'Utseyaxi 4:1 - Kakaɨyari Niukieya

¹ Xekeneu'enana 'ixaheritsixi, Yawé niukieya xekeneu'eni, 'ari Yawé yuxanetsika kanitsutɨamɨkɨ mɨkɨ mana kiekatari wahetsie: «Neteɨterima wahetsie pumawe 'aixɨa mɨti'ane meta naki'eriya mepɨkahexeiya, meta Kakaɨyari mepɨkamate.

'Utseyaxi 4:1 ပူးပေါင်းရင်းမြစ်များ

Keremiyaxi 4:22

«Neteɨterima mepɨka'u'iyari, mepɨkanetsimate, tɨɨri 'atsimemɨkatemate mepɨhɨkɨ memɨkatemaiwawe. Kwinimieme mepanayeyɨne 'axamemɨteyurienikɨ, 'aixɨa memɨteyurienikɨ mepɨkamate».

Mikeyaxi 6:2

Yemurite xekeneu'eni, Yawé xanetsikaya, kayuwatɨ xekeneu'enana, kwie tsutɨmeyari, Yawé kanitsutɨaka yuteɨterima waxanetatɨ, kanitsutɨani 'ixaheritsixi wahamatɨa 'aixɨa mɨtiyurienikɨ:

1 Kurinitutari 15:34

Xekeneyuta'eriwani heitseriemekɨ kemɨreuyewetse, 'axaxepɨkateyurieka. Hipatɨ xeme 'atsixepɨkatehetimaiwawe Kakaɨyari hepaɨtsita. 'Ipaɨ nepaine nexetewiyatsitɨanike.

Xumatari 1:28

Mɨpaɨ memɨkateku'eriwakaikɨ kename 'aixɨa 'ane Kakaɨyari ma'eriwanikɨ, 'ayumieme Kakaɨyari kaniwayetuani kemɨkatinake yamemɨteku'eriwanikɨ, kemɨkatinake memɨteyuriekakɨ.

'Utseyaxi 12:2

Yawé Kura kanixanetani, pɨrayukatɨani Kakuwu naime kemuyuri, naime kemɨtiuyuri mɨkɨta mɨpaɨ pɨtipitɨarieni.

Keremiyaxi 25:31

Rɨrɨnarieya kwie manu'axetsie paitɨ kana'eniɨriɨkɨni, Yawé nuiwarite kwiepa memɨtama wahetsiemieme pɨranieritɨa, yunaime teɨteri wahetsiemieme mɨkɨ pɨ'itsɨkame, mɨkɨ 'axamemɨte'u'iyari 'ixiparakɨ puwatakukuya”», Yawé mɨpaɨ kanaineni.

Keremiyaxi 5:4

Hikɨ mɨpaɨ nepɨtiu'eri: «Mɨpaɨ pɨ'ane hawerimɨ'ane, memɨka'u'iyarini wahepaɨ mepɨte'u'uwa, memɨka'imatekɨ Yawé huyeya meta yukakaɨyari 'aitsikateya.

Kitsariyaxi 34:1

Nuiwarite, 'ahurawa xekenewakɨni xemɨ'enananikɨ. Teɨteri, kayuwatɨ xekeneu'enana. Kwie ke'i'enieni, meta naitɨ mana mɨtixuawe, kwiepa kemakuyewa, meta tita mɨtixuaweriya.

Kitsariyaxi 1:18

Yawé mɨpaɨ kanaineni: «Xekenakɨni, 'aixɨa tepɨtayurieni 'ahekɨakamekɨ, ¿'Axakexemɨteyuriekɨ xuriya muweka hepaɨ ti'ane? 'Ɨwi hepaɨ tituxatɨ kanayeimɨkɨ. ¿'Axakexemɨteyuriekɨ tixeta mɨyɨtsikimaɨyeni hepaɨ? Muxa huxarieya mutuxa hepaɨ kaniyɨmɨkɨ.

Matsiɨkɨtɨ kemɨratɨa 2:29

Kemɨ'ane mu'enaxɨ, ke'u'ena 'Iyari kemɨtiwatahɨawe memɨyutixexeɨriwa.

Matsiɨkɨtɨ kemɨratɨa 2:11

Kemɨ'ane meu'ena, ke'u'ena 'Iyari kemɨtiwatahɨawe memɨyutixexeɨriwa. Kemɨ'ane memɨtehayu'iwa, mɨkɨ hutarieka tiuka'eniwatɨ pɨkamɨni.

Wani 8:55

Matsi xepɨkaheitimaiwawe. Netsɨ pɨta nekanimaika. Xɨka nehainenike kename neka'imate, xehepaɨ neti'itawatɨ nepayanikeyu. Peru matsi nekanimaika, niukieyatsie yanepɨtikamie.

'Amuxi 7:16

'Ayumieme Yawé niukieya keneu'eni. 'Ekɨ mɨpaɨ peputaine: »“'Ixaheritsixi pepɨkatiwakuxaxatɨwani, 'Itsahaki nuiwarimama wahamatɨa petikuxatatɨ ketineuhayewa”.

'Utseyaxi 5:1

»'Ikɨ niuki xekeneu'eni xeme mawari wewiwamete. Xekeneu'enana 'ixaheritsixi. Xekene'enanaka ti'aitame nuiwarimama. Xehetsie pɨmieme kexemɨte'anutaxɨriyani. Mitsipa kiekariyaritsie xeme xekateni'irɨwiyarieka, Tawuxi hɨriyaritsie winiyari 'amɨtewi xekaniutawieka.

Keremiyaxi 34:4

»”'Ayumieme, 'ekɨ, Kura kwieyaritsie ti'aitame, Tserekiyaxi, Yawé kemaine 'ahetsiemieme keneu'eni. Yawé mɨpaɨ kanaineni: ‘'Ekɨ 'ixiparakɨ pepɨkamierieni,

Keremiyaxi 19:3

Mɨpaɨ ketiniwarutahɨawi: “Kura kwieyaritsie te'aitamete meta Kerutsareme kiekatari, Yawé niukieya xekeneu'eni. Yawé Naimekɨmɨtɨrɨkaɨye mɨpaɨ kanaineni, 'Ixaheri Kakaɨyarieya: ‘'Uximatɨarika xehetsie nekananɨ'amɨkɨ 'ikɨ kwieyaritsie, hikɨ kemɨ'ane mɨkɨ mɨti'enieni nakatana katinenauwanamɨkɨ.

Keremiyaxi 9:20

'Ukarawetsixi, xekeneu'eni Yawé niukieya, xenakate ke'i'enieni niuki tetana mieme. Yuniwema 'ukari xeketenewa'ɨkitɨaka kwikari hiwerikapa mieme, meta hipatɨta mekeyuti'ɨkitɨani 'ikɨ hiwerika kwikariyarikɨ:

Keremiyaxi 7:28

Hikɨ mɨpaɨ pepɨtiwatahɨawe: “'Ikɨ nuiwari mepɨhɨkɨ Yawé yukakaɨyari niukieya memɨka'u'eni, muwataheitseritɨanikekai memɨka'itanaki'eri. Tita yuri mɨraine wahetsie pumawe meta wateta.

Keremiyaxi 6:13

»'Etsimemɨyumate meta memu'ukirawetsixi, yunaitɨ mepɨtehiwe'erie tita mɨkatiheitseriekɨ memɨte'iwanikɨ. Kakaɨyari niukametemama meta mawari wewiwamete, yunaitɨ mepɨte'itawa.

Keremiyaxi 4:28

'Ayumieme 'ikɨ kwieyari puyuhiwerieka, meta muyuawi meutitewatsie pɨkɨyɨre, 'ari mɨpaɨ nekaniutayɨni, nepɨkatihayewa, 'ari mɨpaɨ nepɨtiu'eri, ne'ɨtɨa nepɨkatayani».

Keremiyaxi 2:4

Yawé niukieya xekeneu'eni Kakuwu xiɨyarimama, yunaitɨ 'Ixaheri nuiwarima teɨterimama.

Kitsariyaxi 66:5

Yawé niukieya xekeneu'eni, xeme niukieya xemayemakaxe: «Mɨpaɨ xe'iwama mekaniutiyuaneni memɨxexani'erie meta memɨxehayeweweiya kenemɨtitewakɨ xemɨnetsikuxatakɨ: “Yawé mariwetɨ kehayeitɨarieni, temawierika xehetsie temɨxeiyakɨ”. Peru mɨkɨ pɨta mepɨtewiyatsitɨarieni.

Kitsariyaxi 34:8

Yawé mɨyɨkɨhɨanikɨ kanitukarieyatɨni, mɨrayukatuani wiyari kanihɨkɨtɨni Tsiyuni hetsie tanuanike.

Kitsariyaxi 28:14

'Ayumieme, teɨteri xemɨte'aita xeyuti'ɨretɨ 'ikɨ kiekariyaritsie Kerutsareme, Yawé niukieya xekeneu'eni:

Kitsariyaxi 5:3

Hikɨ Kura teɨteriyari, Kerutsareme kiekatari, yaxekeneutiyua kemɨ'ane mɨya'aneme peutiwiwiexɨa nekaxie haraweriyari nutsɨtɨ ne pɨnehetsiemieme.

Kitsariyaxi 1:10

Yawé niukieya xekeneu'eni, xeme Tsuruma hetsie xemɨte'aita. Xekeneu'eni takakaɨyari 'ɨkitɨarikaya, Kumuxa kiekatari.

1 Te'aitamete 22:19

Tawarita Mikahiyaxi mɨpaɨ kaniutayɨni: —Keneu'eni 'ekɨ Yawé niukieya: Yawé nepuxei yu'uwenitsie 'akaime 'auriena yunaitɨ kuyaxi muyuawitsie miemete mepɨti'ukai, tserietana meta 'utatana.

Kitsariyaxi 59:4

Nixewitɨ pɨkahahiwa tita mɨtiheitserie rawawatɨ, nixewitɨ yuri mɨrainekɨ pɨkarataxaneta. 'Itarikatsie xepɨtewiya, yunaitɨ xepɨteyu'itaiyatɨwe. 'Axamɨti'anekɨ xepɨtihukata 'axamɨtiuka'iyari xepɨtiniweya xeikɨa.

Kitsariyaxi 59:8

Kayuwatɨ muyeikanikɨ mɨ'ayumieme huyeyari mepɨkamate, 'aixɨa ti'anetɨ wahuyeta katiniumaweni, Huye tutunime mekaniwewietɨweni, kemɨ'ane mɨkɨ 'utɨa mumie kayuwatɨ muyeikani pɨkamate.

Keremiyaxi 9:3

«Waneni 'itarikakɨ pɨtikuxata xeikɨa 'ɨrɨ tupitsie waɨkawamekɨ mɨtiutamɨni hepaɨ, 'ikɨ kwieyaritsie 'itarika pɨrayu'iwa, tita yuri mɨraine pɨkatixaɨ, 'axa'anemetsie meyuka'uitɨwatɨ matsi kwinimieme mekateniyurieka ne mepɨkanetsimate —Yawé mɨpaɨ kanaineni—.

Keremiyaxi 51:5

Tsepa 'Ixaheritsixi meta Kura kiekatari waɨkawa wahetsie mɨrahɨiwa Mɨpatsie 'Ixaheri hetsiemieme hɨxie, wakakaɨyari pɨkawaruku'eiri, Yawé Naimekɨmɨtɨrɨkaɨye.

Kuheri 1:2

Teɨteri 'ukirawetsixi 'ikɨ xekeneu'eni, Yemekɨ xekeneu'enana, yunaitɨ teɨteri 'ikɨ kwieyaritsie xemɨtitei. ¿Heiwamieme 'ipaɨ kapɨtiɨyɨ xeme xe'u'uwakaku yatɨni meripaitɨ kiekatari memu'uwakaitsie?

Nɨawari 81:9

Teewatanaka kakaɨyaritɨme xeime pepɨkahayexeiyani, xeime kakaɨyaritɨme yɨkɨ 'aneme hɨxie pepɨkahekatunumaweni.

Keremiyaxi 2:9

'Ayumieme, hikɨ 'akuxi hekwamekɨ nepɨxetaxaneta, metatsiere xeniwema waniwema wahetsie nepɨrahɨani, —Yawé mɨpaɨ kanaineni—.

Keremiyaxi 9:7

'Ayumieme, mɨpaɨ kanaineni Yawé Naimekɨmɨtɨrɨkaɨye: «Ne 'aixɨa nekanixetiyurimɨkɨ, nekanixeta'inɨatamɨkɨ. ¿Ketawari netiyurieni neteɨterima wahetsiemieme?

Keremiyaxi 11:7

Kepauka paitɨ xe'ukiyarima 'Ekipitu nemɨwarayewitɨ hikɨ 'akuxi, nepɨkatihayewawe mɨpaɨ netixekɨhɨawetɨ: ‘Xekeneneu'enieka’.

'Etsekieri 16:35

»”'Ayumieme, 'ukaratsi tuminikɨ pemuyumayɨinɨa, Yawé niukieya keneu'eni.

'Utseyaxi 5:4

»'Axakememɨteyurie pɨkawapitɨa Kakaɨyari hetsɨa memɨ'axɨani, mepɨkayumaiwawe 'axamemɨteyuriekɨ hipame wa'ɨitama memɨwakumaɨwakɨ mepɨkayɨwawe Yawé memetimanikɨ.

'Utseyaxi 12:3

Yumaama hukayatsie paitɨ yekaitɨ yu'iwa putami, meta kepauka temaikɨ matɨa Kakaɨyari hamatɨa puyutami.

'Amuxi 3:1

Xekeneu'eni 'ixaheritsixi, 'ikɨ Yawé niukieya kemaine xehepaɨtsita, yunaime nuiwari hetsiemieme 'Ekipitu nemɨwarayewitɨ: