'Utseyaxi 2:16 - Kakaɨyari Niukieya

¹⁶ »Yawé mɨpaɨ kanaineni: Kepauka maye'ani tukari mɨpaɨ pepɨkanetiuterɨwani: “neti'aitɨwame”, matsi pɨta: “nepɨmatsinaki'erie nekɨna”.

'Utseyaxi 2:16 ပူးပေါင်းရင်းမြစ်များ

Kitsariyaxi 54:5

Kemɨ'ane mɨmatsi'utawewi mɨkɨ kani'akɨnatɨni, Yawé Naimekɨmɨtɨrɨkaɨye katinitewaka. Matsiwikweitsitɨwame kanihɨkɨtɨni Mɨpatsie 'Ixaheri hetsiemieme, naime kwie Kakaɨyarieya katinitewaka.

'Utseyaxi 2:7

Waɨkawa tiuka'eniwatɨ yutuxexerima pɨwakuwauneni, kawataxeiyame mɨpaɨ pɨtayɨni: “Nekɨna matɨari nemitiwitɨ hetsɨa nepɨnuanikeyu, matsi meripaitɨ 'aixɨa nepɨtixeiyariekai keyuri hikɨ”.

Keremiyaxi 3:14

Yawé mɨpaɨ kanaineni: «Nehetsɨa xekeneu'axɨa xemɨnetsi'uku'eiri, karikɨ ne xekɨna nekanihɨkɨtɨni. Yuxexuime xeikiekariyaritsie nepɨwarayewitɨxɨani meta yuhuhutakame xeinuiwaritsie miemete, Tsiyuni paitɨ nepuwa'atɨani.

Matsiɨkɨtɨ kemɨratɨa 19:7

Tepɨtatemamawieka meta temawierika tepexeiyani, meta witsitikuxaxatsiwame tepayeitɨaka. 'Ari tukari kanaye'ani Muxa mɨtineɨkekɨ. 'Ɨyaya mayani puyukuha'aritɨa,

2 Kurinitutari 11:2

Hikɨ kenemɨti'ɨtetsa xeme xehetsiemieme, mɨkɨ Kakaɨyari hetsɨa kanimiemetɨni. Nepɨxeyetua xeime hetsɨa, Kɨritsitu hamatɨa xemɨyuxewinikɨ, yaxeikɨa 'ɨimari kemɨtiwikitɨariwa 'uki yuxewitɨ xeikɨa mitiwitɨnikɨ.

Wani 3:29

Kemɨ'ane 'uka wikiwame yuhetsiemieme mexeiya, 'uki neneɨkeme kanihɨkɨtɨni. Neneɨkeme teɨtameya 'auriena mutiwe mi'enie, mɨkɨ kaniyutemawieka neneɨkeme 'enietɨ. 'Ayumieme 'ikɨ netemawierika kanaye'aniri.

Tsutɨarika 34:3

Mɨya 'iyuriekaketa kanitihiwe'erieni 'aixɨa katinixeiyakaitɨni pitiwitɨnikekai.

'Itsɨkate 19:3

Hikɨ 'uki yu'ɨya hetsɨa kaneyani witsireitixatɨame mewitɨnikɨ, xeime kanewitɨni ti'uximayatame meta yuhutame puxuri kaniware'arieni. 'Ukaratsi yupaapa kiita kaneita'inieni, paapaya 'ixeiyaka waɨkawa kaniyukatemawieni.

Xuti 2:13

Mɨpaɨ kaniutayɨni: ―Xɨkatsɨ tiyɨwenike nematsinaki'atsitɨaka, neti'aitɨwame. 'Ekɨ pepɨnetsinɨtɨa, 'aixɨa penetixeiyatɨ pepɨnetsikɨhɨawe, tsepa nekamati'a'uximayatsiriwame.

Kitsariyaxi 40:2

Kerutsareme witsixeketenekɨhɨaweni, mɨpaɨ xeketeneutahɨawi 'ari mekatenaye'atɨani mete'uximayatɨ, 'axamɨtiuyurikɨ 'ari katiniuyutuani, 'ari Yawé kaniwaru'uximatɨani 'axakememɨte'uyurikɨ matsi waɨkawa hepaɨna paɨmemekɨ.

'Etsekieri 20:35

Nekanixe'anuwitɨmɨkɨ makumawetsie nuiwarite wahixɨapa, mana nexexeiyatɨ nepɨtixekwinitɨani.