'Utseyaxi 3:1 - Kakaɨyari Niukieya

¹ Tawarita Yawé mɨpaɨ kanetiniutahɨawe: «Kenemie tawarita mɨkɨ 'ukaratsi keneutiwitɨki tuminikɨ muyuwitɨnɨa, xeime pɨta mawitɨkɨ. Kenenaki'erieka ne Yawé kenemɨtiwanaki'erie 'ixaheritsixi, tsepa hipame kakaɨyarixi memɨtewarayexeiya tsepa kaxie patsaruyari tsuirayari memikwa'a mawariekame».

'Utseyaxi 3:1 ပူးပေါင်းရင်းမြစ်များ

Keremiyaxi 31:20

»'Epɨrahini tewiyari neniwe 'uki neminaki'erie pɨhɨkɨ. 'Ikɨ neniwe 'uki kanihɨkɨtɨni waɨkawa neminaki'erie. Kepauka nemɨtikwinitɨa, nepeye'eriwa ne'inaki'erietɨ. Mɨkɨ hetsiemieme waɨkawa nepɨne'iyaritɨa, mɨkɨ waɨkawamekɨ nepeunenimaya —Yawé mɨpaɨ kanaineni—.

Kitsariyaxi 45:22

»Nehetsɨa tawarita xekeneu'axɨa, xemɨtawikweitsitɨarienikɨ, yunaitɨ kwie manu'axetsie paitɨ xemu'uwa, karikɨ ne nekanikakaɨyaritɨni, tawarita xewitɨ kaniumaweni.

Mikeyaxi 7:7

Matsi ne Yawé hetsie netiwiyatɨ nepɨta'ikwewa, nepɨta'ikwewani Kakaɨyari hetsie netsiwikweitsitɨwame. Nekakaɨyari kaneni'eniemɨkɨ.

'Utseyaxi 11:8

»'Epɨrahini, nepɨkayɨwe nemetsiyetuani. 'Ixaheri, nepɨkayɨwe nemetsi'uku'eirieni. Ne nepɨkayɨwe nemetsiyetuani 'Arimaha kenemɨtiyetua hepaɨ. Ne nepɨkayɨwe nemetsi'uku'eirieni Tsewuhini hepaɨ. Netaɨta, ne'iyari pɨkarexeiya, metatsiere nekwinurite panukuyuane.

1 Pekuru 4:3

'Ariri tukari manuyetɨatsie tukari xeputsewixima yaxeteyurietɨ kemɨtiwanake nuiwarite, xekaniku'uwani xerukuyatɨwetɨ xeikɨa, xete'ukahiwe'erietɨ, xetarɨwetɨwetɨ, xeku'ixɨaratɨwetɨ, xeku'ietɨwetɨ, meta tetexi xewarayexeiyatɨ memɨxani'eriwa.

Tsakariyaxi 1:16

»Peru hikɨ, mɨpaɨ kanaineni Yawé: “Tawarita 'ari nekanitinenimayatamɨkɨ Kerutsareme. Mana tawari netuki kananukuketɨariemɨkɨ, hikɨ kii wewiwame ti'inɨnɨatameya kanitahaniemɨkɨ, mɨpaɨ kanaineni Yawé Naimekɨmɨtɨrɨkaɨye”.

Keremiyaxi 3:20

Peru 'ekɨ, 'Ixaheri tewiyari, pepɨkanetsiheu'enie 'ukaratsi yɨkɨna 'uku'eirieka xeime manukuwei hepaɨ», Yawé mɨpaɨ kanaineni.

Nɨawari 123:2

Waɨriyarika te'uximayatamete kememɨteta'ikwewa yukutsiyari niukieyakɨ yumamakɨ warahɨawekaku, meta 'ukaratsi waɨriyarika ti'uximayatame kemɨtita'ikwewa, mɨti'uximayatsirie 'ɨyaya niukieya yumamakɨ hehɨawekaku, mɨpaɨta tame tepɨteta'ikwewa Yawé takakaɨyari hetsie, kepaukake mɨkɨ mɨtatsitinenimayata.

1 Kurinitutari 10:21

Xepɨkayɨwawe Ti'aitame tekɨxieyata mieme xemanu'ieni, mexi xe'enuye'e kakaɨyarixi 'axamemɨ'anene watekɨxita mieme. Xepɨkayɨwawe Ti'aitame 'ikwaiya xemɨtekwani, mexi xetekwa'a kakaɨyarixi 'axamemɨ'anene wa'ikwai.

'Amuxi 6:6

winu xepɨye'e watsu 'amɨneneta meta witsimu'ɨa xepɨyutiwiriwa 'aixɨa mɨ'ane, xekayu'iyaritɨatɨ Kutse kemɨtika'unarieni,

'Amuxi 2:8

Tsepa kemɨ'ane mawari taiyame 'aurie mepahipite, 'ixuriki tixaɨtɨ mɨkarexeiya miku'eiri mɨtiupataxɨ mɨkɨ hetsie mekanahipiteni, meta winukɨ hipame mewarutiwiyaka memɨte'akapitɨariekɨ Kakaɨyari tukita kɨmana mekani'ieka.

Nehemiyaxi 9:31

Peru 'ekɨ, waɨkawa pemɨtiuyukanenimayakɨ pepɨkawarukwi meta pepɨkawaruku'eiri, Kakaɨyari 'aixɨa pemɨtiuka'iyari meta pemɨti'akanenimaya.

2 Te'aitamete 13:23

Peru matsi Yawé kaniwarutinenimayata. Meripaitɨ tɨratu muwewiekaikɨ 'Apɨrahami, 'Itsahaki meta Kakuwu wahamatɨa, 'ayumieme 'ixaheritsixi kaniwarutinenimayata wahetsie putanua, hikɨ 'akuxi yaxeikɨa pɨkawataunie memɨkaka'unarɨwanikɨ meta memɨka'ayeweiyarienikɨ hɨxiena.

2 Tsamuheri 6:19

meta 'ixaheritsixi yuxexuime mana memɨyuxeɨriekai memɨyumɨirekai 'ukitsi meta 'ukarawetsixi, paa kaniwarutamini, takɨ 'ikwaxiyari patsaruyari tsuirayari, meta kaxie patsaruyari papayari. 'Arike mɨpaɨ tiɨyɨku, yukie yunaitɨ mekaneutayeixɨani.

'Itsɨkate 10:16

Hikɨ kakaɨyarixi mekaniwaruku'eirieni memɨwarayexeiyakai, Yawé me'ayexeiyatɨ pɨta mekanakɨne, meta Yawé pɨkayɨwekairi mɨtinewieka, 'ixaheritsixi kememɨte'uka'eniwakai.

'Itsɨkate 9:27

Yuwaxata me'anukɨneka meta kaxie takari me'utiketsika, 'ixɨarari mekanatinetɨani yukakaɨyari tukita. Kepauka memɨtekwakai meta memɨ'iekai 'Awimereki 'axamekateniutamani.

Memeyekɨ 32:6

'Uxa'arieka ximeripaitɨ 'ixaheritsixi mekananuku'uni mekateni'atɨani mawari taiyariyari meta kename 'aixɨa memɨteyuxeiyanikɨ mawariyari. Hikɨ yunaitɨ mekananukayaxe mekateniukwani mekaniuti'ieni, kemɨtiwanake mekaniyɨakaitɨni.

1 Kurinitutari 10:7

Yaxeikɨa tetexi xewarayexeiyatɨ xepɨka'akɨkani, mɨkɨ hipatɨ kememɨte'uyuri wahepaɨ. Mɨpaɨ katine'uka: «Teɨteri yunaitɨ mekananukayaxe mekateniukwani mekaniuti'ieni, kemɨtiwanake memɨteneitɨwenikɨ».

Mateu 26:50

Hikɨ Ketsutsi mɨpaɨ katinitahɨawe: —Nehamiku, kepemɨtikuyuriene yaketineuyuri. Hikɨ teɨteri 'auriena me'aketɨkɨneka, Ketsutsi mekaniuwiya.

'Utseyaxi 7:5

Ti'aitame 'ixɨarari matiwewiwatsie 'itsɨkate winukɨ mepɨtitarɨwewe, ti'aitame pɨreuyehɨpa kemɨtimariwe tɨratu wewietɨ yunaime meminanaima wahamatɨa.

'Utseyaxi 4:11

hipame 'ukarawetsixi wahamatɨa me'ietɨwetɨ, kaxie winuyari pɨwareuyexɨrɨwa wa'eriwametsie.

1 Kemɨtiuyɨ 16:3

meta 'ixaheritsixi yuxexuime 'ukitsi meta 'ukari paa kaniwaruta'ɨitɨani meta takɨ takari tsuirayari, meta kaxie patsaruyari tsuirayari.

Kwikari 2:5

Kaxie takari patsaruyarikɨ keneneutatɨrɨkariya, manitsanakɨ keneneutahuxaitɨa, nekanimɨximeni naki'eriyakɨ.

'Utseyaxi 2:5

Wamaama tuminikɨ muyuwitɨnɨa kanihɨkɨtɨni, Mɨwarutiniwexɨ ka'uyukatewiyatɨ. Mɨpaɨ kaniutayɨni: “Netuxexerima wahamatɨa nepukuyeikani, memɨnetemikwa memɨnetsiharitɨa, muxa huxarieya, rinu 'ixurikiyari, nehatseiti meta tita nemɨranuye'e”.