Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




'Utseyaxi 10:8 - Kakaɨyari Niukieya

8 Watukite 'etsimupepe kaniti'unariemɨkɨ kwiepa mieme, hakewa 'Ixaheri 'axatiyurienetɨ matɨa. Xuya meta tupiriya kanitiwawerimɨkɨ mawari taiyame matiwewiwakaitsie. Hikɨ hɨri mɨpaɨ mekatenitahɨawikuni: «Xeketananukanama», hɨrite 'etsimɨpepe: «Tahetsie keneukaxɨri mɨtatsikwinikɨ».

အခန်းကိုကြည့်ပါ။ ကော်ပီ




'Utseyaxi 10:8
32 ပူးပေါင်းရင်းမြစ်များ  

'Anari mekanitsutɨakuni: »“Mɨpaɨ meteniwatahɨawikuni hɨrite: ‘Taheima kenanakaxɨri’, yemurite meta mɨpaɨ meteniwatahɨawikuni: ‘Xeketaneuti'awieta’ ”.


Mɨpaɨ hɨrite meta 'aite mekateniuhiwiwakaitɨni: «Ketananukanama, ketaneuti'awieta mɨkatatsixeiyakɨ kemɨ'ane 'uwenitsie maka Muxa nunutsi mɨkatatsihekanikɨ.


Teɨteri terɨta mekaneutahaxɨakuni, meta kwiepa makutsitsinitsie, Yawé me'ayemakatɨ meta witsikemɨ'anekɨ mariwetɨ, kepauka mɨkɨ manukukenitsie kwie tayuitɨanike.


Tsepa xemuyuta'unaxɨ xemɨka'unarienitsie, 'ekipitutari mepɨxetiwiya, Menipitsi kiekariyaritsie mepɨxekateuku. Witsimɨti'anene xemɨtehexeiya pɨratakɨ, mɨtiwewiyatɨka tupiriyatsata pɨtiyuhayewa, xexamaru xuya penukanani.


Meta mepatixɨrieni yuheyemekɨ 'iya Tsamariya kakaɨyariximama wahetsɨa memɨyuhɨritɨa, meta mɨpaɨ me'utiyuatɨ: “Rani kakaɨyariximama, me'ayeneniereme memɨwa'erie. Meta Weritsewa kakaɨyariximama pemɨwarayexeiya”».


kwie hetsiena neteɨterima memu'uwa hetsiemieme xuya xuawekaku meta 'ɨtsi, naitsarie kiita hakewa temawierika mexuawe meta 'ikɨ kiekari temawierika mexeiya hetsiemieme.


Mɨkɨ tukaritsie teɨteri mepeukwikuni matsi mepɨyutatexieni memɨkwinikɨ, mepɨyuwautɨweni memɨkwinikɨ, peru mɨɨya puyuta'una, wahetsie pumaweni.


Rakixi kiekatari, kawayutsixi kaxetate xekeniwaranawɨtɨiri. Xeme xehetsɨa putsutɨrixɨ Tsiyuni niweya 'axamɨtiyurienikɨ, xeme meri xepɨte'utsutɨa ke'axamɨtiyurienekai 'Ixaheri.


'Ikɨ naitɨ mɨya katiniyɨmɨkɨ Kakuwu nuiwarimama 'axamemɨte'uyurikɨ, 'ixaheritsixi teɨteriyari 'axamemɨte'uyurikɨ. Tsamariya kanihɨkɨtɨni ya'aneme meutiwiwiexɨa 'Ixaheri 'axamɨtiyurienikɨ. Meta Kerutsareme kanihɨkɨtɨni kakaɨyarixi watukite 'etsimupepe mati'ukai hɨri 'amanutitɨtɨtsie Kura kwieyaritsie.


Tsamariyatari waɨkawa mekanimamaka tsikeru Weti-'Aweni kakaɨyariyari memayexeiyakɨ. Tsikeru teteyari memayexeiya waɨkawa mepɨyutihiwerieni, yaxeikɨata mawari wewiwamete memɨwarayexeiya kakaɨyarixi. Waɨkawa meyuhiwerietɨ mepɨtihiwa mɨmariwekaikɨ, wakakaɨyari xeime kwieyaritsie manutɨkienikɨ.


'Iyarieya pɨharuani, peru yɨkɨmana katinayukatuamɨkɨ kemɨtiuyuri. Yawé wamawari taiyamete kaniti'unamɨkɨ meta naime tetexi mɨpatsietɨka memeyexeiyakai.


»Kuxineta xekenetahɨtsi Kiweya kiekariyaritsie, Xamatsie paitɨ 'awa kehetahɨtsieni, Weti-'Aweni meta xekenetihiwa xemɨyutakwinikɨ, mɨpaɨ mete'uhiwatɨ: “Wenikamini, kene'a'ɨwiyani 'awarita”.


»Xɨka 'ekɨ, 'Ixaheri, mɨpaɨ peyɨaneni, Kura hetsie pepɨkarahɨpani. »Kirikari xepɨkaheuhuni Weti-'Aweni tukita xepɨkaheutahakeni, mɨpaɨ xepɨkahaitɨkani xeyɨhɨritɨatɨ: “Yawé 'apuyeika”.


Hɨrite 'amutitɨtɨtsie meta yemuritetsie mana mawari taiyariyari mepɨtiwewiwa meta 'imikieri, tuaxa kɨyeyaritɨa meta haramu meta xiutɨa. 'Ayumieme waniwema tuminikɨ memuyuwitɨnɨa mepɨhɨkɨ meta wamu'e'ema hipame mepɨwakumaɨwa.


Waparatsiyuta xuya pɨtinexɨani, meta wakii 'aixɨa mɨ'aneneta 'ɨtsi pɨtinexɨani. Yawixi memayu'eririya wakii payani meta 'aruxi 'amemɨnene wa'itua.


Kepauka meutiparixɨ 'ixɨarari, yunaitɨ 'ixaheritsixi mana memu'uwakai Kura kiekariteyaritsie mekaniukakɨne tetexi mɨpatsietɨka meta 'uka kakaɨyariyari 'Atserá 'ɨkiyari memɨtitarakɨ. Metatsiere naime mekaniuti'una mawari matiwewiwa meta kakaɨyarixi watuki muxuawekai Kura kwieyaritsie meta Wenikamini, 'Epɨrahini metatsiere Manatsexi kwieyaritsie. 'Arike mɨya mete'uyurieka, mɨkɨ yunaitɨ yukiekaritetsie mekanakunuaxɨani meta yuxexuitɨ yukie.


Metatsiere kanika'una mawari taiyame Weteri muwekai, meta kakaɨyarixi watuki Keruwuhani mitawewiekai Nawati nu'aya, mɨkɨ 'ixaheritsixi 'axameteyuriekame muwarayeitɨa. Meta kanitataiya tuki naxi xeikɨa kanayani, meta 'uka 'Atserá kakaɨyariyari 'ɨkiyari kaniutataiya.


Yawé 'ixaheritsixi kaniwaku'eirimɨkɨ Keruwuhani ke'axamɨtiuyurikɨ meta 'ixaheritsixi 'axameteyuriekame muwarayeitɨakɨ».


Mɨkɨ Keruwuhani mɨyatiyurienekaku yunaitɨ tɨɨriyamama 'axameteyurietɨ mepakɨ, meta mɨkɨ tiuyurieku yunaitɨ mekaniukwini, nixewitɨ pɨka'uyuhayewaxɨ 'ena kwiepa.


tewi Kakaɨyari hetsɨa mieme, Yawé yarehɨawekaku, mɨpaɨ katiniuhiwa karima: «Mawari taiyame, mɨratimawatɨre 'aku. Yawé mɨpaɨ kanaineni: “Rawiri nuiwarieyatsie kanitinuiwamɨkɨ xewitɨ Kutsiyaxi titewatɨ, mɨkɨ 'ahetsie kaniwatimawamɨkɨ 'ikɨ mawari wewiwamete kakaɨyarixi watukita memɨte'uximaya 'ena 'ɨkwa memutitaiya. 'Ahetsie teɨteri wa'umete pɨtitaiyarieni”».


Hikɨ xeme tsikeru kakaɨyariyari xemeitawewiekai, mɨkɨ kakaɨyari muwewiya 'axaxeteyuriekame mɨxe'ayeitɨakai, ne nehenakahanaka taipa nekaneitataiya, 'etsipepeme nekanayeitɨani meta tumuanari nekaneyeitɨani, hikɨ mɨkɨ mɨtɨxiyari 'aki hɨritsie makanena 'utɨa nekaneikawiwieni.


'Uki yɨ'ɨya hamatɨa mekani'enieni Yawé Kakaɨyari harawerita 'uyeikame taikai 'ekatsie, hikɨ mekaniyuti'awieta memɨmamawekaikɨ 'iteɨritsata harawerita.


'Ayumieme ne huyetana nepɨranutanani xuyakɨ, muwa xeikɨa nepiyenaka huye mɨkataxeiyakɨ.


«'Ekɨ, 'Ixaheri, 'axapetiyurienetɨ pepumie Kiweya paitɨ mɨtiyukatsutɨatsietɨtɨ, pepɨkatihayewa 'axapetiyurienetɨ. Kiweya kanitamieriemɨkɨ 'axamɨtiuka'iyarikɨ.


»'Itsahaki kakaɨyarixi mɨtiwaratimawiriwakaitsie naitɨ kaniti'unimɨkɨ, meta kaniti'unimɨkɨ 'ixaheritsixi watukite, nekaninuamɨkɨ 'ixipara nehakwetɨ Keruwuhani paratsiyuyata».


Yaxeikɨata 'ekɨ, Niniwe, pekanititawaimɨkɨ, peka'uka'iyaritɨ pekanayeimɨkɨ Yaxeikɨata 'ekɨ, mɨmatsi'aye'unie pemakatɨ, pekanitiwaumɨkɨ hakewa peme'ati'awieta.


Tetexi terɨyarita kaneutahamɨkɨ meta 'ai mukatatarita, Yawé me'ayemakatɨ meta witsikemɨ'anekɨ mariwetɨ, kepauka mɨkɨ manukukeni kwie mɨwatayuitɨanikɨ.


Tsamariya kiekatari tsikeru kakaɨyariyari xemayexeiya xekeneuku'eiri. Xehetsiemieme ne nepuyeha'a. 'Atsitake kepauka xeyu'itietɨ xemakɨne.


Ramatsiku kiekatari wa'ituparitsie meukuwe nepeumura, mayeweritsie 'Aweni mɨti'aitame nekanika'unamɨkɨ, meta Weti-'Ereni mieme 'itsɨ makwe'e. Tsiriya kiekatari waɨriyarika mepanuhapanieni 'ateewa Kixi paitɨ», Yawé mɨpaɨ kanaineni.


»Kepauka nemɨrekapitɨani 'Ixaheri 'axamɨtiuyurikɨ, nekanika'unamɨkɨ mɨratimawatɨre Weteri, mɨratimawatɨre 'awateya kanakainixɨamɨkɨ, kwiepa kanikaxɨrimɨkɨ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ