'Utseyaxi 2:12 - Kakaɨyari Niukieya

¹² Kaxie haraweriyari kemɨrexeiyakai meta piní, kename mɨkɨ tuxexerimama mete'iyetuiriekai. Maku'ɨtsiya nepayeitɨani, yeuta memɨte'u'uwa mekanitikwaikuni xeikɨa.

'Utseyaxi 2:12 ပူးပေါင်းရင်းမြစ်များ

Kitsariyaxi 7:23

'Iya tukaritsie, hakewa xeimiriyari kaxie kɨyeyari meku'ukai xeimiriyari pɨrata tuminiyarikɨ xewitɨ mɨraye'akai, mɨkɨ tixaɨtɨ pɨkatiyuhayewa 'ɨtsi meta xuya xeikɨa,

Kitsariyaxi 5:5

Ne nepɨtixetaxatɨani kenemɨtiyurieni nekaxie haraweriyari hepaɨtsita: Kuraruyari nepa'unatɨyani, kanika'unariemɨkɨ, tetsariya 'amɨtɨtɨ nekanika'unamɨkɨ, hetsiena katina'uitɨmɨkɨ.

'Utseyaxi 13:8

Nepɨwatakwini meta watawitsie nepɨwareuxutsixɨani hutse yuniwema wakwerietɨ mɨtiyuyuruwa hepaɨ. Maye hepaɨ nepɨtiwakwani. Yeutanaka 'ɨtsita mɨtiyutsana hepaɨ.

'Utseyaxi 2:5

Wamaama tuminikɨ muyuwitɨnɨa kanihɨkɨtɨni, Mɨwarutiniwexɨ ka'uyukatewiyatɨ. Mɨpaɨ kaniutayɨni: “Netuxexerima wahamatɨa nepukuyeikani, memɨnetemikwa memɨnetsiharitɨa, muxa huxarieya, rinu 'ixurikiyari, nehatseiti meta tita nemɨranuye'e”.

Mikeyaxi 3:12

'Ayumieme, xeme ya'aneme xewiwiekaku Tsiyuni kwietsanaripa hepaɨ tiyuxexeiyatɨ kanayeimɨkɨ, Kerutsareme 'unimeyari xeikɨa kaniyuhekɨarimɨkɨ, meta yemuri tuki manuwekai 'ɨtsita kanayeimɨkɨ.

'Utseyaxi 9:1

Merikɨte 'Ixaheri, pepɨka'atemawieka, 'ixɨarari pepɨkawewieka nuiwarite wahepaɨ. 'Axapekatiniuyurieni: 'Akakaɨyari pekaniuku'eirieni. Tɨriku tuminiyari kepaɨmeme pemukaxexeiya kakaɨyarixi pepuwayetuiriwa.

Keremiyaxi 26:18

kename, 'Etsekiyaxi kepauka mɨti'aitametɨkai, Mikeyaxi Muretseti kiekame yunaime Kura kwieyaritsie kiekatari wahetsiemieme mɨpaɨ tiuxatakai: «Mɨpaɨ kanaineni Yawé Naimekɨmɨtɨrɨkaɨye: “Tsiyuni kanakukwietsanariemɨkɨ kwie mɨraka'etsitɨre hepaɨ, Kerutsareme 'unitɨ kanayeimɨkɨ, meta tuki yemuriyari 'ɨtsita kanayeimɨkɨ”.

Keremiyaxi 8:13

»Yawé mɨpaɨ kanaineni: “Kepauka kaxie nemeu'inɨimɨkɨ tixaɨtɨ nepɨkatiukaxexeiya, meta piní hetsie 'ikwaxi pɨkaheukatei, xawariyari pɨyɨyɨna. Kamɨtsɨ, hikɨ ne nepɨtixenawairieni tita nemɨtixeyetuiri”».

Kitsariyaxi 29:17

Riwanu kwitɨwa kwie 'aixɨa mɨ'ane mɨraku'etsitɨre kanayeimɨkɨ, meta mɨraku'etsitɨrekaitsie makukariuxaya kanayeimɨkɨ.

Nɨawari 80:12

¿Titayari kuraruya petiuka'unaxɨ? Yunaitɨ mana memuyekɨka 'iteɨrieya kaxie mekanika'inɨweni.

Keremiyaxi 5:17

Tita pemɨti'etsa meta 'a'ikwai naime mepɨtekaxɨni, 'aniwema 'ukitsi meta 'ukari yunaime mepɨwakwini, 'amuxatsi meta 'awakaitsixi mepɨwakwini, 'akaxie meta piní mepɨkaxɨni. 'Akiekarite kuraruyari 'amatitetewa, wahetsie pemeuwaɨrekai, naitɨ pɨka'unarieni».

Keremiyaxi 13:26

neta 'a'iwi teikɨ nekanitihanimɨkɨ 'ahɨxie paitɨ nekamaneukunamɨkɨ nekatinihekɨatamɨkɨ 'atewiyarika.

'Utseyaxi 5:14

Ne maye nepayani 'Epɨrahini hetsiemieme, maye nunutsita Kura hetsiemieme. Ne nekɨmana nekaniwatitsanamɨkɨ, meta nekaniyemieni, nemiwiyaxɨ ne'atɨtɨ, nixewitɨ pɨkayɨweni mɨnetsi'unawairieni.