9 «'Ekɨ, 'Ixaheri, 'axapetiyurienetɨ pepumie Kiweya paitɨ mɨtiyukatsutɨatsietɨtɨ, pepɨkatihayewa 'axapetiyurienetɨ. Kiweya kanitamieriemɨkɨ 'axamɨtiuka'iyarikɨ.
Kemɨkatiheitserie xeteyurietɨ 'ari xepakɨ, Kiweya mɨtiuyɨ hepaɨ, Peru Kakaɨyari pɨkaratɨmaiya waɨkawa kexemɨte'uyuri 'uximatɨarika pɨxepitɨani 'axaxemɨte'uyurikɨ.
Tɨkarikɨ teɨteri Kiweya kiekatari kiwarie mepaketɨkɨ, menetsimienike. 'Ana ne'ɨya hamatɨa mekanekahini waɨriyarika meheipitɨaka 'atsita kepaukake memɨ.
Kepauka Yawé 'ɨakariyari witsimu'ɨa mu'ukwixɨ mɨpaɨ katiniuyuhɨawe: «Tsepa teɨteri tɨɨriyari paitɨ 'axamemɨteyurie, tawarita kwie 'axanepɨkayurieni tewi ya'ane wiwiekaku. Metatsiere hatsuakuri nepɨkatiwakwini kwiepa memɨtexɨawe, hikɨ kenemɨtiuyuri.
Hikɨ Yawé nieretɨ teɨteri ke'axa kwinimieme memɨteyuriekai, 'axamɨti'ane hetsie xeikɨa memɨyɨkɨhɨawekaikɨ,
»Kuxineta xekenetahɨtsi Kiweya kiekariyaritsie, Xamatsie paitɨ 'awa kehetahɨtsieni, Weti-'Aweni meta xekenetihiwa xemɨyutakwinikɨ, mɨpaɨ mete'uhiwatɨ: “Wenikamini, kene'a'ɨwiyani 'awarita”.
Watukite 'etsimupepe kaniti'unariemɨkɨ kwiepa mieme, hakewa 'Ixaheri 'axatiyurienetɨ matɨa. Xuya meta tupiriya kanitiwawerimɨkɨ mawari taiyame matiwewiwakaitsie. Hikɨ hɨri mɨpaɨ mekatenitahɨawikuni: «Xeketananukanama», hɨrite 'etsimɨpepe: «Tahetsie keneukaxɨri mɨtatsikwinikɨ».
Kepauka ne yanemɨra'eriwa, nepɨtiwakwinitɨani, 'ana nuiwarite meyukuxeɨrieme mekanitamiekuni, mewaranutaxɨrienike waɨkawari 'axamemɨte'uyurikɨ.