'Utseyaxi 6:9 - Kakaɨyari Niukieya

⁹ Mawari wewiwamete mepɨyuxeɨrie Tsikeni huyeri'utɨa 'awie metanenieretɨ, tenawayamete wahepaɨ mekaniwakwika mana memuyekɨka metewawawirietɨ.

'Utseyaxi 6:9 ပူးပေါင်းရင်းမြစ်များ

'Utseyaxi 7:1

ne kepauka 'Ixaheri nemu'uayema, 'Epɨrahini meta Tsamariya ke'axamemɨteyuriekai waɨkawa mɨkɨ naitɨ pɨtihekɨare. Mɨkɨ mepɨtewa'itaiyakai, kepauka mɨtinawarienekaitsie kiita, yumɨiretɨ kaye'utɨma mepɨtenawatɨwe.

'Utseyaxi 5:1

»'Ikɨ niuki xekeneu'eni xeme mawari wewiwamete. Xekeneu'enana 'ixaheritsixi. Xekene'enanaka ti'aitame nuiwarimama. Xehetsie pɨmieme kexemɨte'anutaxɨriyani. Mitsipa kiekariyaritsie xeme xekateni'irɨwiyarieka, Tawuxi hɨriyaritsie winiyari 'amɨtewi xekaniutawieka.

Wani 11:47

'Ayumieme mawari wewiwamete tewa'aitɨwamete paritseutsixi wahamatɨa mekaniyukuxeɨrieni meyu'enienike, mɨpaɨ mekateniyutahɨawe: —¿Keteteyurieni? 'Ikɨ tewi waɨkawa 'inɨari katiniyurieneni.

Marikuxi 14:1

Merikɨtsɨ huta tukari kaneuyewekaitɨni maye'anikɨ Patsikwa 'ixɨarariya meta paa mɨkakuxanariyarietɨka 'ixɨarariyari. Mawari wewiwamete tewa'aitɨwamete meta 'inɨarikɨ memɨte'ɨkitametetɨkai mekatenikuwautɨwekaitɨni Ketsutsi memɨwiyakɨ me'i'itame mɨpaɨ memɨte'imienikɨ.

Tsupuniyaxi 3:3

'Itsɨkate mana memanuka'u mayetsi memɨtehaketɨkɨka wahepaɨ mepɨ'anene, wakuwexinaruritsixi 'ɨrawetsixi yɨwikɨta memuku'uwa mekanihɨkɨtɨni tita memɨtetakwani tixaɨtɨ mepɨkatekuhayeikawa memɨkakayeikienikɨ.

Mikeyaxi 3:9

Xeme 'ikɨ xekeneu'eni, Kakuwu nuiwarimama wakuwexinaruritsixi, meta 'itsɨkate 'Ixaheri kwieyaritsie miemete, tita mɨtiheitserie xepɨxani'erie meta xepitituna niuki heitserie mɨtikuxata,

'Etsekieri 22:27

Kiekaritsie memɨ'itsɨkate, yawixi memayu'eririya mepɨhɨkɨ yeutari memɨwakwa'a, mekanitahupani xeikɨa xuriya metayeurienike, hipame mewakwikutɨ, mɨpaɨ memɨte'iwanikɨ 'axa'anemekɨ.

'Etsekieri 22:9

Mana memu'uwa 'itarikakɨ 'axameteyurietɨ xuriya memɨtayeuriwa, meta tukite yeuta meuti'uta timieme mepɨtekwa'a, mana paitɨ waɨkawa 'axamemɨteyurie.

Keremiyaxi 11:9

Meta Yawé mɨpaɨ kanetiniutahɨawe: «Menetsi'aye'uniekamekɨ mepɨte'utaxa Kura teɨteriyari meta Kerutsaremetari.

'Etsitɨraxi 8:31

Merikɨte tamamata heimana huta tukariyaritsie mexɨakame metseritsie 'Ahawa hayaritsie tekaniyekɨne Kerutsareme tehekɨneka. Ketemɨte'ɨkɨ tahuyeta Kakaɨyari tahamatɨa kaniumiekaitɨni, katane'ɨwiyakaitɨni memɨtatsi'aye'unie meta tenawayamete wahepaɨtsita.

1 Te'aitamete 12:25

Keruwuhani Tsikeni kiekariyari 'aixɨa kaniuyurieni 'Epɨrahini hɨriyaritsie mukumakai, hikɨ mana kaniuyuhayewa. 'Arike Tsikeni 'uku'eirieka, Peniheri kiekariyari 'aixɨa kaniuyurieni.

Nɨ'ariekate 4:24

Kepauka mewaru'enieka 'axeikɨa meyuxewitɨ Kakaɨyari nenewieri mekaniupitɨani: «Ti'aitame Naitsarie pemɨti'aita, muyuawi meta kwie pemutawewi, haramara meta naime wahetsie mɨtixuawe,

'Etsekieri 22:25

Mayetsi yeutari memɨteyukwa'a hepaɨ, mɨpaɨta mepɨteyurie texaxatamete teɨteri mepɨwananaima, piinite memɨteheuxeiya mepɨtewanawairie wapiini mɨraye'atɨka, 'ayumieme wiuraxi mepɨyɨmɨireri.

'Etsekieri 23:27

Mɨpaɨ xɨari pepɨtihayewa petiyukahiwe'erietɨ, meta tuminikɨ peyumayɨinɨatɨ, 'Ekipitu pemɨtiukatsutɨatsie. 'Ari mɨpaɨri pepɨkayɨaneni meta 'Ekipitu kenatɨmaiyani.

'Utseyaxi 2:10

Nepitewiyatsitɨani mɨirikɨa tuxexerimama me'ixeiyakaku, nixewitɨ pɨkayɨweni hetsiena mutanuani.

'Utseyaxi 4:2

Matsi mepɨtexuaweriya 'axamɨti'ane meta 'itarika. Waɨkawa mepɨtenawatɨwe, hipame wahamatɨa mepɨhitɨwe, mepɨteyumemiwa. Xewitɨ xɨka tiuyumieni mɨkɨta xewitɨ pimieni.

'Utseyaxi 5:2

Tsitihini mɨrakutewatsie putsu muwatixawa xekaniutawewieni. 'Ayumieme ne netinixekwinitɨaka 'aixɨa nexeyurietɨ.

Tsutɨarika 12:6

'Apɨrami mana 'uyeyaka Tsikeni mɨrakutewatsiepai kaninuani, xiu manuwe mɨrayutimawatɨre Mure mɨrakutewatsie. 'Ana mana kananeutsixi mepɨtitekai mɨkɨ kwieyaritsie.

Mikeyaxi 7:2

Teɨteri Kakaɨyari memayexeiya 'ikɨ kwieyaritsie mekanakuxɨtɨarieniri, 'ena kwiepa mepumaweri teɨteri 'aixɨa memɨte'u'iyari. Yunaitɨ hipame mepɨwakwiku, meta yunaitɨ mekaniyuwiniyatɨweni.