'Utseyaxi 5:9 - Kakaɨyari Niukieya

⁹ Kepauka memɨtekwinitɨarieni, 'Epɨrahini yuxaɨta puyuhayewa. 'Ixaheri nuiwaritemama watsata yanepɨtiwatahɨawe kemɨtiwayurieni.

'Utseyaxi 5:9 ပူးပေါင်းရင်းမြစ်များ

Tsakariyaxi 1:6

¿Kamɨtsɨ karaye'atɨarie xetutsima wahetsie niuki meta 'aitsikate nemɨwarupitɨa menete'uximayatsiriwamete neniukamete mɨpaɨ memɨtewataxatɨanikɨ? »”Hikɨ mɨkɨ Yawé hetsie metewiyatɨ mekanakɨne, meta mɨpaɨ mekaniutiyuani: ‘Yawé Naimekɨmɨtɨrɨkaɨye yapɨtatsi'uyuri kemɨtiu'eri: tahetsie kemɨreuyewekai 'axatete'u'iyarikaku 'axateteyuriekaku.’ ”»

Kitsariyaxi 46:10

Ne yanekaniutayɨni tsutɨa paitɨ kepauka tukari maye'ani, meripaitɨ nepɨtikuxata, kemɨtiyɨni. Ne mɨpaɨ nepaine: Ne kenemaineni yapɨtiyɨni, meta kemɨnetinake yanepɨtiyurieni.

Wani 16:4

Matsi 'ipaɨ nekatinixekuxaxatɨwakaitɨni, xeme'eriwanikɨ neniuki kepauka maye'ani tukariyari, mɨpaɨ nemɨtixe'utahɨawixɨ xeha'eriwatɨ. Matɨari paitɨ 'ipaɨ nepɨkatixe'utahɨawixɨ xehamatɨa nemuyeikakaikɨ.

'Amuxi 7:17

»'Ayumieme, Yawé mɨpaɨ kanaineni: »“'A'ɨya tuminikɨ muyumayɨinɨa payani kiekaritsie, 'aniwema 'ukari meta 'ukitsi 'ixiparakɨ mepɨkwi'iwa. 'Akwie pɨti'inɨatsieni meta hipatɨ mepɨxatɨarieni, 'ekɨta pepɨmɨni kakaɨyarixi wakwieyaritsie. Metatsiere 'ixaheritsixi mepanuhapanieni 'ateewa paitɨ mepuyuhayewa kayukwieyaritsie”».

'Amuxi 7:9

»'Itsahaki kakaɨyarixi mɨtiwaratimawiriwakaitsie naitɨ kaniti'unimɨkɨ, meta kaniti'unimɨkɨ 'ixaheritsixi watukite, nekaninuamɨkɨ 'ixipara nehakwetɨ Keruwuhani paratsiyuyata».

'Amuxi 3:7

Yurikɨ, Yawé naimekɨmɨyɨwe yɨkɨ pɨkatiyurieni yuniukamete katiwataxatɨawetɨ kemɨtiyurieni.

'Utseyaxi 8:8

Metsɨ 'Ixaheri kananukaxɨwieni, hikɨri 'etsiwa xeikɨa nuiwarite mepɨmetsinaki'erie.

'Utseyaxi 5:14

Ne maye nepayani 'Epɨrahini hetsiemieme, maye nunutsita Kura hetsiemieme. Ne nekɨmana nekaniwatitsanamɨkɨ, meta nekaniyemieni, nemiwiyaxɨ ne'atɨtɨ, nixewitɨ pɨkayɨweni mɨnetsi'unawairieni.

'Utseyaxi 5:12

'Epɨrahini tepaxi wahepaɨ nekaniwakwimɨkɨ, kɨye mɨkɨmie Kura teɨterimama mepɨhɨkɨtɨni.

Kitsariyaxi 48:5

'Ayumieme ne meripaitɨ mɨkɨ nepɨmatiutaxatɨa, nepɨmatiuhekɨatɨa mɨpaɨ 'akuxi katiyɨwekaku, mɨpaɨ pemɨkahainenikɨ: “Mɨkɨ nekakaɨyari mamakɨ muwewiya katiniuyurieni. Mɨkɨ nekakaɨyarixi memɨxixiyatɨka meta memɨtaiyarietɨka mɨyamekateniuyurieni”.

Kitsariyaxi 48:3

Mɨixa panuyemie nepɨtiutaxa meripaitɨ kemɨtiɨyɨ. Ne nepitahekɨataxɨ, netɨtɨ nepɨxe'utaxatɨa. Yapauka mɨpaɨ nepɨtiuyuri, hikɨ yapɨraye'atɨarie mɨkɨ.

Kitsariyaxi 37:3

Mɨpaɨ mekatenitahɨawe: «'Etsekiyaxi mɨpaɨ kanaineni: “Hikɨ 'ikɨ tukaritsie nutuixiya tukariyari kanihɨkɨtɨni meta kukuiniya metatsiere 'axatekaniu'itɨarieni, kepauka nunutsi yumaamatsie mɨka'anuyeyeiwe tinuiwake hepaɨ, matsi maamaya mɨkaheutɨrɨkaɨye mitinuiwitɨanikɨ.

Kuwi 12:14

Tita mɨkɨ mɨtika'una, xewitɨ pɨka'enukuketɨani, kemɨ'ane manutahɨani, xewitɨ pɨkayɨwe mɨwayexɨna.

Kitsariyaxi 7:16

Karikɨ mɨkɨ nunutsi 'aixɨa mɨti'ane katitanaki'eriwekaku 'akuxi meta 'axamɨti'ane karehɨawekaku, mɨkɨ te'aitamete memɨyuhuta pemɨwamakaxe wakwie kaniku'eiriwamɨkɨ.

'Utseyaxi 7:12

Peru kepauka mɨpaɨ memɨteyurieni yapauka newipi waheima nepuwiwieni, wikixi wahepaɨ nepɨtiwaxɨrieni, 'atahutamexɨa matsi nepɨwaranutaxɨrieni 'axamemɨte'uyurikɨ.

'Utseyaxi 9:7

'Uximatɨarika tukariyari paye'ari, meta tukari paye'a memɨte'ayukatuanikɨ. 'Ixaheri mɨpaɨ ketinemaika 'Ariri pɨwaɨkawa 'axakepemɨtiuyuri, mɨixari pepɨkaheu'ena, Kakaɨyari niukameya mɨka'uka'iyari xeikɨa pepɨxata, tewi Kakaɨyari 'iyarieya mɨkahexeiya pɨkaheyuta'eriwa.

Mikeyaxi 6:13

'Ayumieme ne, nekametinikwinitɨamɨkɨ nemetsitiwayatɨ, ne nepɨmetsika'una 'axapemɨtiuyurikɨ.