'Utseyaxi 2:2 - Kakaɨyari Niukieya

² »Peru hikɨ yumaama hetsie xeketeneuhɨpani, mɨkɨri hikɨ pɨkane'ɨya neta nepɨkakɨnaya. Yuhɨxie mayuyewirie witsimɨtixeiyariekakɨ ke'ayuye'itieni 'axamɨtiuka'iyarikɨ, meta yutawie kemɨratikuka ketiuhayewa.

'Utseyaxi 2:2 ပူးပေါင်းရင်းမြစ်များ

Kitsariyaxi 50:1

Yawé mɨpaɨ kanaineni: «Ne xemaama, nepuku'eiri, ¿Peru hakewa 'eiriya xapayari? ¿Yatɨni kemɨ'ane nemɨrapiinirie hetsɨa nepɨxe'utua? Xeme xekaniutuiyani 'axaxemɨte'uyurikɨ, xeme xekaniutuiyani, 'axaxemɨteyuriekaikɨ xeme xemaama kaniuku'eiriwa.

'Etsekieri 23:45

Peru teɨteri heitserie yamemɨtekahu 'ukari teyukwikate meta kayukɨnama memɨwakumaɨwa mekateniwakwinitɨakuni, kayukɨnama memɨwakumaɨwa memɨhɨkɨkɨ, teɨteri memɨwarukwikɨ yumamatetsie mekaneuxuxureni.

Keremiyaxi 3:13

Keneu'atimaixɨa xeikɨa ke'axapemɨtiuyuri, meta kename Yawé pe'aye'unietɨ pehatɨa 'akakaɨyari. Naime kɨyexi mɨ'e'etɨtɨka hetɨa hipame kakaɨyarixi pepɨwarayexeiyakai, meta kepemɨkati'awaɨriya yapemɨtikamienikɨ”».

'Etsekieri 16:25

'Etsikinatsie naitsarie pepikuwewiexɨa, muwa pemɨwarayexeiyanikɨ. 'Ateurite pepɨwa'eiririe kemɨ'ane tsepa 'a'aurie muyemie, wahamatɨa pehunetɨ pepɨkatihayewakai.

Keremiyaxi 3:1

»'Inɨarikɨ, xewitɨ 'uki yɨ'ɨya kaniuku'eirieni, mɨkɨta 'uka kanihayewa xeime pɨta 'uki tiwitɨnike. ¿Tiyɨwe 'uki matɨari mewitɨkɨkai nuame mitiwitɨnikɨ? Pɨkayɨwe. Mɨpaɨ xɨkatiuyɨni kwie naime ka'itiyakame kanayeitɨamɨkɨ. Mɨpaɨ kani'aneni, 'ekɨri yumɨireme pekaniwarukumayɨani, 'ayumieme pekapɨyɨweri nehetsɨa hutarieka pemunuani —Yawé mɨpaɨ kanaineni—.

'Utseyaxi 2:5

Wamaama tuminikɨ muyuwitɨnɨa kanihɨkɨtɨni, Mɨwarutiniwexɨ ka'uyukatewiyatɨ. Mɨpaɨ kaniutayɨni: “Netuxexerima wahamatɨa nepukuyeikani, memɨnetemikwa memɨnetsiharitɨa, muxa huxarieya, rinu 'ixurikiyari, nehatseiti meta tita nemɨranuye'e”.

'Utseyaxi 1:2

Kepauka Yawé 'Utseyaxi hamatɨa matɨari mɨtiutaxa, mɨpaɨ katinitahɨawe: «Kenemie xeime 'ukaratsi tuminikɨ muyuwitɨnɨa kenetiwitɨki, hetsiena tɨɨri keniwarayexeiya, mɨkɨ kwieyaritsie mɨpaɨ memɨyɨakɨ yunaitɨ. Yawé me'uku'eirieka hipame kakaɨyarixi pɨta mekaniwarayexeiyakaitɨni».

Keremiyaxi 19:3

Mɨpaɨ ketiniwarutahɨawi: “Kura kwieyaritsie te'aitamete meta Kerutsareme kiekatari, Yawé niukieya xekeneu'eni. Yawé Naimekɨmɨtɨrɨkaɨye mɨpaɨ kanaineni, 'Ixaheri Kakaɨyarieya: ‘'Uximatɨarika xehetsie nekananɨ'amɨkɨ 'ikɨ kwieyaritsie, hikɨ kemɨ'ane mɨkɨ mɨti'enieni nakatana katinenauwanamɨkɨ.

2 Kurinitutari 5:16

'Ayumieme hikɨ xeime tepɨkamate teɨteri kememɨte'imate. Tsepa temimaikai Kɨritsitu teɨteri kememɨtehe'eriwa, hikɨ mɨpaɨ tetehe'eriwatɨ tepɨka'imate.

'Etsekieri 23:43

Hikɨ mɨpaɨ nepɨtiu'eri, mɨkɨ 'ukaratsi mɨyutaxɨtɨaxime hetsiemieme, hipatɨ me'ikumaɨwakaku: “Hikɨrita mekanitsutɨani mɨkɨ 'ukaratsi mekumaɨwatɨ”.

'Etsekieri 20:4

»Tewi pemunu'aya, 'ekɨ ke'axamemɨteyurie keniwarutaxatɨa. Ke'axamemɨteyuriekai meripaitɨ watutsima mɨkɨ keniwarutaxatɨa.

'Etsekieri 16:20

»”Metatsiere tɨɨri 'ukitsi 'ukari pepɨwayetua, nehamatɨa pemɨwarayexei pepɨwarutimawaxɨ, mɨkɨ 'ɨkiyarite wa'ikwai mayanikɨ. Ke'axapemɨtiyurienekai 'a'iyari kari 'aixɨa pɨka'anekai.

Keremiyaxi 2:2

«Kenemie Kerutsareme kiekatari mɨpaɨ ketiniwaretaxatɨa Yawé mɨpaɨ kanaineni: »“Nepa'eriwa matɨari 'ɨimariyari kepemɨnetinaki'eriekaitsie, 'anaki'eriyakɨ kepauka nemetsi hewitɨtsie, kepauka makumawetsie pemɨnetsi'uweiyakai, 'iya kwietsie 'etsiya mumawetsie.

Kitsariyaxi 58:1

»Keneutahiwa karima, pepɨka'utimamaweni. Kwi keneutahiwa kuxineta hepaɨ. Neteɨterima keniwarutaxaneta memɨnetsi'aye'uniekɨ, 'axamemɨte'uyurikɨ, Kakuwu nuiwarimama.

'Utseyaxi 2:1

»Kepauka memɨ'axɨani xe'iwama 'ukitsi mɨpaɨ xeketeniwaruterɨwa: Hami, taniukikɨ manuyɨne “Mepɨneteɨterimari”. Meta 'ukari Xuhama, taniukikɨ manuyɨne “Nepitinenimayatari”.

'Utseyaxi 4:5

Tukarikɨ tɨkarikɨ mepetiketamɨrike, Kakaɨyari niukametemama yaxeikɨata 'ahamatɨa mepekaxɨrɨwe, 'amaamari pɨka'uyeikani,

Kitsariyaxi 11:12

Patera panuwieni nuiwarite wahetsiemieme, 'ixaheritsixi memutaweiyarie puwaxeɨrieni, naitsarie kwiepa Kura nuiwarimama memeutaweiyariexɨa puwakuxeɨrieni.

Keremiyaxi 3:18

»Mɨkɨ tukaritsie Kura nuiwariyari mepuyutinɨni 'Ixaheri xiɨyarimama wahamatɨa, yunaitɨ mekanayekɨnikuni tayeta kwie mukumatsie, mekani'axɨakuni kwie watutsima nemɨwayetuiritsie.

Mikeyaxi 2:13

Panuyekani kemɨ'ane muhuyetarɨmeni, meta mɨkɨtatsiere huye mepuyuwewirieximeni, kitenie mekaniuyekɨnikuni hikɨ mekaniyehuni, mexi tiwa'aitɨwame 'umieni 'anuyekaitɨ, mexi Yawé 'anuyekaitɨ 'umieni.