'Utseyaxi 7:1 - Kakaɨyari Niukieya

¹ ne kepauka 'Ixaheri nemu'uayema, 'Epɨrahini meta Tsamariya ke'axamemɨteyuriekai waɨkawa mɨkɨ naitɨ pɨtihekɨare. Mɨkɨ mepɨtewa'itaiyakai, kepauka mɨtinawarienekaitsie kiita, yumɨiretɨ kaye'utɨma mepɨtenawatɨwe.

'Utseyaxi 7:1 ပူးပေါင်းရင်းမြစ်များ

'Utseyaxi 7:13

Xɨa'ui nepaine memɨnetsi'uku'eiri wahetsiemieme. Meke'uka'unarieni nehɨxie memɨnetsi'aye'uniekai. Ne yemekɨ nepɨwaranayexeiyawe, peru mɨkɨ hatsuaku yuri mehaitɨkaitɨ mepɨkanetsihahɨaweni.

'Utseyaxi 6:4

«¿'Epɨrahini 'ahetsɨa kenetiyurieni? ¿Kura meta kenetiyurieni 'ahetsɨa? Xenaki'eriya hai ximeri mieme hepaɨ pɨ'ane, haɨtsi hepaɨ yapauka mɨtipaparike.

Rukaxi 19:42

mɨpaɨ 'utaitɨ: —'Ekɨtɨtɨ tsikere 'ikɨ tukaritsie xɨka tɨma peheitimanike tita mɨreuyewetse para 'aixɨa pemɨtixeiyariekakɨ. Matsi kaniuti'awietsieni hikɨ 'ahɨxikɨ pemɨka'ixeiyakɨ.

'Utseyaxi 4:2

Matsi mepɨtexuaweriya 'axamɨti'ane meta 'itarika. Waɨkawa mepɨtenawatɨwe, hipame wahamatɨa mepɨhitɨwe, mepɨteyumemiwa. Xewitɨ xɨka tiuyumieni mɨkɨta xewitɨ pimieni.

Rukaxi 13:34

»Kerutsareme, Kerutsareme 'aku, 'ahetsɨa kiekatari mekaniwatakukuyani Kakaɨyari niukametemama meta mekaniwatituaxani Kakaɨyari nɨ'arimama 'ahetsɨa memɨ'axe. Mɨixa nepɨnewaɨriyakai nemɨwakuxeɨrienikɨ 'atɨriyama, wakana yuniwema kemɨtiwakuxexeɨriwa yu'anatɨa hepaɨ, peru mepɨkayuwaɨri.

Mateu 23:37

»Kerutsareme, Kerutsareme 'aku, 'ahetsɨa kiekatari mekaniwatakukuyani Kakaɨyari niukametemama meta mekaniwatituaxani Kakaɨyari nɨ'arimama 'ahetsɨa memɨ'axe. Mɨixa nepɨnewaɨriyakai nemɨwakuxeɨrienikɨ 'atɨɨriyama, wakana yuniwema kemɨtiwakuxexeɨriwa yu'anatɨa hepaɨ, peru mepɨkayuwaɨri.

Mikeyaxi 6:16

'Ekɨ 'aixɨa 'anemekɨ 'Umiri 'aitsikaya pekaniuweiyani meta naime 'Akawi nuiwarimama kememɨteyurie, yapepɨtiuyeika 'ɨxatsieya kemutiyuane. 'Ayumieme pemɨka'unarienikɨ nekameniyetuamɨkɨ, meta 'ateɨterima nekaniwatewinɨamɨkɨ. Teɨteri 'axakemematekɨhɨaweni pepinewieka».

'Amuxi 8:14

Meta mepatixɨrieni yuheyemekɨ 'iya Tsamariya kakaɨyariximama wahetsɨa memɨyuhɨritɨa, meta mɨpaɨ me'utiyuatɨ: “Rani kakaɨyariximama, me'ayeneniereme memɨwa'erie. Meta Weritsewa kakaɨyariximama pemɨwarayexeiya”».

'Utseyaxi 11:12

»'Epɨrahini pɨneti'itaiyane, 'Ixaheri mɨra'aita 'itarikakɨ xeikɨa niuki pɨxɨatɨa, Kura kuyeikame pɨhɨkɨ, Kakaɨyari hetsɨa 'ateewa paitɨ puyeika. Kakaɨyari mɨpatsie yamɨtikamie hetsɨa 'ateewa paitɨ puyeika.

'Utseyaxi 10:5

Tsamariyatari waɨkawa mekanimamaka tsikeru Weti-'Aweni kakaɨyariyari memayexeiyakɨ. Tsikeru teteyari memayexeiya waɨkawa mepɨyutihiwerieni, yaxeikɨata mawari wewiwamete memɨwarayexeiya kakaɨyarixi. Waɨkawa meyuhiwerietɨ mepɨtihiwa mɨmariwekaikɨ, wakakaɨyari xeime kwieyaritsie manutɨkienikɨ.

'Utseyaxi 8:9

'Ixaheritsixi mekanekɨne 'Atsiriya paitɨ, mekaniuyupata puxuri yeutari memɨkaheu'enana wahepaɨ, meta 'Epɨrahini yutuxexerima katiniwayetuiriwakaitɨni.

'Utseyaxi 8:5

Tsamariya kiekatari tsikeru kakaɨyariyari xemayexeiya xekeneuku'eiri. Xehetsiemieme ne nepuyeha'a. 'Atsitake kepauka xeyu'itietɨ xemakɨne.

'Utseyaxi 5:1

»'Ikɨ niuki xekeneu'eni xeme mawari wewiwamete. Xekeneu'enana 'ixaheritsixi. Xekene'enanaka ti'aitame nuiwarimama. Xehetsie pɨmieme kexemɨte'anutaxɨriyani. Mitsipa kiekariyaritsie xeme xekateni'irɨwiyarieka, Tawuxi hɨriyaritsie winiyari 'amɨtewi xekaniutawieka.

'Utseyaxi 4:17

'Epɨrahini memɨkayuri kakaɨyarixi pɨwarutinɨi, tsepatsɨ wahamatɨa mɨtiuyuhayewaxɨ.

'Etsekieri 23:4

Mexɨakame 'Ahurá pɨtitewakai, taruyata 'Ahuriwá pɨtitewakai. Mɨkɨ wahamatɨa nepuyeikakai, yuniwema mekaneniyetuirieni 'ukitsi meta 'ukari. ('Ahurá Tsamariya kani'inɨariyaritɨni, taruyata 'Ahuriwá Kerutsareme pɨ'inɨariyari).

'Etsekieri 16:46

'Akuri Tsamariya kanihɨkɨtɨni, kiekari 'ayeta mukuma meta kiekari 'auriena mamanetɨka, 'ataru Tsuruma kanihɨkɨtɨni, kiekari 'atsutɨa mukuma meta kiekari 'auriena mamanetɨka.

Keremiyaxi 51:9

»“Wawiruniya tepu'uayemakai, peru pɨka'anayewe, tepiku'eirieni, xekenakunuaxɨa yuxexuitɨ yukwieyaritsie, muyuawitsie paitɨ kanematiwani ke'axamɨtiuyuri, hai manuyekate paitɨ kaneuti'aka”.

Kitsariyaxi 59:12

'Ekɨ pepɨtimate waɨkawamekɨ temɨtehayuye'uniekɨ, tita 'axatemɨte'uyuri pɨtatsixaneta. Temɨtehayuye'unie tahamatɨa 'apuyeika, 'axatemɨte'uyuri tepɨmate.

Kitsariyaxi 28:1

Xɨa'ui memuyuti'ɨre wakuruna 'Epɨrahini kiekatari memɨtarɨwe, tutu mɨyɨna witsikemɨtiyuxexeiyakai, hɨri 'ayewerikaku 'aixɨa raye'anekaku muwe. Xɨa'ui winukɨ mematixɨri.

'Etsekieri 24:13

»”Kerutsareme, ne nepɨmatsi'itimɨkɨkai 'aixɨa nematsiyurimɨkɨkai, ke'axapemɨtiyurienekai 'ahiwe'erikakɨ, peru pepɨka'uyutawaɨri 'aixɨa nematsiyurienikɨ. 'Ayumiemeri, peka'itiyatɨ pekanayeimɨkɨ, 'atsitake petikwineme nehaxɨakɨ.

'Utseyaxi 11:8

»'Epɨrahini, nepɨkayɨwe nemetsiyetuani. 'Ixaheri, nepɨkayɨwe nemetsi'uku'eirieni. Ne nepɨkayɨwe nemetsiyetuani 'Arimaha kenemɨtiyetua hepaɨ. Ne nepɨkayɨwe nemetsi'uku'eirieni Tsewuhini hepaɨ. Netaɨta, ne'iyari pɨkarexeiya, metatsiere nekwinurite panukuyuane.

Kitsariyaxi 59:13

Temɨkaheu'enana tepɨhɨkɨ, Yawé tepɨka'anu'eni. Takakaɨyari tepuwarixiwiyaxɨ. Teɨteri tepuwananaima meta tepɨwakwamana, 'itarikakɨ tepɨtekuxata ta'iyaritsie mayeneikakɨ.

Kitsariyaxi 59:14

Mɨpaɨ te'anetɨ 'aixɨa mɨti'ane tepɨkuwarixiwiya, meta tita mɨtiheitserie 'ateewa puyeika, teɨteri memayukuxexeɨriwatsie tita yuri mɨraine mepekahɨpa, heitserie yatepɨkateyurie.

'Utseyaxi 12:1

'Epɨrahini 'eka xeikɨa kanikwaka, tukarikɨ 'eka mɨxɨka 'utɨa pukuyeika, waɨkawa 'itarika kaniwewieka meta kaniyumieneni. 'Atsiriya ti'aitame hamatɨa tɨratu mepɨwewietɨwe, 'Ekipitu ti'aitame hetsɨa hatseiti kaniyetuayani mɨtiyutuaka hepaɨ».

'Utseyaxi 12:2

Yawé Kura kanixanetani, pɨrayukatɨani Kakuwu naime kemuyuri, naime kemɨtiuyuri mɨkɨta mɨpaɨ pɨtipitɨarieni.

'Amuxi 3:9

'Ikɨ xeketenekuxatani kiekari 'aixɨa mɨrekukurarutɨiyarie 'Atsiruri meta kiekari 'aixɨa mɨ'anene 'Ekipitu mieme: «Tsamariya hɨriyaritetsie xekeneuyukuxeɨri meke'uneniere kememɨtemama, nanaimarika kemɨtixuawe mana».

'Amuxi 3:10

«Yukii 'aixɨa mɨ'aneneta memɨtehɨniya 'inawari meta memɨtewanawairie hipame waɨriyarika mɨkɨ mepɨka'imate tita heitserie muyeikani mɨranɨyɨne», Yawé mɨpaɨ kanaineni.