'Utseyaxi 14:3 - Kakaɨyari Niukieya

³ 'Atsiriya pɨkatatsitawikweitsitɨani, kawayutsixi kuyaxa miemete wahetsie tepɨka'anutiyaxe. Tawariri tepɨka'itaterɨwani “'ekɨ takakaɨyari pepɨhɨkɨ” tixaɨtɨ tamamakɨ tiwewiyakame tepɨkate'ayexeiya, 'ahetsie nutui pikaxeiya kepemɨti'akanenimaya».

'Utseyaxi 14:3 ပူးပေါင်းရင်းမြစ်များ

Nɨawari 68:5

Nutuite wa'ukiyari, wiuraxi wahetsie nunuwame Kakaɨyari kanihɨkɨtɨni yutuki mupatsieta 'ayekaitɨ.

Nɨawari 10:14

'Ekɨ pepɨniere ketemɨte'uximatɨarie meta ketemɨtenanaimarie, 'ekɨ pepɨkaratɨmaiya 'aixɨa pepɨtiyurieni mɨkɨ hepaɨtsita. Mɨyamemɨte'anuyehu matsi 'ahetsie mekaneuwaɨreni, 'ekɨ pepɨhɨkɨ nutuite waparewiwame.

'Utseyaxi 14:8

Neuxei 'Epɨrahini, kakaɨyarixi wa'ɨkiyari tixaɨtɨ pɨkatihɨkɨ. Ne nemetsiku'eiya nekanihɨkɨtɨni meta nemetsi'ɨwiya. Huku kɨyeyari yamɨtitsiɨraɨye nekanihɨkɨtɨni, kepemɨtiutixuxuawere ne nekatiniyurieneni».

'Utseyaxi 5:13

»Kepauka 'Epɨrahini yukwiniya muxei, Kura katinetimani haiyayatsie, 'Epɨrahini kaneyani 'Atsiriyatsie mana parewiya kaniutawauni ti'aitame mɨmariwe hetsɨa. Peru ti'aitame mana kiekame pɨkayɨwekai menayehɨanikɨ, meta haiyaya mu'uayemani.

'Utseyaxi 2:17

Ne nepɨmeratɨmaiyatsitɨani tawarita pemɨkawakuxatanikɨ memɨkayuri kakaɨyarixi, hatsuakuri pemɨkawatahɨawe.

Kitsariyaxi 31:1

Xɨa'ui kemɨ'ane 'Ekipitu memekɨka parewiya mekuwautɨwetɨ, meta kemɨ'ane kawayutsixi wahetsie memuyukuparewie, kemɨ'ane kaxetate kuyaxa miemetetsie memuyukuparewie meta memanutiyaxike wahetsie, peru Mɨpatsie 'Ixaheri hetsiemieme memɨkaha'eriwa, meta Yawé memɨkakuwautɨwe.

Kitsariyaxi 30:16

Xepɨkayɨne mɨpaɨ xeputiyuane: “Tekaniyuta'unakuni kawayutsixi wahetsie te'utetɨ”. 'Ayumieme, mɨpaɨ xekateniyuta'unakuni. Mɨpaɨ xekaniutiyuaneni: “Kawayutsixi memanautsawawetsie tekananutiyaxikuni”. 'Ayumieme, kwinimieme mehayɨwawetɨ mepayenexɨani memɨwaraye'unie.

Nɨawari 33:17

Tixaɨtɨ pɨkatihɨkɨ kawayutsixi wahetsie teyukwitɨwetɨ temɨte'ayu'iwakɨ, tsepa waɨkawa mɨtɨrɨkaɨye pɨkatiyuwikweitsitɨwa.

Wani 14:18

Ne nepɨkaxeku'eirieni nepɨkaxenutuita, xehetsɨa nekaninuamɨkɨ.

'Utseyaxi 12:1

'Epɨrahini 'eka xeikɨa kanikwaka, tukarikɨ 'eka mɨxɨka 'utɨa pukuyeika, waɨkawa 'itarika kaniwewieka meta kaniyumieneni. 'Atsiriya ti'aitame hamatɨa tɨratu mepɨwewietɨwe, 'Ekipitu ti'aitame hetsɨa hatseiti kaniyetuayani mɨtiyutuaka hepaɨ».

'Utseyaxi 8:9

'Ixaheritsixi mekanekɨne 'Atsiriya paitɨ, mekaniuyupata puxuri yeutari memɨkaheu'enana wahepaɨ, meta 'Epɨrahini yutuxexerima katiniwayetuiriwakaitɨni.

'Utseyaxi 8:6

Neuxei keneu'ena 'Ixaheri: Mɨkɨ tsikeru Kakaɨyari pɨkahɨkɨ, mɨkɨ tewi pɨwewiyaya. Mɨkɨ tsikeru Tsamariya mieme kanitatarariemɨkɨ.

'Utseyaxi 7:11

»'Epɨrahini kukuru mautuxa mɨkatiyu'aitɨarinɨa meta mɨkatimaiwe hepaɨ pɨ'ane, heiwa parewiya puta'iwawa 'Ekipitu kwieyaritsie, heiwata 'Atsiriyatsie.

'Etsekieri 37:23

Tawariri meka'itiyatɨ mepɨkahayuyeitɨani yukakaɨyarixikɨ, meta 'axameteyurietɨ, meta tita mɨtixani'eriwa meteyurietɨ. Ne naime nepɨtiwanawairieni, nepɨwa'itieni ke'axamemɨteyuriekai. Mɨkɨ neteɨterima mepɨhɨkɨtɨni neta wakakaɨyari.

'Etsekieri 36:25

Haa 'aixɨa mɨ'anekɨ nekaniwati'ɨyamɨkɨ, 'ana 'aixɨa me'itɨarietɨ mekanakɨnikuni. Nekaniwa'itimɨkɨ 'axamɨti'anekɨ meta hipame kakaɨyarixi memɨwarayexeiyakɨ.

Kitsariyaxi 36:8

»Hikɨ 'Etsekiyaxi, 'ikɨ tɨratu keneuwewi neti'aitɨwame hamatɨa, ti'aitame 'Atsiriya kiekame: Ne nepɨmatsiyetuirie huta miriyari kawayutsixi, xɨkata 'ekɨ mɨpaɨ yupaɨmeme pewakuwaumɨkɨ memanutiyaxe.

Kitsariyaxi 31:3

'Ekipitutari, matsi, mepɨteɨteri, mepɨkakakaɨyarixi, wakawayutsixi mepɨwaite, 'iyarite mepɨkahɨkɨ. Kepauka Yawé mɨtiwakwinitɨani, kemɨ'ane parewiya mɨyetua kanekawemɨkɨ, meta kemɨ'ane memuparewiya kanatiwemɨkɨ. Yunaitɨ mekanikwikuni.

Kitsariyaxi 30:2

mekanetsi 'uta'iwawiyatɨ 'Ekipitu memeukakɨka, Parahuni hetsɨa memekɨka wahetsie munuakakɨ, meta 'Ekipitu 'etɨriyayatɨa memuyu'awieta.

Kitsariyaxi 27:9

Mɨpaɨ Kakuwu 'axakemɨtiuyurikɨ pɨti'itiyarieni, mɨpaɨ xeikɨa katiniyɨmɨkɨ 'axakemɨtiuyuri mɨreuyehɨwiyarienikɨ: tetexi kakaɨyarixi memɨte'atimawiyarɨwa naitɨ tumuanari kehayani, tetexi mu'uniwe mɨtɨxieka hepaɨ, meta 'Atserá 'ɨkiyaya 'a'uwetɨ pɨkakuhayeikarɨwani meta mawari taiyame 'ɨkwa witsimu'ɨa nixewitɨ tɨma.

Kitsariyaxi 2:20

'Iya tukaritsie tewi yukakaɨyarixi hurukɨ memɨwewiyatɨka meta pɨratakɨ, mɨkɨ mɨwarutiwewiekai muwarayexeiyanikɨ, teuxari meta 'atsixi memuyekietsie puwareutaxɨrieni.

Kitsariyaxi 1:29

Xekanititewiyakuni xiu kɨyeyari kwinimieme xemɨtenaki'erie, tuturite muwa'iteɨtsietsie memenayexei wahetsiemieme tewiyarika katinayeimɨkɨ.

Nɨawari 146:9

Yawé ku'uwamete kaniwa'ɨwiyani, nutuite meta wiuraxi kaniwaparewieka, peru 'axateyuruwamete kememɨteku'eriwa kananutunani.

Nɨawari 146:3

Teɨteri memɨtɨrɨkawi wahetsie xepɨkatewiyani, mɨkɨta mepɨkwiwawe xeikɨa, mepɨkayuwawe memɨxetawikweitsitɨanikɨ.

2 Kemɨtiuyɨ 16:7

Hikɨ 'iya tukaritsie neniereme Kananihi kaninuani 'Atsá hɨxie, Kuratsie ti'aitame, mɨkɨ mɨpaɨ katinitahɨawe: «Tsiriya kwieyaritsie ti'aitame parewiya pemutawawirikɨ, Yawé 'akakaɨyari pemɨka'utawawirikɨ, kuyaxi tsiriyutsixi mekameniutawikweiya.

Hutarieka 'inɨari 17:16

»Mɨkɨ ti'aitame yumɨireme kawayutsixi mɨwananeka pɨkayɨweni, meta teɨteri pɨkawapitɨaka 'Ekipitu memeuhunikɨ waɨkawa kawayutsixi mewarexeiyatɨ memakɨnekɨ, karikɨ Yawé mɨpaɨ katinixe'utahɨawe: “Tawariri mɨkɨ huyeta xepɨkaheuhuni”.

Tsakariyaxi 13:2

»'Iya tukaritsie kakaɨyarixi memɨwewiyatɨka kememɨtetetewa nepikumaweriya, hatsuaku tawari me'ayexeiyarietɨ mepɨka'akɨne —mɨpaɨ kanaineni Yawé Naimekɨmɨtɨrɨkaɨye—. Metatsiere nepɨwakumaweriya Kakaɨyari niukametemama memɨyuxatakai meta 'iyari mɨka'itiya mɨwanɨkai.

Keremiyaxi 49:11

Nutuite 'ahetsɨa miemete keniwaruku'eiri, ne watukari nepɨ'ɨwiyani. Meta wiuraxi nehetsie meketewiyani».

'Utseyaxi 4:12

Neteɨterima kɨye kakaɨyariyari xeikɨa mepayexeiya, mɨkɨ kuta kɨye tiwaku'eiya, mepɨkayumaiwawe hipame 'ukarawetsixi wahamatɨa mehitɨwetɨ xeikɨa mepauyexɨrie, yukakaɨyari mepuku'eiri mɨyameyɨatɨ.

'Utseyaxi 13:2

Hikɨ yaxeikɨa 'axapɨtiyuriene, mɨkɨ katiniyuwewirieka kemɨtiyukɨhɨawe, kakaɨyarixi pɨratakɨ pɨtiwawewie, kakaɨyarixi memɨkwaniyarietɨka, mamakɨ memɨwewiyatɨka. Wahepaɨtsita meputiyuane: «Teɨteri mepɨtewamawirie meta mepɨwati'itsewe tsikerutsixi wahepaɨ me'aneneme».

Kunatsi 2:10

Hikɨ Yawé ketsɨ 'amɨpa katiniuta'aitɨani Kunatsi mɨhayanikɨ hatetsita paitɨ.