'Utseyaxi 7:16 - Kakaɨyari Niukieya

¹⁶ Kakaɨyari 'Amutewi hetsɨa mepɨka'axɨaku, tupi tiyu'irɨwiyame hepaɨ mepɨ'anene. Peru wa'itsɨkate 'ixiparakɨ mepɨka'unarieni waniuki 'axamanuyɨnekɨ, meta 'Ekipitu kiekatari mepuwatinanaimani.

'Utseyaxi 7:16 ပူးပေါင်းရင်းမြစ်များ

'Utseyaxi 9:3

Yawé kwieyatsie xepɨka'u'uwaniri, 'Epɨrahini 'Ekipitu kanakunuamɨkɨ meta 'Atsiriya timieme mɨkati'itiya pepɨtitikwani.

Nɨawari 78:57

Heitserie mepɨka'u'uwakai 'axamepɨte'u'iyarikai, yupaapama wahepaɨ, 'axamepɨte'u'iyarikai watupi mututuni hepaɨ mepɨ'anenekai.

'Etsekieri 23:32

»”Yawé naimekɨmɨyɨwe mɨpaɨ kanaineni: »”'Ekɨta 'akuri tekɨxieyata pepenuhareni, tekɨxi 'amɨnena meta waɨka mɨtiukanake. Waɨkawamekɨ 'axapepɨtikuhɨawaruwani meta pepɨ'atsierieka waɨkawa. 'Atewinɨarika mɨhɨne meta nanaimarika,

Nɨawari 73:9

Yuniukikɨ muyuawi hepaɨtsita 'axamepɨtiyuane, yuniukikɨ kwiepa mepɨte'aita.

'Utseyaxi 9:6

Tsepa xemuyuta'unaxɨ xemɨka'unarienitsie, 'ekipitutari mepɨxetiwiya, Menipitsi kiekariyaritsie mepɨxekateuku. Witsimɨti'anene xemɨtehexeiya pɨratakɨ, mɨtiwewiyatɨka tupiriyatsata pɨtiyuhayewa, xexamaru xuya penukanani.

Nɨawari 12:4

mɨpaɨ memutiyuane: «Taniukikɨ tekatenayu'iwakuni, tanenikɨ xeikɨa tekaneuta'ɨka. Nixewitɨ tame pɨkatatsikema».

Matsiɨkɨtɨ kemɨratɨa 13:5

Hikɨ niuki kaniupitɨarieni waɨkawa mɨtikuxatanikɨ, mitsewiximakakɨ Kakaɨyari hepaɨtsita 'axa'utaitɨ, meta heitserie kaniupitɨarieni huta tewiyari heimana huta metseri mɨpaɨ mɨtiyurienenikɨ.

2 Pekuru 2:8

Mɨkɨ heitseriemekɨ yakatinikamiekaitɨni, peru kemɨtinierekai kemɨti'enakai mexi watsata 'ayekatei, tukarikɨ yu'iyaritsie pɨ'uximatɨariekai waxeiyatɨ kememɨteyuriekai 'inɨari memɨtitsanakaikɨ.

Tsatiyaku 3:5

Yaxeikɨata tawaiyaritsie taneni pɨyuxewi 'etsipetɨ, matsi mariweme mɨtiuyurieni kaniyɨweni. Xɨka makukɨyexiyatsie 'utinaini tai 'etsipemekɨ, mɨkɨ kaniyɨweni 'ahakuyeukame mutataiya.

Rukaxi 8:13

Makutetexiyatsie miemete, mɨkɨ mekanihɨkɨtɨni memitanaki'eri niuki meyutemamawietɨ me'u'enanaka, peru mɨkɨ mepɨkahananatɨka. Yatewimekɨ yuri mekateni'erieka, peru kepauka memɨta'inɨatsienitsie mekatenikuhayeikawani.

Mateu 12:36

Matsi yurikɨ mɨpaɨ nepɨtixekɨhɨawe, naime niuki yakɨ xeikɨa memutiniuka teɨteri, mɨkɨ hepaɨtsita mepɨtiniuni kepauka 'itsɨkame mɨwatahɨawe.

'Utseyaxi 11:7

Neteɨterima mepuyuwaɨriya memɨkanetsinaki'eriekakɨ kenemɨtitewa, 'ayumieme tsepa memɨnetsihahɨawe ne nepɨkawaparewieni.

'Utseyaxi 7:13

Xɨa'ui nepaine memɨnetsi'uku'eiri wahetsiemieme. Meke'uka'unarieni nehɨxie memɨnetsi'aye'uniekai. Ne yemekɨ nepɨwaranayexeiyawe, peru mɨkɨ hatsuaku yuri mehaitɨkaitɨ mepɨkanetsihahɨaweni.

'Utseyaxi 6:4

«¿'Epɨrahini 'ahetsɨa kenetiyurieni? ¿Kura meta kenetiyurieni 'ahetsɨa? Xenaki'eriya hai ximeri mieme hepaɨ pɨ'ane, haɨtsi hepaɨ yapauka mɨtipaparike.

'Etsekieri 36:20

Peru kepauka yumɨireme nuiwarite watsata memɨye'axɨa, patsiekamekɨ kenemɨtitewa nekapatsiekame mekanayeitɨani, mɨpaɨ mepɨtekɨhɨawarɨwakai: “Yawé teɨterimama mepɨhɨkɨ, peru mɨyatɨtɨ yukwiepa waɨriyarika mepayehapanie”.

Keremiyaxi 18:18

Teɨteri mɨpaɨ mekaniutiyuani: «Xekeneuyukuxeɨri tepɨtetixata Keremiyaxi hepaɨtsita. 'Inɨari niukiyari pɨkaheuyeweka mawari wewiwame hetsie, 'ɨxatsi mɨtimaiwe hetsie pɨkaheuyeweka tɨma meta niuki Kakaɨyari niukameya hetsie pɨkaheuyeweka. Niukikɨ tepeye'atɨirieni, tsepa kemaine yatepɨkateyurieni».

Keremiyaxi 3:10

Tsepanetɨ 'ikɨ naitɨ mɨyamɨtiɨyɨ, taruya Kura 'axamɨtiuka'iyari, pɨkanua nehetsɨa yu'iyarikɨ, kenametɨ nehetsɨanua kaniuyɨni», Yawé mɨpaɨ kanaineni.

Kitsariyaxi 3:8

Kerutsareme kaniwatayuakeni, Kura kanika'unikeni, mɨya mepɨte'anuyehu Yawé kemɨkatinake memutiyuanekɨ meta mɨpaɨ memɨte'u'uwakɨ: me'ixani'erietɨ mɨkɨ mariwetɨ witsikemɨtiyuxexeiya.

Nɨawari 78:37

Yu'iyarikɨ Kakaɨyari mepɨka'ayexeiyakai, yamepɨkatekakɨ tɨratuya kemainekai.

Nɨawari 57:4

'Ɨrawetsixi teyukwa'amete wahixɨapa nekaniuweni, teɨteri me'ayu'eririyatɨ ne'aurie mekanawetɨkani. Watamete 'ɨrɨ meta pitsika kanihɨkɨtɨni. Waneni, 'ixipara mataxikauni kanihɨkɨtɨni.

Nɨawari 52:2

'Aneni, nawaxa mataxikauni hepaɨ pɨ'ane, pɨtiyuka'unamɨkɨ meta 'itarika pɨwewie.

Nɨawari 12:3

Yawé, 'ekɨ mɨkɨ teɨteri pepɨwareuyehɨani memɨte'itawa meta memɨteyukananaima,

Nɨawari 17:10

Yu'iyaritsie xeikɨa mepɨteheunama, 'axamekatenikuxatani hipame mewa'iwakutɨ xeikɨa.

Tanieri 7:25

Kakaɨyari 'Amutewi hepaɨtsita kaneuniumɨkɨ memɨpatsie hetsɨana miemete kaniwa'uximatɨamɨkɨ, katinipataxɨamɨkɨ tita 'ixɨarari mɨratineika meta 'aitsika niukiyari, meta memɨpatsie katiniwata'aitɨamɨkɨ haika wiyari heimana 'ataxewime metseri.

'Utseyaxi 11:5

»'Ekipitu xepɨkahakunuaxɨaniri, 'Atsiriya pɨta xehetsie pɨtita'aita, nehetsɨa xemɨ'axɨanikɨ xemɨka'uyuwaɨrikɨ.

Marakiyaxi 3:13

»Xeme 'axaxekaniutiyuaneni nehepaɨtsita —Yawé kanaineni—. »'Akuxita mɨpaɨ xete'u'iwawa: “¿Kehepaɨ kuta 'axateputiyua 'ahepaɨtsita?”

Marakiyaxi 3:14

»Xeme mɨpaɨ xekaniutiyuani: “Kakaɨyari xɨka 'ayexeiyani yakɨ xeikɨa pɨtiyu'uxitɨaka. ¿Tita teteha'iwa xɨka 'aitsikateyatsie yatetekahuni meta Yawé Naimekɨmɨtɨrɨkaɨye hɨxie te'u'uwani hiwerika kamixayari te'anakatɨtɨkaitɨ?

Nɨawari 12:5

Yawé mɨpaɨ kanaineni: «Hikɨ nekananukukemɨkɨ, memɨ'uximatɨarie nekaniwatawikweitsitɨamɨkɨ, tixaɨtɨ mɨkarexeiya mɨnanaimariekɨ, mɨreuyehɨwa mɨtiuka'eniwakɨ».

Keremiyaxi 42:18

Mɨpaɨtsɨ kanaineni Yawé Naimekɨmɨtɨrɨkaɨye, 'Ixaheri Kakaɨyarieya: “Kehepaɨ Kerutsareme kiekatari wahetsiemieme waɨkawa nemɨtiuyeha'a, mɨpaɨta xehetsiemieme waɨkawamekɨ nekatiniyeha'amɨkɨ xɨka xehekɨne 'Ekipitu. 'Axaxe'itɨarietɨ xepakɨne, waɨkawa mepumamaka hipatɨ mexexeiyatɨ, meta xepɨtixani'eriwa xepuyuriyarieka meta hatsuakuri 'ikɨ kwieyaritsie xepɨka'axɨani”.

'Utseyaxi 9:4

Tawariri Yawé winu xepɨkayetuirieni, mɨkɨri pɨka'inakeni xemawarika. Mɨkɨ paa pɨkaxetanaki'eririeni, 'ayumieme xepɨtitsuani, kemɨ'ane memitikwani mɨkɨ meka'itiyatɨ mepakɨne. Haaka nunuitɨwame xeikɨa pɨhɨkɨ, peru Yawé yutukita pɨka'inaki'erie.