmatsiɨkɨ panutiyepiya kemɨ'ane mɨtatsitahɨawe 'ixeiyakaku.

1 Kurinitutari 4:5

'Ayumieme xepɨka'i'inɨatani tukariyari ka'aye'awekaku 'akuxi, Ti'aitame 'akuxi kanuawekaku. Mɨkɨ katinihekɨatamɨkɨ tita mɨtiuti'awietsie yɨwipa. Matsiɨkɨme kaneyeitɨamɨkɨ kememɨteyuriekɨ teɨteri yu'iyaritsie. 'Anakeri yuxexuitɨ 'aixɨa mekatenikɨhɨawarɨwakuni, Kakaɨyari yatiwayetuiriekaku ketita mɨtiwahetsiemiemetɨkai.

'Utseyaxi 9:9

Kemɨkatiheitserie xeteyurietɨ 'ari xepakɨ, Kiweya mɨtiuyɨ hepaɨ, Peru Kakaɨyari pɨkaratɨmaiya waɨkawa kexemɨte'uyuri 'uximatɨarika pɨxepitɨani 'axaxemɨte'uyurikɨ.

Keremiyaxi 32:19

Kepemɨtiku'eriwa pumamariwawe, yemekɨ witsipɨ'anene 'a'uximayatsika. Pepuwataxeiya yunaime teɨteri kememɨteyurie, yuxexuime yapemɨtiwarakapitɨanikɨ kememɨtekakɨ meta kememɨte'u'uximayataxɨakɨ.

Keremiyaxi 16:17

Yurikɨ nehɨxite naime pɨtixeiya kexemɨteyurie, nixewitɨ pɨka'anukaname. Ke'axaxemɨteyurie nehɨxie muyuti'awieta pɨkayɨwe.

Keremiyaxi 4:18

Kepemɨtiuka'iyari kepemɨtiyuriene 'ayumieme 'ikɨ mɨya pepɨranuyemie. 'Ikɨ 'a'uximatɨarika kanihɨkɨtɨni. Kwinimieme pɨratsiwi. Pɨmatikwinitɨa 'a'iyaritsie».

Kitsariyaxi 5:12

Wa'ixɨararitsie winu puxuawe meta kanarite, xawerite, tepu meta pirikɨxa. Peru Yawé kemɨtiuyuri mepɨkayɨkɨ'ɨwiya meta ketita mɨtiutiwewi yamepɨkatemate.

Nɨawari 25:7

'axakenemɨtiuyuri kenatɨmaiya 'aitsika nemeutitsanaxɨakɨ temaikɨyari. Kenenaye'eri kepemɨti'akanaki'eriekɨ, 'ekɨ Yawé 'aixɨa pemɨtiuka'iyarikɨ.

Nɨawari 9:16

Yawé kanimatiwani 'aixɨa mɨtiuka'iyarikɨ, 'axamɨtiuka'iyari yuwiniyaritsie kaniyukahɨpani.

'Utseyaxi 8:13

Mepɨnetemawirie mawari taiyariyarikɨ meta 'imikierite, waiyari mekwatɨ, ne mɨkɨ pɨkanetsinake. Hikɨ ne ke'axamemɨteyurie naime nepɨkaratɨmaiya, ke'axamemɨte'uyurikɨ mɨkɨkɨ nepɨwaranutaxɨrieni, mekanakunuaxɨakuni 'Ekipitu.

Kitsariyaxi 1:3

Tuuru kwietsaname yukutsiyari kanimateni meta puxu kanemarieka hakewa kutsiyarieya mɨreitimikwa, peru 'ixaheritsixi mɨpaɨ mepɨkatemate, neteɨterima mepɨkaheu'enana».

Nɨawari 50:22

»Xeme Kakaɨyari xematɨmai, xekeneutimaixɨa kenemaine, xɨkate mɨpaɨ xeka'ɨyɨni, ne nekanixetitsanamɨkɨ, nixewitɨ tɨma pɨkaxetawikweitsitɨani.

Kuwi 34:21

»Kakaɨyari hɨxiteya teɨteri wahuye pɨwaxeirie, mɨkɨ yuxexuitɨ kememɨte'u'uwa pɨ'ɨwiya.

Hutarieka 'inɨari 32:29

Xɨka xeme xemɨtemaiwawe xehɨkɨtɨnike hikɨ 'ipaɨ xeteyuhɨaweke, xɨka mɨpaɨ xetehetimanike kexemɨ'itɨarienikɨ.

'Inɨatsie 32:23

»Peru xɨkata xeyuti'imani, mɨpaɨ xeketenemaika 'axaxekateniyurieka Yawé hetsiemieme. Peru xepɨkateheuyehɨwiyarieni 'axaxemɨte'uyurikɨ.

Kitsariyaxi 44:19

Memɨtemaika meta memɨtemaiwaweni pɨwareuyehɨwa, mepɨkayu'iyaritɨa meta mɨpaɨ mɨtayɨni mepɨkayɨwawe: «Kɨye hixɨapa 'akamekɨ nepatinai, papa nekaniuta'ɨariya tɨɨtsie, wai ne'utawarɨkaka nepitakwai. ¿Kamɨtsɨ netiyɨwe tixaɨtɨ tixani'eriwame nemayeitɨani kɨyexi mana mɨtihekɨ? ¿Kɨye yatewime hɨxie netititunumakeni?»

Kitsariyaxi 26:16

Yawé, 'uximatɨarikatsata mepɨmatsi'utiwau, nenewierikɨ 'etsiwa xeikɨa me'eniɨriɨkɨtɨ kepauka 'ekɨ pemɨtiwaruka'enitsitɨatsie.

Keremiyaxi 17:1

«Kura ke'axamɨtiuyuri katina'utɨarieni tepɨa manuyemɨtsɨkɨ, kana'utɨarieni tepɨa 'atsimɨkayɨwekɨ, tete mɨxixiya 'iyariyaritsie meta mawari taiyameyate 'awateyatsie.

Keremiyaxi 44:21

—¿Kamɨtsɨ xeme Yawé 'atsikaretimaime xete'erie kexemɨteyuriekai, xeme meta xetutsima, texe'aitɨwamete meta waparewiwamete meta yunaitɨ teɨteri, kepauka 'ɨkwa xemɨwatairietɨwekai Kura kiekariyaritetsie meta Kerutsareme kayeyariteyaritsie?

'Utseyaxi 4:9

Mawari wewiwamete meta teɨteri yaxeikɨa mepɨ'anene. 'Ayumieme yanepɨtiwatawawirieni kememɨte'u'uximayataxɨ meta yuxexuime yanepɨtiwapitɨani kememɨte'uyuriexɨa.

'Utseyaxi 9:15

«Kirikari mepikatsutɨa 'axameteyurietɨ, mana nepikatsutɨa newa'uxiwe'erietɨ. 'Axameteyuriekaku, nekiita nepɨwaranuyexɨrieni. Ne nepɨkawatanaki'erieniri, yunaitɨ wa'itsɨkate 'axamemɨteyuriekɨ meteyukahiwe'erietɨ.

'Utseyaxi 12:2

Yawé Kura kanixanetani, pɨrayukatɨani Kakuwu naime kemuyuri, naime kemɨtiuyuri mɨkɨta mɨpaɨ pɨtipitɨarieni.

Kunatsi 1:2

«Kenemie, Niniwe kiekariyaritsie 'amɨyewatsie, yaketiniwaretaxatɨa kenemɨtika'una, karikɨ nekaniwaruxeiyari ke'axamemɨteyurie teɨterimama».

Nɨawari 10:11

Mɨpaɨ kaniutaineni yuxaɨta: «Kakaɨyari pɨkawara'eriwa teɨteri. Yuhɨxie kaneuyukunaka, tixaɨtɨ pɨkatixeiya».

'Etsekieri 21:29

Mɨkɨ 'ixipara 'axamemɨte'u'iyari kaniwaranutiwitexɨamɨkɨ, kememɨte'unenierixɨ mɨkayurikɨ meta kememɨtemaiwawe pɨyakɨ. Peru tukarieya kanaye'aniri, kepauka kwitɨwa 'uximatɨarika nemipitɨani.

'Utseyaxi 6:2

Huta tukari 'anukayayu tukari pɨtatsi pitɨani, hairieka tukari pɨtatsi 'anuku'uitɨani, 'ana mɨpaɨ hamatɨana tepu'uwani.