'Utseyaxi 2:1 - Kakaɨyari Niukieya

¹ »Kepauka memɨ'axɨani xe'iwama 'ukitsi mɨpaɨ xeketeniwaruterɨwa: Hami, taniukikɨ manuyɨne “Mepɨneteɨterimari”. Meta 'ukari Xuhama, taniukikɨ manuyɨne “Nepitinenimayatari”.

'Utseyaxi 2:1 ပူးပေါင်းရင်းမြစ်များ

1 Pekuru 2:10

Meripaitɨ nuiwari xepɨkahɨkɨtɨkai, hikɨri Kakaɨyari teɨterimama xekanihɨkɨtɨni, meripaitɨ xepɨkanenimayatsiekai, hikɨri xeputinenimayatsie.

'Utseyaxi 2:23

Ne nehetsiemieme kwiepa nepɨwaka'eni. “Nepɨka'itinenimayatari” mɨkɨ wahetsiemieme nepɨwatinenimayata. “Mepɨkaneteɨterimari” nepɨtiwaterɨwa, “Mepɨneteɨterimari”, mɨkɨta mɨpaɨ mepɨtiyuani, “Pɨtakakaɨyari”».

1 Timuteu 1:13

tsepa ne meripaitɨ 'axanemutainekai hepaɨtsitana, tsepa nemitaweiyaxɨ, tsepa nemitawe'eriekai, neputinenimayatsie matsi mɨpaɨ nemɨtiyurienekaikɨ 'atsinekatimaitɨ kepauka yuri nemɨkati'eriekai.

2 Kurinitutari 4:1

'Ayumieme mɨpaɨ tetehɨritɨarietɨ tepɨkawaɨripie, matsi ketemɨtenenimayatsie tepɨyɨa.

Tsakariyaxi 13:9

Peru mɨkɨ memuyuhayewaxɨ taipa nekaniwakayatsamɨkɨ, 'aixɨa nepɨwayurieni pɨrata ke'aixɨa mɨ'itɨariwa taipa hepaɨ, nepɨwata'inɨata huru taipa kemɨti'inɨatsiwa hepaɨ. Hikɨ 'ana menetsi'ayexeiyatɨ mepakɨne neta nepɨwata'eiya. Ne mɨpaɨ nepɨtayɨni: “Mɨkɨ mepɨneteɨterima”, mɨkɨta mɨpaɨ mepɨtiyuani: “Yawé takakaɨyari kanihɨkɨtɨni”».

'Etsekieri 37:27

Wahamatɨa nepuyeikani, ne wakakaɨyari nepɨhɨkɨtɨni mɨkɨta neteɨterima mepakɨne.

'Etsekieri 36:28

Kwie xetutsima nemɨwayetuiritsie xepu'uwani, xeme neteɨterima xepɨhɨkɨtɨni neta xekakaɨyari nepɨhɨkɨtɨni.

'Etsekieri 11:20

ne'inɨari niukiyari xemaye'atɨwanikɨ meta ne'aitsikatsie mɨpaɨ xemɨte'u'uwanikɨ. Hikɨ 'anari neteɨterima xepɨhɨkɨtɨni, neta xekakaɨyari nepɨhɨkɨtɨni.

Keremiyaxi 32:38

Mɨkɨ mepɨneteɨterimatɨni, neta Xekakaɨyari nepɨhɨkɨtɨni.

Keremiyaxi 31:33

»'Ikɨ tɨratu kanihɨkɨtɨni 'iya tukari 'anuyeyayu nemɨwawewirieni 'ixaheri teɨteriyari —Yawé mɨpaɨ kanaineni—: Wa'eriwametsie ne'inɨari niukiyari nepɨwapitɨani meta wa'iyaritsie nekanika'utɨamɨkɨ. Ne wakakaɨyari nekanihɨkɨtɨkamɨkɨ mɨkɨta neteɨterima mepɨhɨkɨtɨni.

'Utseyaxi 2:2

»Peru hikɨ yumaama hetsie xeketeneuhɨpani, mɨkɨri hikɨ pɨkane'ɨya neta nepɨkakɨnaya. Yuhɨxie mayuyewirie witsimɨtixeiyariekakɨ ke'ayuye'itieni 'axamɨtiuka'iyarikɨ, meta yutawie kemɨratikuka ketiuhayewa.

Tsutɨarika 22:17

'Aixɨa nepɨmatsiyurieni waɨkawamekɨ, 'anuiwarima yɨmɨireme nepuwarayeitɨani xurawetsixi muyuawitsie memɨtama wahepaɨ meta xiekari haramara tetsita mɨtika hepaɨ. Meta 'anuiwarima mepɨte'ayu'iwani kemɨ'ane memɨwaraye'unie wakiekarite mepɨwanawairieni.

Keremiyaxi 51:5

Tsepa 'Ixaheritsixi meta Kura kiekatari waɨkawa wahetsie mɨrahɨiwa Mɨpatsie 'Ixaheri hetsiemieme hɨxie, wakakaɨyari pɨkawaruku'eiri, Yawé Naimekɨmɨtɨrɨkaɨye.

'Etsekieri 36:11

Xehetsie teɨteri nepɨwatimɨiriya meta tewaxi, mɨkɨ meyumɨiriyatɨ mekanakɨnikuni. Waɨkawa kiepa nekanayeitɨamɨkɨ, mɨkɨ mana mekaniu'uwakuni, 'aixɨa'anemekɨ xekaniyekɨnikuni keyuri meripaitɨ. 'Ana mɨpaɨ xepɨtehetimani kename ne, Yawé nehɨkɨ.