'Utseyaxi 13:2 - Kakaɨyari Niukieya

² Hikɨ yaxeikɨa 'axapɨtiyuriene, mɨkɨ katiniyuwewirieka kemɨtiyukɨhɨawe, kakaɨyarixi pɨratakɨ pɨtiwawewie, kakaɨyarixi memɨkwaniyarietɨka, mamakɨ memɨwewiyatɨka. Wahepaɨtsita meputiyuane: «Teɨteri mepɨtewamawirie meta mepɨwati'itsewe tsikerutsixi wahepaɨ me'aneneme».

'Utseyaxi 13:2 ပူးပေါင်းရင်းမြစ်များ

'Utseyaxi 2:8

Mɨkɨ mɨpaɨ pɨkaretimaiwe kename ne nehɨkɨ nemɨtimikwa, kaxie winuyari mɨhekwa meta hatseiti nemɨtiyetuirie. Ne waɨkawa nepɨtimɨiririe pɨrata meta huru, ¿ketiuyuri kɨmana? Memɨkayuri kakaɨyarixi pɨwarutiwewi.

Kitsariyaxi 46:6

Hipatɨ huru yukɨtsiurita mieme mepɨxɨtɨa meta pɨrata ti'inɨnɨatametsie mepɨku'inɨnɨata, xeimeta tiwewiwame meputa'iniwa kakaɨyaritɨme mɨwatawewirienikɨ, mɨkɨ kakaɨyaritɨme hɨxie panakatutsita 'itahɨaweke.

1 Te'aitamete 19:18

Matsi, ne nepɨwa'ɨwiyani 'atahuta miriyari 'ixaheritsixi memɨkakatunuma'uiwawe Wahari hɨxie meta memɨka'i'itsiwawe.

Keremiyaxi 10:4

Hurukɨ meta pɨratakɨ witsi'aneme mepayeitɨwa, kɨrapuxikɨ menikutseiriyani meta titsunamekɨ mɨkawatayuanenikɨ.

Xumatari 11:4

¿Peru Kakaɨyari ketita'ei? Mɨpaɨ pɨtita'ei: «Nehetsiemieme 'atahuta miriyari nepuwatiyatsa teɨteri, memɨkakatunuma'uiwawe Wahari hɨxie».

2 Timuteu 3:13

Matsi teɨteri 'axamemɨteyuriku memɨteyukwamana, waɨkawa 'axame'anenetɨ mepakɨnirɨmeni mete'irɨmatɨ mete'irɨwiyarietɨ meta.

Xumatari 2:5

'Ekɨtsɨ 'a'iyari mɨtse'ikɨ pemɨka'awaɨriyakɨ pemɨtihayewanikɨ kepemɨtiyuriene, 'ahetsiemieme haxɨa pepu'utane, 'iya tukaritsieke kepauka pemɨyehekarienitsie, kepauka matsiɨkɨtɨ mayani heitseriemekɨ kemɨtiwaranutaxɨrɨwa Kakaɨyari.

'Utseyaxi 11:6

Xekiekaritetsie 'ixipara me'u'ɨtɨ mekani'axɨakuni, xekitenie mepɨteheuwitexɨani kememɨteku'eriwakai mepɨkaheye'atɨani.

'Utseyaxi 10:1

'Ixaheri Kaxie takari waɨkawa meukatei hepaɨ pɨ'anekai putixuxuawerekai witsi'anenetɨ kayunewierinɨatɨ. Peru kepauka matsi waɨkawa mutixuxuawerekai, matsi waɨkawa mawari taiyamete mepɨtiwewiwakai, kepauka wakwiepa waɨkawa mɨtiutixuaweriyakai, waɨkawa matsi tetexi patsietɨkaime witsi'anenekame mepɨtiwewiwakai.

'Utseyaxi 8:6

Neuxei keneu'ena 'Ixaheri: Mɨkɨ tsikeru Kakaɨyari pɨkahɨkɨ, mɨkɨ tewi pɨwewiyaya. Mɨkɨ tsikeru Tsamariya mieme kanitatarariemɨkɨ.

'Utseyaxi 8:4

Yɨkɨmana mepɨwaranuka'uitɨwa te'aitamete ne yanekahainekaku, hipame 'itsɨkate mepɨwaranuka'uitɨwa nemɨkawamate. Pɨratakɨ meta hurukɨ yukakaɨyarixi memɨwatiwewiwa para mɨkɨkɨ memuyuka'unakɨ.

Kitsariyaxi 46:8

»Xemɨkateheuyu'enie, 'ikɨ xekena'eriwani, xekeneutimaixɨa, yumu'utsie xekeneye'ɨnani.

Kitsariyaxi 45:20

»Xekeneuyukuxeɨri xemeyuta'unaxɨa nuiwarite watsata, xekeneuyukuxeɨri, xekenakɨni. 'Atsimemɨkatemate mekanihɨkɨtɨni kemɨ'ane kɨye kakaɨyarixiyari memɨwarɨ'ɨ, meta kakaɨyarixi wahɨxie memuyunenewixime memɨkateyuwikweitsitɨwa.

Kitsariyaxi 30:1

Yawé mɨpaɨ kaniutayɨni: «Xɨa'ui tɨɨri memɨkaheu'enana kememɨteyurienikɨ memɨtekuxata nehetsɨa mɨkatimiemekɨ, ne'iyari kemɨkatinake memɨtekuxata, 'axamɨti'ane waɨkawa memukuxeɨrie,

Kitsariyaxi 1:5

¿Ketitayari tawarita xetetiweiwani? ¿Ketitayari xete'iyeweiyani xe'eye'unietɨ? Naitɨri'amu'u kaniweiyaka, naitɨri 'a'iyari katinikuyeni.

Nɨawari 2:12

Yaxeketenekahuni, kapa 'uyeha'anikɨ kapa xe'ukwinikɨ huyeta, mɨkɨ yapauka kaniuyeha'arɨweni. 'Aixɨa meke'itɨarieka kemɨ'ane memɨyu'awieta hetsɨana.

2 Kemɨtiuyɨ 33:23

Peru, yu'ukiyari Manatsexi hepaɨ pɨka'uyɨ, Yawé hetsɨa pɨkayuyetua, matsi waɨkawa 'axapɨtiyurienekai xeikɨa.

2 Kemɨtiuyɨ 28:13

mɨpaɨ mekateniwarutahɨawe: —Pɨretsutsixi xemɨwaruhapaxime 'ena xepɨkawa'atɨwani, mɨkɨkɨ Yawé tame tahetsie pɨrahɨani. ¿Kamɨtsɨ xete'imɨiriyaku tita 'axatemɨte'uyuri? 'Ari pɨmɨire tita 'axatemɨte'uyuri, 'ari Yawé puyeha'a 'Ixaheri hetsiemieme.

1 Tsamuheri 10:1

Hikɨ Tsamuheri puteyu hatseiti witsimu'ɨa mayema watihanaka Tsahuri mu'uyatsie kanikawirieni. Meta kani'itseni mɨpaɨ katinitahɨawe: —Yawé kaniyɨaneni mɨmatiukawiri teɨterimama tiwa'aitɨwame pemayanikɨ.

'Inɨatsie 32:14

»Xemeta hikɨ 'axateyuruwamete, yaxeikɨa xekateniyurikuni xepaapama wahepaɨ Yawé haxɨaya tawarita xekaninɨitɨakuni 'ixaheritsixi wahetsiemieme.

Keremiyaxi 10:8

Yunaitɨ mepɨka'u'iyari 'axamemɨteyurienikɨ xeikɨa pɨwanake, kɨyexi kakaɨyarixiyari 'ɨxatsitamete mepɨhɨkɨ wahetsiemieme.

'Utseyaxi 4:17

'Epɨrahini memɨkayuri kakaɨyarixi pɨwarutinɨi, tsepatsɨ wahamatɨa mɨtiuyuhayewaxɨ.

'Utseyaxi 8:5

Tsamariya kiekatari tsikeru kakaɨyariyari xemayexeiya xekeneuku'eiri. Xehetsiemieme ne nepuyeha'a. 'Atsitake kepauka xeyu'itietɨ xemakɨne.

'Utseyaxi 10:5

Tsamariyatari waɨkawa mekanimamaka tsikeru Weti-'Aweni kakaɨyariyari memayexeiyakɨ. Tsikeru teteyari memayexeiya waɨkawa mepɨyutihiwerieni, yaxeikɨata mawari wewiwamete memɨwarayexeiya kakaɨyarixi. Waɨkawa meyuhiwerietɨ mepɨtihiwa mɨmariwekaikɨ, wakakaɨyari xeime kwieyaritsie manutɨkienikɨ.

'Utseyaxi 14:3

'Atsiriya pɨkatatsitawikweitsitɨani, kawayutsixi kuyaxa miemete wahetsie tepɨka'anutiyaxe. Tawariri tepɨka'itaterɨwani “'ekɨ takakaɨyari pepɨhɨkɨ” tixaɨtɨ tamamakɨ tiwewiyakame tepɨkate'ayexeiya, 'ahetsie nutui pikaxeiya kepemɨti'akanenimaya».

Kitsariyaxi 44:11

Kemɨ'ane memeyexeiya mɨkɨ mekaniyutewiyatsitɨakuni, tewewiwamete teɨteri xeikɨa mepɨhɨkɨ. Yunaitɨ mɨkɨ nehetsɨa mekeye'axɨani, memamatɨ meta meyutetewiyatɨ yunaitɨ mɨkɨ mekaniyuhayewakuni.

Keremiyaxi 8:5

¿Titayari kamɨtsɨ 'ikɨ teɨteri humete'uyunixɨ? ¿Titayari Kerutsareme 'uyupataka katiyuwaɨriya munuanikɨ tawari? 'Itarika mepɨkataunie, meta mepɨkayuwaɨriya nehetsɨa memɨ'axɨanikɨ.

'Utseyaxi 11:2

Kepauka matsi waɨkawa nemehɨawekai, matsi humapai kaniumiekaitɨni. Mawari taiyariyari pɨwamawirienekai memɨkayuri kakaɨyarixi, 'ɨkwa pɨwatairienekai.