'Utseyaxi 4:8 - Kakaɨyari Niukieya

⁸ Mɨkɨ teɨteri 'axamɨti'ane mawariyari mawari wewiwamete pɨtiwa'ikwai, 'ayumieme mawari wewiwamete mepɨyutemamawie teɨteri 'axamemɨteyuriekɨ.

'Utseyaxi 4:8 ပူးပေါင်းရင်းမြစ်များ

Kitsariyaxi 56:11

Tsɨikɨri kwinie memɨteyukwaiwawie mepɨhɨkɨ, hatsuaku mepɨkahuxaiwawe. Muxatsi wahɨwemete mekanihɨkɨtɨni 'atsimekateheitimaitɨkɨkatɨ, yuxexuitɨ kemɨtiwanake xeikɨa mekaniu'uwani. Nitixaɨtɨ mekateha'eriwatɨ, yu'iwarikakɨ xeikɨa mepuyumexɨitɨa.

Titu 1:11

Peuyewetse memanunamiyarienikɨ kememɨtekuxata, mepɨwamuina 'atsita xeime kie kiekatari yunaime, mepɨte'ɨkita tita 'aixɨa mɨkati'ane, mete'iwakutɨ xeikɨa 'axamɨti'anekɨ.

Mikeyaxi 3:11

Wa'itsɨkate metepitɨarietɨ xeikɨa 'aixɨa mepɨteyurie, wamawari wewiwamete mepɨwa'ɨxatsitɨa meteyuwiyatɨ, meta wakakaɨyari niukametemama tuminikɨ xeikɨa mekatenikuxatani kemɨtiyɨni, 'imatɨrieka matsi, Yawé hetsie mekaniyutɨrɨkariyani, mɨpaɨ mekaniutiyuaneni: «¿Tamɨ Yawé tahamatɨa katiuyeika? Tame hawaikɨ 'axatepɨka'itɨarieni».

1 Tsamuheri 2:29

¿Ketitayari xeme 'axaxeteyurie mawari meta 'imikieri, ne nemɨti'aita mɨkɨ memɨnete'atɨiriwanikɨ? ¿Ketitayari 'aniwema waɨkawa petiwanaki'erie ne pekanetsinaki'erietɨ, pekaniwawaiyatɨaka xeikɨa nemawari 'aixɨa mɨ'anenekɨ 'ixaheritsixi memɨteyetuaya nehetsiemieme?”

Mawari 6:26

Mawari wewiwame kemɨ'ane 'itiya mawariyari mɨwewieni mɨkɨ kanitikwaimɨkɨ. Hakewa makupatsietsie, pɨyɨweni 'ixuriki tukiyari manuwe takwayaritsie mitikwanikɨ.

Xumatari 16:18

Tati'aitɨwame Kɨritsitu hetsiemieme mepɨkate'uximaya mɨya memɨ'anene, yuhuriepa mieme pɨta mepɨte'uximaya. 'Aixɨa me'utiyuatɨ peru yakɨ xeikɨa, witsimete'uniutɨ mepɨtewa'irɨwiya mɨkɨ tita 'axamɨti'ane memɨkateku'eriwa wa'iyari.

Marakiyaxi 1:10

Yanepɨra'eriwakaku xewitɨ xeme netukita mɨreunanikɨ, yakɨ xeikɨa xemɨka'ikutaiyanikɨ tai nemawari taiyametsie mieme. Nepɨkayutemawie tɨma xehetsiemieme, meta xemawari xeime tɨma nepɨkatanaki'erieni —Yawé Naimekɨmɨtɨrɨkaɨye mɨpaɨ kanaineni—.

Nɨawari 24:4

Kemɨ'ane 'aixɨa mɨtiyuriene meta yu'iyaritsie mɨ'itiya, kemɨ'ane kakaɨyarixi tixaɨtɨ memɨkateyunaki'erie mɨkawarayexeiya meta mɨkatiyɨhɨritɨa ti'itawatɨ.

'Etsekieri 14:7

Ne nekatinayukatuamɨkɨ 'ixaheritsixi wahetsiemieme, yatɨni 'ateewa kiekametɨtɨ 'Ixaheri kwieyaritsie 'ukaitɨ kemɨ'ane mɨnetsi'uku'eiri: kemɨ'ane yu'iyaritsie kakaɨyarixi 'axamemu'ɨatɨka mɨwarayeyatsa, meta kemɨ'ane mɨtiwa'irɨwiyane 'axamemɨteyuriekakɨ, meta kemɨ'ane Kakaɨyari niukameya hetsɨa meta'axe netsita'iwawiyake.

'Etsekieri 14:3

«Tewi pemunu'aya, 'ikɨ teɨteri kakaɨyarixi 'axamemu'ɨatɨka yu'iyaritsie mekaniwayeyatsani, mɨkɨ teɨteri mekateniwa'irɨwiyani 'axamemɨteyuriekakɨ. Xɨka menetsiku'iwawiyani nepɨkawapitɨani.

Nɨawari 25:1

'Ekɨ, Yawé, ne'iyari nepɨmetsiyetuirie,

2 Pekuru 2:3

Piinite metehiwe'erietɨ, yakɨ xeikɨa mete'ɨkitatɨ xekɨmana mepɨte'itaka. Tsepa meripaitɨ 'amemu'uwa, xɨanakɨ pɨkayɨane 'itsɨkame 'arike mɨwatahɨawe, kemɨ'ane mɨwaka'una pɨkakutsu.

'Utseyaxi 10:13

Peru xeme 'axamɨti'ane xepuka'e, 'ayumieme mɨkatiheitserie xepɨka'itsana, 'itarika takariyari xekaniutikwani, wakaxetatetsie xemeuwawaɨrekaikɨ meta wakuyaxi memɨyumɨirekaikɨ.

'Utseyaxi 12:8

'Epɨrahini mɨpaɨ putaine yuta'ɨretɨ. «Waɨkawa nepɨrexeiya, waɨkawa ne'ukatewame pɨnetsi'ayeitɨa. Naime nemɨrana'iwaxɨtsie xɨka xete'utixeiya mana xepɨkatekaxeiya 'axamɨti'ane».

'Utseyaxi 14:1

'Ixaheri, kenenua Yawé 'akakaɨyari hetsɨa. Ke'axapemɨtiyuriene mɨkɨ pɨmatsihekahɨpa.

Mawari 6:22

'Aruni nu'aya pikuha'aritɨwani kemɨ'ane mawari wewiwamekɨ manayexeiyarieni. 'Ikɨ 'aitsika yuheyemekɨ Yawé hetsɨa kanimiemetɨni: Mɨkɨ mawari naitɨ kanititaiyarɨwamɨkɨ.

2 Te'aitamete 12:16

Tumini mɨyetuiwa 'itiya mawariyari, meta mɨrayukatuani mawariyari, mɨkɨ Yawé tukieya hetsiemieme pɨkahɨhɨtɨkai matsi mawari wewiwamete wahetsiemieme pɨta pɨhɨkɨtɨkai.