'Utseyaxi 11:3 - Kakaɨyari Niukieya

³ Ne 'Epɨrahini muyeiwenikɨ nepɨtiti'ɨkitɨa, ne mamayatsie nemɨkawiekai nepɨhɨkɨ. Peru mɨkɨ pɨkanetsihetima kename ne 'aixɨa reu'eriekame neheyeitɨwakai kepauka mɨtikuyeni.

'Utseyaxi 11:3 ပူးပေါင်းရင်းမြစ်များ

Keremiyaxi 30:17

Peru ne nekamenimanetsikitɨamɨkɨ meta kepemɨtiukwinitɨarie nekani'uayemamɨkɨ —Yawé mɨpaɨ kanaineni— pemehɨiya pemɨtiuterɨwaruwakaikɨ, Tsiyuni tixaɨtɨ mɨkarexeiya, xewitɨ mɨkahe'eriwakɨ”.

Hutarieka 'inɨari 1:31

meta makumawetsie. Meta huyeta xemuhukaitsie, meta kemɨtixe'atɨa 'ena paitɨ, xeme xekatenimaika Yawé takakaɨyari kemɨtixe'utɨxime, tewi yuniwe muyurie hepaɨ”.

Memeyekɨ 15:26

Mɨpaɨ katiniwarutahɨawe: «Netsɨ Yawé xekakaɨyari nekanihɨkɨtɨni. Xɨka neniuki xe'enietɨ yaxetekahuni heitseriemekɨ, xɨka 'inɨari niukiyaritsie yaxetekahuni kemɨreuyewetse meta ne'aitsikatsie, ne hatsuaku kwiniya nepɨkahanɨ'ani xehetsie, 'ekipitutsie kenemɨtiuyuri. Netsɨ Yawé nekanihɨkɨtɨni, hatsuaku kwiniya xehetsie pɨkatinake».

'Utseyaxi 7:15

Ne'aixɨa nepɨtiwaru'ɨkitɨa meta wamamate neputitɨrɨkariyaxɨ, peru mɨkɨ 'axa xeikɨa mepɨteku'eriwakai nehepaɨtsita.

Nɨ'ariekate 13:18

Huta tewiyari wiyari yakɨtɨtɨ katiniwamikwakaitɨni makumawetsie me'u'uwakaku.

'Utseyaxi 14:4

«Ne ke'axamemɨte'uyuri 'aixɨa nepɨwayurieni nepɨwanaki'erieka 'aixɨa 'anemekɨ, kenemɨtiha'akai wahetsiemieme nepɨtiuhayewaxɨ.

'Utseyaxi 7:1

ne kepauka 'Ixaheri nemu'uayema, 'Epɨrahini meta Tsamariya ke'axamemɨteyuriekai waɨkawa mɨkɨ naitɨ pɨtihekɨare. Mɨkɨ mepɨtewa'itaiyakai, kepauka mɨtinawarienekaitsie kiita, yumɨiretɨ kaye'utɨma mepɨtenawatɨwe.

'Utseyaxi 2:8

Mɨkɨ mɨpaɨ pɨkaretimaiwe kename ne nehɨkɨ nemɨtimikwa, kaxie winuyari mɨhekwa meta hatseiti nemɨtiyetuirie. Ne waɨkawa nepɨtimɨiririe pɨrata meta huru, ¿ketiuyuri kɨmana? Memɨkayuri kakaɨyarixi pɨwarutiwewi.

Kitsariyaxi 63:9

naime kememɨte'uka'eniwakaikɨ. Mɨkɨtɨtɨ puwarutawikweitsitɨa, xeime pɨkaheyenɨ'a meta nixeime niuki tuayame. Yunaki'eriyakɨ meta yunenimayatsikakɨ kaniwarutawikweitsitɨani, kaniwaranukutɨkɨ, kaniwaretɨkɨ yumamatetsie meripaitɨ hepaɨ.

Kitsariyaxi 46:3

«Kakuwu tɨɨriyamama, xeneneu'eni, 'Ixaheri niwemama yunaitɨ kexemɨyupaɨme, huriepapaitɨ xeyeteme nemɨxe'utitɨkixɨ, meta warɨitsie nemɨxe'utiwaweriyaxɨ.

Kitsariyaxi 30:26

Kepauka Yawé yuteɨterima wa'umete manaku'eimaxɨanitsie meta muwa'uayemanitsie mɨtiwarukwinitɨakai, 'ana metsa tau hepaɨ tixawatɨtɨ kanayeimɨkɨ, meta tau xawatɨriyaya 'atahutamexɨa tawarita xawatɨtɨ kanayeimɨkɨ, tau 'axeikɨa 'atahutatɨ mɨkɨxeni hepaɨ.

Memeyekɨ 23:25

»Nenewieri kenepitɨaka Yawé 'akakaɨyari, mɨkɨ 'aixɨa piyurieni 'a'ikwai meta 'ahaa. »Ne naime kwiniya xehetsie nepɨkapitɨani.

Keremiyaxi 8:22

¿Kamɨtsɨ Karaha tiumaweri waritsamu? ¿Kamɨtsɨ manari tiumawe tiyu'uayemawame? ¿Titayari neteɨterima 'aixɨa mekateka'eriwawe?

Kitsariyaxi 1:2

Muyuawi, xekeneu'enana. Kwie, meta keneu'ena. Yawé mɨpaɨ kanaineni: «Ne tɨɨri nekaniwarutiwaweriya 'ameyumateme nekaniwarayeitɨani, peru mɨkɨ menetsi'aye'unietɨ mekanakɨne.

Hutarieka 'inɨari 8:2

Xekena'eriwani huta tewiyari wiyari Yawé xekakaɨyari mɨxe'uwitɨximekai huyeta tukarikɨ meta tɨkarikɨ makumawetsie, puxetiuka'enitsitɨa mana waɨkawa pɨxe'uta'inɨataxɨ yamɨretimanikɨ tita yu'iyaritsie xemɨtehexeiya, meta yamɨretimanikɨ xɨka 'aitsikaya xe'eye'atɨaka yatɨ hawaikɨ.

Memeyekɨ 19:4

“Xeme xemunenierixɨ xepɨhɨkɨ kenemɨtiuyuri 'Ekipitu, meta nehetsɨa kenemɨtixe'atɨa werika 'anayatsie xe'atetɨ xemu'axɨani hepaɨ.

Nɨawari 107:20

Yuniuki kanenɨ'ani 'aixɨa meteheu'eriekame mɨwarayeitɨanikɨ, mɨkɨ mɨpaɨ katiniwarutawikweitsitɨani teukiyapa.

Hutarieka 'inɨari 33:27

Kakaɨyari yuheyemekɨ 'amuyeika 'ahetsie pununuwame, yuheyemekɨ pɨmatsi'atu'u. Memɨmatsi'aye'unie 'ahɨxie pɨwataweiya. Pɨmatsita'aitɨani pemɨwareuyehɨanikɨ.