'Utseyaxi 4:7 - Kakaɨyari Niukieya

⁷ Kepauka mawari wewiwamete memɨyutimɨirixɨ, matsi waɨkawa 'axamepɨteyuriekai nehetsɨa, kemɨtimariwekai mekanipata mepɨtewinɨarieni yuhetsiemieme.

'Utseyaxi 4:7 ပူးပေါင်းရင်းမြစ်များ

'Utseyaxi 13:6

Ne nepɨtixe'umi xeme xeputihuxai, peru xehuxatɨ xepuyuti'ɨrixɨ meta xepɨnetsihatɨmai.

Piriputari 3:19

Mɨkɨ mekanika'unariekuni xeikɨa, yuhuka mekanayexeiyani yukakaɨyari hepaɨ. Witsime'aneneme mekaniyuxatani kepauka mɨpaɨ memɨyɨa ketemɨtetewiyatsitɨarie. Kwiepa timiemekɨ xeikɨa mekatena'eriwani.

1 Tsamuheri 2:30

»Mɨya pemɨtiuyurikɨ, hipame 'a'iwama nepɨkawapitɨani, tsepa kenemutayɨkai meripaitɨ 'atewarima kename yunaitɨ 'a'iwama 'apaapama yaxeikɨa 'aniwema menetsiparewiekakekai yuheyemekɨ. Ne Yawé 'Ixaheri Kakaɨyarieya yanekaniutayɨni. Nekaniwa'enieka memɨnetsi'enie, tixaɨtɨ nepɨkatiwarayeitɨa memɨnetsi'uxie.

Marakiyaxi 2:9

Ne matsi, yanepɨtiuyuri xeme xemɨxani'eriwanikɨ meta tixaɨtɨ xemɨkate'eriwanikɨ yunaime teɨteri wahɨxie, ne'aitsikate xemuku'eirikɨ, hipame xeikɨa xepɨwakuxaxatɨwakai 'aitsikate».

'Utseyaxi 10:1

'Ixaheri Kaxie takari waɨkawa meukatei hepaɨ pɨ'anekai putixuxuawerekai witsi'anenetɨ kayunewierinɨatɨ. Peru kepauka matsi waɨkawa mutixuxuawerekai, matsi waɨkawa mawari taiyamete mepɨtiwewiwakai, kepauka wakwiepa waɨkawa mɨtiutixuaweriyakai, waɨkawa matsi tetexi patsietɨkaime witsi'anenekame mepɨtiwewiwakai.

'Utseyaxi 4:10

»Tsepa memɨte'utikwa'a peru mepauhakakwikuni, tsepa tɨɨri yuwaɨkawa memɨwarayexeiyaku, peru hatsuaku mepɨkawarayexeiya, Yawé memuku'eirikɨ para memɨyuyetuanikɨ,

'Awakuki 2:16

Mɨkɨkɨ pepɨtewiyatsitɨarieni pɨta, hawaikɨ witsipepɨkatixeiyarieni. Kamɨtsɨ 'ekɨta kenanu'i, pemɨwaxeitsitɨanikɨ xitekiya 'inɨariyari kepemɨkarexeiya. Yawé yutekɨxi yutseriekɨ mehana 'ahetsie ke'itiyeurieni, meta witsikepemɨtixeiyariekai hetsiemieme, tewiyarika kematsi'upitɨani.

'Utseyaxi 6:9

Mawari wewiwamete mepɨyuxeɨrie Tsikeni huyeri'utɨa 'awie metanenieretɨ, tenawayamete wahepaɨ mekaniwakwika mana memuyekɨka metewawawirietɨ.

'Utseyaxi 5:1

»'Ikɨ niuki xekeneu'eni xeme mawari wewiwamete. Xekeneu'enana 'ixaheritsixi. Xekene'enanaka ti'aitame nuiwarimama. Xehetsie pɨmieme kexemɨte'anutaxɨriyani. Mitsipa kiekariyaritsie xeme xekateni'irɨwiyarieka, Tawuxi hɨriyaritsie winiyari 'amɨtewi xekaniutawieka.

'Etsitɨraxi 9:7

Kepauka paitɨtɨ ta'ukiyarima 'axamemɨte'uyuri meta hikɨ 'akuxi, ke'axatemɨte'uyuri pɨmariwe. 'Axatemɨte'uyurikɨ, tame, meta tate'aitɨwamete, metatsiere mawari wewiwamete, tekaniyetuiyani hipame te'aitamete ta'aurie memɨtama wahetsɨa. 'Ixiparakɨ tepɨte'ukwinixɨ, 'ateewa tepehapanie, tepɨtenawatsiyarie meta tenanaimarietɨ, hikɨ 'akuxi ketemɨte'anuyehu.

'Utseyaxi 13:14

»¿Netixetawikweitsitɨani mɨkite wateukiyapa? ¿Ne mɨkite watsata netixe'ayehapani? ¿Kewari mɨya, kemɨtiyuruwa? ¿Kewari mɨki teukiyapa, kepemɨtiyuka'una? Xekenahuni, ne nepɨkaxetinenimayata».

'Utseyaxi 9:11

'Epɨrahini kemɨrexeiyakai 'aixɨa ti'anekame, mɨkɨri kanitawimɨkɨ wiki hepaɨ kanayeyeimɨkɨ, 'anari 'aniwema mepɨkatinunuiwa meta 'ukari mepɨkatihukataxɨani.

'Utseyaxi 10:6

Tsikeru nanutɨkiemɨkɨ 'Atsiriya paitɨ 'imikieri hepaɨ ti'aitame mɨmariwe mekaniyetuiriekuni. 'Epɨrahini kaniyutitewiyamɨkɨ, 'Ixaheri meta kaniyutitewiyamɨkɨ yukakaɨyarixi wahetsiemieme.

Hutarieka 'inɨari 32:15

»Ketsuruni putawaiyataxɨ meta pɨtiuyeketsi, 'ikwaikɨ xeikɨa putahuxai. Putawaiyataxɨ putatɨrɨkaxɨa. Kakaɨyari puku'eiri tukari mipitɨa, tete putixani'eri mitawikweitsitɨa,