'Utseyaxi 5:2 - Kakaɨyari Niukieya

² Tsitihini mɨrakutewatsie putsu muwatixawa xekaniutawewieni. 'Ayumieme ne netinixekwinitɨaka 'aixɨa nexeyurietɨ.

'Utseyaxi 5:2 ပူးပေါင်းရင်းမြစ်များ

'Utseyaxi 9:15

«Kirikari mepikatsutɨa 'axameteyurietɨ, mana nepikatsutɨa newa'uxiwe'erietɨ. 'Axameteyuriekaku, nekiita nepɨwaranuyexɨrieni. Ne nepɨkawatanaki'erieniri, yunaitɨ wa'itsɨkate 'axamemɨteyuriekɨ meteyukahiwe'erietɨ.

Kitsariyaxi 29:15

Xɨa'ui kemɨ'ane, kememɨteyuriku me'awietakutɨ, Yawé hɨxie memuyu'awieta meukatetewatsie, 'axamepɨteyurie yɨwikɨta, meta mɨpaɨ mepɨteku'eriwa: «¿Kemɨ'ane kuta pɨtatsixeiya? ¿Kemɨ'ane pɨtatsimate?»

'Utseyaxi 6:9

Mawari wewiwamete mepɨyuxeɨrie Tsikeni huyeri'utɨa 'awie metanenieretɨ, tenawayamete wahepaɨ mekaniwakwika mana memuyekɨka metewawawirietɨ.

Matsiɨkɨtɨ kemɨratɨa 3:19

Keyupaɨmeme nemɨwanaki'erie, mɨkɨ nepɨwatate'a nepɨtiwa'ɨkitɨa newa'uximatɨatɨ. 'Ayumieme 'aixɨa 'anemekɨ kene'awaɨriyani, ketineuhayewa kepemɨtiyuriene hikɨ.

'Utseyaxi 6:5

'Ayumieme nepɨxeheutaxɨriexɨa Kakaɨyari niukametemama newanɨ'akaku, nepɨxe'utiwa neniukikɨ. Kenemɨtixetaxaneta mimierɨkari hepaɨ pɨxeyurieni.

'Utseyaxi 4:2

Matsi mepɨtexuaweriya 'axamɨti'ane meta 'itarika. Waɨkawa mepɨtenawatɨwe, hipame wahamatɨa mepɨhitɨwe, mepɨteyumemiwa. Xewitɨ xɨka tiuyumieni mɨkɨta xewitɨ pimieni.

Keremiyaxi 18:18

Teɨteri mɨpaɨ mekaniutiyuani: «Xekeneuyukuxeɨri tepɨtetixata Keremiyaxi hepaɨtsita. 'Inɨari niukiyari pɨkaheuyeweka mawari wewiwame hetsie, 'ɨxatsi mɨtimaiwe hetsie pɨkaheuyeweka tɨma meta niuki Kakaɨyari niukameya hetsie pɨkaheuyeweka. Niukikɨ tepeye'atɨirieni, tsepa kemaine yatepɨkateyurieni».

Keremiyaxi 6:28

Yunaitɨ mɨkɨ te'ayuye'uniekate mepɨhɨkɨ, 'axaniukikɨ xeikɨa memuku'uwa, yunaitɨ mɨkɨ wurunitse mepɨhɨkɨ meta tepɨa, 'axa'anemekɨ memɨwewiya.

Keremiyaxi 5:3

Yawé, 'ekɨ pepɨtikuwaune 'ateɨterima yamemɨtekahunikɨ. Pepɨtiwarukwinitɨa mɨkɨ teɨteri, matsi pɨkawarekwinixɨ, pepɨwarutayuniyaxɨ, matsi mepɨka'uyuwaɨri 'aixɨa memuyuyurienikɨ. Yunierika meputseiriyaxɨ 'ai hepaɨ, mepɨka'uyuwaɨri memɨtehayewakɨ.

Kitsariyaxi 1:5

¿Ketitayari tawarita xetetiweiwani? ¿Ketitayari xete'iyeweiyani xe'eye'unietɨ? Naitɨri'amu'u kaniweiyaka, naitɨri 'a'iyari katinikuyeni.