'Utseyaxi 5:1 - Kakaɨyari Niukieya

¹ »'Ikɨ niuki xekeneu'eni xeme mawari wewiwamete. Xekeneu'enana 'ixaheritsixi. Xekene'enanaka ti'aitame nuiwarimama. Xehetsie pɨmieme kexemɨte'anutaxɨriyani. Mitsipa kiekariyaritsie xeme xekateni'irɨwiyarieka, Tawuxi hɨriyaritsie winiyari 'amɨtewi xekaniutawieka.

'Utseyaxi 5:1 ပူးပေါင်းရင်းမြစ်များ

'Utseyaxi 9:8

Kakaɨyari meta niukameya, 'Epɨrahini mɨtaniere kanihɨkɨtɨni, peru naitsarie huyeta pepiwiniyane, pepitixani'eri Kakaɨyari kiitana.

Mikeyaxi 7:2

Teɨteri Kakaɨyari memayexeiya 'ikɨ kwieyaritsie mekanakuxɨtɨarieniri, 'ena kwiepa mepumaweri teɨteri 'aixɨa memɨte'u'iyari. Yunaitɨ hipame mepɨwakwiku, meta yunaitɨ mekaniyuwiniyatɨweni.

Mikeyaxi 3:9

Xeme 'ikɨ xekeneu'eni, Kakuwu nuiwarimama wakuwexinaruritsixi, meta 'itsɨkate 'Ixaheri kwieyaritsie miemete, tita mɨtiheitserie xepɨxani'erie meta xepitituna niuki heitserie mɨtikuxata,

'Utseyaxi 6:9

Mawari wewiwamete mepɨyuxeɨrie Tsikeni huyeri'utɨa 'awie metanenieretɨ, tenawayamete wahepaɨ mekaniwakwika mana memuyekɨka metewawawirietɨ.

'Itsɨkate 4:6

Rewura Waraki katiniutanɨ'airieni, 'Awinuhani nu'aya, Tseretsi mukatei Nepɨtahari kwieyaritsie, mɨpaɨ katinitahɨawe: ―Yawé, 'ixaheritsixi takakaɨyari mɨpaɨ pɨmati'aitɨa: “Kenemie Tawuxi hɨriyaritsie mana keniwarekuxeɨri tamamata miriyari teɨteri, Nepɨtahari xiɨyarimama meta Tsawuruni xiɨyarimama.

Marakiyaxi 2:1

»Hikɨri, xeme mawari wewiwamete 'ikɨ 'aitsika pɨxehetsiemieme.

'Amuxi 7:9

»'Itsahaki kakaɨyarixi mɨtiwaratimawiriwakaitsie naitɨ kaniti'unimɨkɨ, meta kaniti'unimɨkɨ 'ixaheritsixi watukite, nekaninuamɨkɨ 'ixipara nehakwetɨ Keruwuhani paratsiyuyata».

'Utseyaxi 10:15

'Ikɨ Weteri kiekatari mɨyamekanixe'uyurieni, 'axaxemɨteyuriekɨ kwinimieme. 'Ixaheri kwieyaritsie ti'aitame kanimieriemɨkɨ yuheyemekɨ 'amɨtikataretsie.

'Utseyaxi 4:1

Xekeneu'enana 'ixaheritsixi, Yawé niukieya xekeneu'eni, 'ari Yawé yuxanetsika kanitsutɨamɨkɨ mɨkɨ mana kiekatari wahetsie: «Neteɨterima wahetsie pumawe 'aixɨa mɨti'ane meta naki'eriya mepɨkahexeiya, meta Kakaɨyari mepɨkamate.

Marakiyaxi 1:6

»Yawé Naimekɨmɨtɨrɨkaɨye, mɨpaɨ katiniwarahɨaweni mawari wewiwamete: Nunutsi yupaapa kaneu'enieka meta ti'uximayatame yukutsiyari kaneu'enieka. Merikɨte ne xɨka nexe'ukiyaritɨni, ¿peru titayari yu'ukiyari hepaɨ xekanetexeiya? Merikɨte xɨka ne xekutsiyari nehɨkɨtɨni, ¿peru titayari xekutsiyari hepaɨ xekanetexeiya? Xeme tixaɨtɨ nekatihɨkɨtɨme xepɨnetsi'ayeitɨa. »Meta 'akuxi mɨpaɨ xete'utiyuane: “¿Kepauka kuta tixaɨtɨ pekatihɨkɨtɨme tepɨmatsihayeitɨa?”

Mikeyaxi 3:1

Hikɨ mɨpaɨ nekaniutayɨni: «Xekeneu'enana, Kakuwu nuiwarimama wakuwexinaruritsixi, xemɨ'itsɨkate 'ixaheritsixi wahetsiemieme: ¿Kareuyewetse xeme xemimaika tita mɨtiheitserie?

'Utseyaxi 13:8

Nepɨwatakwini meta watawitsie nepɨwareuxutsixɨani hutse yuniwema wakwerietɨ mɨtiyuyuruwa hepaɨ. Maye hepaɨ nepɨtiwakwani. Yeutanaka 'ɨtsita mɨtiyutsana hepaɨ.

Keremiyaxi 46:18

Ti'aitame mɨpaɨ kaniutaineni: «Ne nekanayeyurini. Yawé Naimekɨmɨtɨrɨkaɨye nekatinitewaka. Tawuxi hɨriyari hɨrite naime kemɨtiwara'iwa, meta hɨri Kaximeru haramara kemɨra'iwa, mɨpaɨ timariwetɨ 'upamie mɨxe'aye'unie.

Keremiyaxi 13:18

Mɨpaɨ ketineutahɨawi ti'aitame meta ti'aitame maamaya: «Tixaɨtɨ xekatehɨkɨtɨme xekenayuyeitɨa, kwiepa xekenetiyaxi, yumu'utsieri kuruna xepɨkahana'uitɨaka, kuruna witsimɨtixawawatɨ».

Kuheri 1:2

Teɨteri 'ukirawetsixi 'ikɨ xekeneu'eni, Yemekɨ xekeneu'enana, yunaitɨ teɨteri 'ikɨ kwieyaritsie xemɨtitei. ¿Heiwamieme 'ipaɨ kapɨtiɨyɨ xeme xe'u'uwakaku yatɨni meripaitɨ kiekatari memu'uwakaitsie?

'Itsɨkate 4:12

Kepauka Tsitsara mɨtiutaxatɨarie kename Waraki 'Awinuhani niweya Tawuxi hɨriyaritsie heutimiekai,

1 Tsamuheri 7:5

Hikɨ Tsamuheri mɨpaɨ katiniuta'aita: «Xekeniwarukuxeɨri yunaime 'ixaheritsixi Mitsipa kiekariyaritsie, ne Yawé nemɨtawawirienikɨ xehetsiemieme».

1 Tsamuheri 7:6

Kepauka memuyukuxeɨri Mitsipa 'ixaheritsixi haa meniwatihapani Yawé hɨxie mekanitayeurieni. Meta mekaniuyuhakieni mɨkɨ tukaritsie, hikɨ mɨpaɨ mepɨteyuhekɨatakai yunaime wahɨxie: «Yawé hɨxie 'axatepɨte'uyuri». Tsamuheri matɨari kanitsutɨani 'ixaheritsixi tiwa'aitɨatɨ Mitsipa kiekariyaritsie.

1 Tsamuheri 7:16

Xeiwiyari 'anuyeyeikakaku kiekaritetsie pukayeikakai Weteri, Kirikari meta Mitsipa kwieyaritsie, wa'enietɨ 'ixaheritsixi 'aixɨa tiyurienetɨ kememɨteyu'uximatɨakai.

Keremiyaxi 11:7

Kepauka paitɨ xe'ukiyarima 'Ekipitu nemɨwarayewitɨ hikɨ 'akuxi, nepɨkatihayewawe mɨpaɨ netixekɨhɨawetɨ: ‘Xekeneneu'enieka’.

'Amuxi 3:1

Xekeneu'eni 'ixaheritsixi, 'ikɨ Yawé niukieya kemaine xehepaɨtsita, yunaime nuiwari hetsiemieme 'Ekipitu nemɨwarayewitɨ: