'Utseyaxi 13:9 - Kakaɨyari Niukieya

⁹ »'Ixaheri nepɨmatsika'una, kemɨ'ane mɨmatsiparewie pemaye'uniekɨ.

'Utseyaxi 13:9 ပူးပေါင်းရင်းမြစ်များ

Keremiyaxi 2:17

Mɨpaɨ pekatinanuyemieni 'akakaɨyari Yawé pemuku'eirikɨ, mɨmatsi'uwitɨximekai 'ahuyeta.

Keremiyaxi 2:19

'Axakepemɨtiuyuri mɨkɨ 'ahetsie pɨrahɨani, heitserie yapemɨkatikatɨakɨ pepe'atimani. Keneutimaixɨa ke'axamɨ'ane meta kemɨtiuka'eniexɨani xɨka Yawé 'akakaɨyari 'uku'eirieni meta xɨka pekanetsi'ayemakatɨ pe'ayani —Ti'aitame mɨpaɨ kanaineni, Yawé Naimekɨmɨtɨrɨkaɨye—.

Hutarieka 'inɨari 33:26

»Xewitɨ pumawe Ketsuruni Kakaɨyarieya hepaɨ 'aixɨa tiuka'iyaritɨ, xeparewienike muyuawitsie pakaneika, haitsata, waɨkawa mariwetɨ.

'Utseyaxi 14:1

'Ixaheri, kenenua Yawé 'akakaɨyari hetsɨa. Ke'axapemɨtiyuriene mɨkɨ pɨmatsihekahɨpa.

Keremiyaxi 5:25

Ke'axaxemɨte'uyuri xeme naime 'ikɨ pɨtixe'unawairi, 'axamɨti'ane xemɨtehexeiya pɨxekunamirie ke'aixɨa xemɨ'itɨariekakeyu.

Marakiyaxi 1:9

»Hikɨri xekeneutawawiri Kakaɨyari mɨtatsitinenimayatakɨ. ¿Kamɨtsɨ mɨkɨ mawari mɨyamɨ'anenekɨ xetanaki'erienike xete'erie? —mɨpaɨ kanaineni Yawé Naimekɨmɨtɨrɨkaɨye—.

'Utseyaxi 13:4

«Peru ne Yawé 'akakaɨyari nekanihɨkɨtɨni, 'Ekipitu paitɨ pe'uyeikakaku. 'Ayumieme tawarita xeime Kakaɨyari pepɨkahetimani ne xeikɨa, nixeime 'awikweitsitɨwame pepɨkakaxeiya ne xeikɨa.

Kitsariyaxi 3:11

Xɨa'ui 'axamɨtiuka'iyari, matsi 'aixɨa 'anemekɨ pɨkayeyani. Ti'uximayatɨ kemɨtiuyuri yakatinipitɨariemɨkɨ.

Kitsariyaxi 3:9

Kememɨteyurie yuhɨxie paitɨ mepumatsiɨkɨ meta ke'axamemɨteyuriekɨ mekaniyutemamawieka Tsurumatari wahepaɨ, kememɨteyurie naime mepɨtewaxeitsitɨa. Xɨa'ui mɨkɨ wahetsiemieme, yɨkɨmana 'axa'anekɨa memeuyukaxɨrɨwakɨ.

Temaiwawemete 8:36

Kemɨ'ane mɨkanetsitanaki'erieni, mɨkɨ yɨkɨmana kaniyutsewiximamɨkɨ, kemɨ'ane mɨnetsitixani'erieni, mɨkɨ mɨɨya pɨta kaninaki'erieka».

Temaiwawemete 6:32

Peru matsi kemɨ'ane xeime 'ɨyaya meta kɨnaya mukumaɨwa, pɨkaheitimaitɨyeika, kemɨ'ane mɨpaɨ mɨtiuka'iyari yɨkɨmana kaniyukamiemɨkɨ.

Nɨawari 146:5

'Aixɨa kani'itɨarieka kemɨ'ane Kakuwu kakaɨyarieya miparewie, meta kemɨ'ane Yawé mɨtakwewie yukakaɨyari,

Nɨawari 46:1

Kakaɨyari tahetsie nunuwame kanihɨkɨtɨni, hetsiena temɨta'awieta, yuheyemekɨ tatsiparewiwame kepauka temu'uximatɨarie.

Nɨawari 33:20

Yemekɨ 'aixɨa 'iyari Yawé hetsie tetewiyatɨ tepɨtetakwewie, mɨkɨ tatsiparewiwame pɨhɨkɨ meta tahetsie nunuwame.

Hutarieka 'inɨari 33:29

'Ixaheritsixi, xekeneyutemamawieka yutukarikɨ. ¿Tawari kemɨ'ane 'aku xehepaɨ, mepɨwikweitsitɨarie Yawé hetsie? Mɨkɨ 'ahetsie nunuwame pɨhɨkɨ meta metsiparewiwame, mɨkɨ xe'ixipara pɨhɨkɨ kɨmana xemɨtehayu'iwa. Memɨxekwitɨwe xehɨxie mepɨtitunuma'uni, wawari, hetsiena xema'uwe pakɨne».

Keremiyaxi 4:18

Kepemɨtiuka'iyari kepemɨtiyuriene 'ayumieme 'ikɨ mɨya pepɨranuyemie. 'Ikɨ 'a'uximatɨarika kanihɨkɨtɨni. Kwinimieme pɨratsiwi. Pɨmatikwinitɨa 'a'iyaritsie».

Marakiyaxi 1:12

Peru xeme nekapatsiekame xepɨnetsi'ayeitɨwa kepauka mɨpaɨ xemɨtiyuane kename nemexa ka'itiya meta kename ne'ikwai 'axa'anene.

Marakiyaxi 1:13

Meta mɨpaɨ xeputiyuane: “Tepu'u'uxeri”. Meta xepɨnetsi'uxie —mɨpaɨ kanaineni Yawé Naimekɨmɨtɨrɨkaɨye—. ¿Kamɨtsɨ xeme newatanaki'erienike xete'erie tewaxi 'inawari, memɨ'ɨkatetutuni meta memɨtekukuye xemɨnetsi'atɨiriwa mawari memayanikɨ? —mɨpaɨ kanaineni Yawé—.

2 Kemɨtiuyɨ 28:23

Mawari katiniwayetuirieni kakaɨyarixi Ramatsiku miemete meme'iwakai, mɨpaɨ tiu'erieka: «Kakaɨyarixi Tsiriya miemete kememɨtewaparewie teyu'aitɨwamete, neta mekaneniparewikuni xɨka netiwarutimawirieni». Peru mɨkɨ kakaɨyarixi mekanika'una meta naime 'Ixaheri kwieyari.

'Utseyaxi 7:14

Yu'iyarikɨ mepɨkanetsihahɨawe, yu'utatsie xeikɨa mekaheitɨ meputitsuana. Yu'iku mekuwaunike meta yuwinu 'axa'anekɨa mekanekɨkani nehepaɨtsita meheuniutɨ menakɨkani.

'Utseyaxi 7:15

Ne'aixɨa nepɨtiwaru'ɨkitɨa meta wamamate neputitɨrɨkariyaxɨ, peru mɨkɨ 'axa xeikɨa mepɨteku'eriwakai nehepaɨtsita.