'Utseyaxi 13:1 - Kakaɨyari Niukieya

¹ 'Epɨrahini pɨmariwekai 'ixaheritsixi wahɨxie. Kepauka mɨtikuxatakai teɨteri mepɨmamakai me'i'enietɨ. Peru mɨkɨ Wahari hayexeiyatɨ patɨa, 'ayumieme 'axamɨti'anekɨ kaniumɨni.

'Utseyaxi 13:1 ပူးပေါင်းရင်းမြစ်များ

'Utseyaxi 11:2

Kepauka matsi waɨkawa nemehɨawekai, matsi humapai kaniumiekaitɨni. Mawari taiyariyari pɨwamawirienekai memɨkayuri kakaɨyarixi, 'ɨkwa pɨwatairienekai.

Rukaxi 14:11

Yunaitɨ yuxaɨta mariweme memayuyeitɨwa tixaɨtɨ mekatehɨkɨtɨtɨ mekanayeitɨariekuni, peru kemɨ'ane tixaɨtɨ katihɨkɨtɨme mayuyeitɨwa mɨkɨ mariweme kanayeitɨariemɨkɨ.

Temaiwawemete 18:12

Muyuta'ɨre yukɨmana kaniyutaxɨtɨamɨkɨ, kemɨ'ane tixaɨtɨ mɨkarayuyeitɨa 'aixɨa tixeiyarietɨ kanayeitɨariemɨkɨ.

1 Te'aitamete 12:25

Keruwuhani Tsikeni kiekariyari 'aixɨa kaniuyurieni 'Epɨrahini hɨriyaritsie mukumakai, hikɨ mana kaniuyuhayewa. 'Arike Tsikeni 'uku'eirieka, Peniheri kiekariyari 'aixɨa kaniuyurieni.

1 Tsamuheri 15:17

Hikɨ Tsamuheri mɨpaɨ katinitahɨawe: —Kaniyuritɨni tsepanetɨ 'ekɨ tixaɨtɨ pemɨkati'a'eriekai, 'ekɨ hikɨ 'ixaheritsixi tiwa'aitɨwame pekanihɨkɨtɨni. Yawé katiniuyurieni mɨmatsi'anayexei 'Ixaheri kwieyaritsie ti'aitame pemayanikɨ.

'Itsɨkate 12:1

Teɨteri 'Epɨrahini kiekatari mekaniuyukuha'aritɨani, hapa me'anukɨneka Tsapuni paitɨ Ketexi mɨpaɨ mekateniutahɨawe: ―¿Titayari 'amunitsixi petiwarutakwi pekatatsi'u'enieka 'ahamatɨa temuhukai? Hikɨ 'akii, tekanitataiyakuni, muwa paitɨ pe'ayekaime.

'Itsɨkate 8:1

'Epɨrahini xiɨyarimama Kerehuni mɨpaɨ mekateniutahɨawe: ―¿Titayari mɨya petatiyuriene? ¿Titayari pekatatiuta'ini kepauka pemetɨa mariyanitsixi pewaretakwinike? Mekanitatieni yu'iyarikɨ.

Kutsuhexi 3:7

Hikɨ Yawé Kutsuhexi mɨpaɨ katiniutahɨawe: «Hikɨ mɨtiyehane mariweme nepɨmatsi'ayeitɨani 'ixaheritsixi wahɨxie. Mɨpaɨ memɨtehetimanikɨ kename 'ahamatɨa ne'uyeika Muitsexi hamatɨa kenemɨtiuyeikakai hepaɨ.

'Inɨatsie 13:16

Mɨpaɨ mekatenitetewakaitɨni memanuyetei Muitsexi mɨwarenɨ'a kwie memɨxeiyayukɨ. ('Utseyaxi mɨtitewakai Nuni nu'aya, Muitsexi kanipata Kutsuhexi pɨta katiniterɨwa).

'Inɨatsie 13:8

'Utseyaxi, Nuni nu'aya, 'Epɨrahini nuiwarimama memɨhɨkɨ,

'Inɨatsie 10:22

Mɨkɨta wa'utɨma mekanekɨne 'Epɨrahini teɨterimama yupatera me'akwetɨ. Mɨkɨ 'Eritsama 'Amihuri nu'aya kaniwarawitɨkɨkaitɨni.

Tsutɨarika 2:17

Peru mɨkɨ 'iteɨri xeikɨa, tewi xɨka 'itikwani 'ikwaxiyari mɨkɨ tewi pɨretimani tita 'aixɨa mɨti'ane tita 'axamɨti'ane, mɨkɨ 'iteɨri 'ikwaxiyari pepɨkakwaka. Mexɨka pe'itikwani, 'ana pepɨmɨni».

2 Kurinitutari 5:14

Kɨritsitu mɨtatsinaki'eriekɨ, 'ayumieme tinakemekɨ tepɨyɨa, tepɨkayɨwawe yɨkɨ temɨteyuriekakɨ. Mɨpaɨ matsi tepɨtehetima, xewitɨ yunaime wahetsiemieme kaniumɨni, 'ayumieme yunaitɨ mepukwi.

Xumatari 5:12

Merikɨtsɨ tita 'axamɨti'ane katiniuneni kwiepa tewi mɨyuxewikai 'axamɨtiuyurikɨ, 'axamɨtiuyurikɨ kaniumɨni, mɨpaɨrita 'ayumieme yunaitɨ teɨteri mekwi'itɨ mekanakɨne, yunaitɨ 'axamemɨte'uyurikɨ.

Kitsariyaxi 66:2

Netɨrɨkariya katiniuyurieni naime 'ikɨ mɨtiutawewi: mɨpaɨ tiɨyɨku 'ayumieme katiniuneni ―Yawé mɨpaɨ kanaineni―. »Ne nepuwaxeiya tixaɨtɨ memɨkateheuxeiya meta yu'iyaritsie memɨte'uka'eniwa, kemɨ'ane neniuki memayemakaxe.

Kuwi 29:21

»Teɨteri mepɨnetsi'eniwakai neniuki metakwewietɨ kayuwatɨ metetetɨ me'enukwewienike, kayuwatɨ me'umatɨ ne'ɨxatsi mepuka'ɨnakai.

Kuwi 29:22

Ne kepauka nemɨtiutaxaxatakai, xewitɨ 'axapɨka'utainekai nehepaɨtsita, neniuki wanakata pɨtikunanakekai.

'Utseyaxi 2:8

Mɨkɨ mɨpaɨ pɨkaretimaiwe kename ne nehɨkɨ nemɨtimikwa, kaxie winuyari mɨhekwa meta hatseiti nemɨtiyetuirie. Ne waɨkawa nepɨtimɨiririe pɨrata meta huru, ¿ketiuyuri kɨmana? Memɨkayuri kakaɨyarixi pɨwarutiwewi.

'Utseyaxi 8:4

Yɨkɨmana mepɨwaranuka'uitɨwa te'aitamete ne yanekahainekaku, hipame 'itsɨkate mepɨwaranuka'uitɨwa nemɨkawamate. Pɨratakɨ meta hurukɨ yukakaɨyarixi memɨwatiwewiwa para mɨkɨkɨ memuyuka'unakɨ.

Kitsariyaxi 7:8

Ramatsiku, Tsiriya kanimu'uyatɨni, meta Xetsini, Ramatsiku kanimu'uyatɨni, matsi haika tewiyari heimana 'auxɨwi wiyari 'anuyeyayu 'Epɨrahini kanika'unariemɨkɨ yuheyemekɨ kanikumawerimɨkɨ.

'Utseyaxi 2:10

Nepitewiyatsitɨani mɨirikɨa tuxexerimama me'ixeiyakaku, nixewitɨ pɨkayɨweni hetsiena mutanuani.