'Utseyaxi 11:2 - Kakaɨyari Niukieya

² Kepauka matsi waɨkawa nemehɨawekai, matsi humapai kaniumiekaitɨni. Mawari taiyariyari pɨwamawirienekai memɨkayuri kakaɨyarixi, 'ɨkwa pɨwatairienekai.

'Utseyaxi 11:2 ပူးပေါင်းရင်းမြစ်များ

'Utseyaxi 2:13

Nepɨtikwinitɨani mɨkɨ tukaritsie hipame kakaɨyarixi mɨtiwarutimawiriwakaikɨ, kepauka witsitiyukukemaritɨwatɨ nakɨtsatekɨ meta kukakɨ ne kanetsiha'eriwatɨ, yutuxexerima wa'utɨma xeikɨa peyeikakai —Yawé mɨpaɨ kanaineni—.

Keremiyaxi 18:15

Peru neuxei, neteɨterima mepɨnetsihatɨmai, hipame kakaɨyarixi tixaɨtɨ memɨkateyunaki'erie 'ɨkwa mepuwatairietɨwe. Yuhuyeta mepekaxɨri, huye meripaitɨ mieme 'utɨa, hipame huyetsie memu'uwanikɨ meta muka'uyeyɨkɨtsie.

Kitsariyaxi 65:7

xeme 'axakexemɨte'uyuri hetsiemieme meta xepaapama kememɨte'uyuri ―Yawé mɨpaɨ kanaineni―. Mɨkɨta 'ɨkwa witsimu'ɨa mekaniutitaiya hɨritsie, meta hɨri 'amanutitɨtɨtsie 'axamepɨnete'utama, nekatiniwakwinitɨamɨkɨ wawaiyaritsie meripaitɨ 'axamemɨte'uyurikɨ».

'Utseyaxi 11:7

Neteɨterima mepuyuwaɨriya memɨkanetsinaki'eriekakɨ kenemɨtitewa, 'ayumieme tsepa memɨnetsihahɨawe ne nepɨkawaparewieni.

Nɨ'ariekate 7:51

»Xeme xekɨipi pɨtsetse'i, yu'iyaritsie yunakata xepɨka'inɨaritɨariewawe Kakaɨyari 'inɨarieyakɨ, xeme yuheyemekɨ xepeye'unie 'Iyari Mɨtiyupata yututsima wahepaɨ.

Wani 3:19

'Ipaɨ katiniwaranutaxɨrɨwani 'itsɨkame: Hekɨariya kwiepa kaninuaniri, teɨteri yɨriya mekaninaki'eriekaitɨni, hekɨariya mekanaki'erietɨ, 'axamemɨteyuriekaikɨ.

Rukaxi 13:34

»Kerutsareme, Kerutsareme 'aku, 'ahetsɨa kiekatari mekaniwatakukuyani Kakaɨyari niukametemama meta mekaniwatituaxani Kakaɨyari nɨ'arimama 'ahetsɨa memɨ'axe. Mɨixa nepɨnewaɨriyakai nemɨwakuxeɨrienikɨ 'atɨriyama, wakana yuniwema kemɨtiwakuxexeɨriwa yu'anatɨa hepaɨ, peru mepɨkayuwaɨri.

Tsakariyaxi 7:11

»Peru mɨkɨ mepɨka'uyuwaɨri mɨpaɨ memɨtekakɨnekɨ. Me'i'inɨatatɨwetɨ mekanawaritaxɨani meta mepeuyukanaxɨa yunakata.

Keremiyaxi 35:13

«Mɨpaɨ kanaineni Yawé Naimekɨmɨtɨrɨkaɨye, 'Ixaheri Kakaɨyarieya: “Kenemie yunaime teɨteri Kura meta Kerutsareme kiekatari mɨpaɨ ketiniwaretahɨawi: 'Ikɨkɨ mɨpaɨ xeketenetimati meta ne'aitsika xekenaye'atɨa —Yawé mɨpaɨ kanaineni—.

Nehemiyaxi 9:30

»Mɨixa wiyari pepɨwanewiekai, 'a'iyarikɨ pepɨwaraye'eritɨwakai 'aniukamete yame'utiyuanekaku, peru mɨkɨ mepɨka'u'enana. 'Ayumieme pepɨwayetua mɨkɨ kwieyaritsie memɨtama wahetsɨa.

1 Te'aitamete 18:19

Hikɨ ketiniwarutaxatɨa teɨteri naitsarie 'Ixaheri kwieyaritsie kiekatari, memeyukuxeɨrienikɨ nehamatɨa Kaximeru hɨriyaritsie paitɨ nauka tsienituyari heimana huta tewiyari heimana tamamata Wahari niukametemama wahamatɨa, meta nauka tsienituyari 'Atserá niukametemama Ketsaweri mexayatsie memutiyaxike.

1 Te'aitamete 12:33

Merikɨte 'aye'aku, tamamata heimana 'auxɨwi tukaritsie 'atahaika metseritsie, Keruwuhani mɨratimawatɨre kaneyani mitawewitsie Weteri kiekariyaritsie, mana 'ɨkwa taiyariyari kaniuwewiweni. Mɨkɨ tukaritsie mepuhɨritɨarie meme'eriwanikɨ yuheyemekɨ 'ixɨarari tukariyari mɨhɨkɨtɨnikɨ 'ixaheritsixi wahetsiemieme.

'Itsɨkate 10:6

Tawarita 'ixaheritsixi Yawé kemɨkatinake mekateniuyurieni, Wahari kakaɨyarixiyari meta 'Atsitaruti 'ɨkiyarite, 'Arami, Tsiruni, Muhawi, 'amunitsixi meta piritsiteutsixi wakakaɨyarixi pɨta mewarayexeiyatɨ mekanakɨne. Mɨpaɨ 'ixaheritsixi Yawé mekateniuku'eirieni,

'Itsɨkate 3:7

'Ixaheritsixi Yawé wakakaɨyari kemɨkatinake mekateniuyurieni, kakaɨyarixi Wahari hetsɨa miemete wahɨxie mekanikatunuma'uwekaitɨni meta 'Atserá hetsɨa miemete.

'Itsɨkate 2:13

Yawé me'uku'eirieka, kakaɨyarixi mekaniwarayexeiyakaitɨni Wahari hetsɨa miemete meta 'Atsitaruti 'ɨkiyarite.

Tsakariyaxi 1:4

»”Xetutsima kememɨ'anenekai wahepaɨ xepɨka'aneneni, mɨpaɨ memɨtewakuxaxatɨwakai Kakaɨyari niukametemama meripai miemetexi, mɨpaɨ kanaineni Yawé Naimekɨmɨtɨrɨkaɨye: ‘'Axaxete'u'iyaritɨ xeketeneuhayewa meta 'axaxeteyurietɨ.’ Merikɨte kenemainekai mɨkɨ yamepɨkatekakɨ meta mepɨkanetsi'u'eni —mɨpaɨ kanaineni Yawé—.

'Utseyaxi 4:13

Hɨrite 'amutitɨtɨtsie meta yemuritetsie mana mawari taiyariyari mepɨtiwewiwa meta 'imikieri, tuaxa kɨyeyaritɨa meta haramu meta xiutɨa. 'Ayumieme waniwema tuminikɨ memuyuwitɨnɨa mepɨhɨkɨ meta wamu'e'ema hipame mepɨwakumaɨwa.

Keremiyaxi 44:5

Peru mɨkɨ mepɨka'anu'enana, mepɨkate'uhayewaxɨ ke'axamemɨteyuriekaikɨ, matsi mepiyeweiyakai hipame kakaɨyarixi 'ɨkwa mewatairietɨwetɨ.

'Utseyaxi 4:17

'Epɨrahini memɨkayuri kakaɨyarixi pɨwarutinɨi, tsepatsɨ wahamatɨa mɨtiuyuhayewaxɨ.