'Utseyaxi 10:2 - Kakaɨyari Niukieya

² 'Iyarieya pɨharuani, peru yɨkɨmana katinayukatuamɨkɨ kemɨtiuyuri. Yawé wamawari taiyamete kaniti'unamɨkɨ meta naime tetexi mɨpatsietɨka memeyexeiyakai.

'Utseyaxi 10:2 ပူးပေါင်းရင်းမြစ်များ

Mikeyaxi 5:13

'Akakaɨyarixi nekaniwareutipariyamɨkɨ meta 'atetexi memɨpatsietɨka 'amɨti'u, tawariri hatsuaku wahɨxie pepɨkatitunumakeni 'amamakɨ pemɨtiwawewie wahɨxie.

1 Te'aitamete 18:21

'Eriyaxi mɨkɨ teɨteri wahɨxie kaninuani, mɨpaɨ katiniwarutahɨawe: —¿Kepaukari 'aixɨa xepɨtiyuani xeime hɨkɨame xepanukuweiya? Xɨka Yawé yurikɨ Kakaɨyari hɨkɨtɨni, kaneuyeweka mɨkɨ xemayexeiyani, xɨkata Wahari yuri kakaɨyari hɨkɨtɨni mɨkɨ xekeneuweiyani. 'Ana teɨteri nixeiniuki 'atsimepɨka'utiyua.

Tsatiyaku 4:4

Neuxei teɨteri hipame wa'ɨitama xemɨwakumaɨwa. ¿Kari mɨpaɨ xepɨkatemate, xɨka tinaki'erieka tita kwiepa mɨtimieme, Kakaɨyari kani'uxiwe'eriekamɨkɨ? 'Ayumieme kemɨ'ane mɨyuwaɨriya tita kwiepa mɨtimieme mɨtinaki'eriekakɨ, mɨkɨ Kakaɨyari 'aye'unietɨ payuyeitɨwa.

Tsatiyaku 1:8

huta 'iyariyari mexeiyakɨ, meu'eriene naimekɨ kemɨtiyuriene.

Tsupuniyaxi 1:5

meta kemɨ'ane yukii heima memukatunuma'uwe, muyuawitsie miemete xurawetsixi mewarayexeiyatɨ, meta kemɨ'ane metitunuma'utɨ, kename Yawé me'ayexeiya memutiyuane, kwitɨwata kakaɨyari Muruki yaxeikɨa memɨtehahɨawe,

Rukaxi 16:13

»Ti'uximayatame pɨkayɨwe yuhutame yukutsiyarima wahetsiemieme mɨti'uximayakakɨ. Xeime kani'uxiwe'eriekamɨkɨ xeimeta naki'erietɨ, yaxeimetsie katiniwiyamɨkɨ xeimeta xani'erietɨ. Xepɨkayɨwawe xemɨte'uximayakakɨ Kakaɨyari hetsiemieme yupiinitetsieta xetewiyatɨ».

Mateu 6:24

»Tewi pɨkayɨwe yuhutame yukutsiyarima wahetsie tiwiyatɨ mɨti'uximayaka. Ni'uxiwe'eriekamɨkɨ xeime 'inaki'erietɨ xeime, yatɨni matsi xeime waɨkawa ninaki'eriekamɨkɨ xeime xani'erietɨ. Pɨkayɨwe xemɨte'uximayaka Kakaɨyari hetsie xetewiyatɨ meta yupiinitɨarikatsie xetewiyatɨ.

Tsakariyaxi 13:2

»'Iya tukaritsie kakaɨyarixi memɨwewiyatɨka kememɨtetetewa nepikumaweriya, hatsuaku tawari me'ayexeiyarietɨ mepɨka'akɨne —mɨpaɨ kanaineni Yawé Naimekɨmɨtɨrɨkaɨye—. Metatsiere nepɨwakumaweriya Kakaɨyari niukametemama memɨyuxatakai meta 'iyari mɨka'itiya mɨwanɨkai.

'Utseyaxi 13:16

Teɨteri Tsamariya kiekatari yuhetsie mekatenahɨakuni, yukakaɨyari me'aye'unietɨ mepakɨ. 'Ixiparatekɨ mekanikwi'iwakuni, tɨɨri mekanititetseweiyakuni kwiepa, memayehukatɨka yuhukatsie mekaneuxitekiexɨakuni.

'Utseyaxi 7:8

»'Epɨrahini yumɨireme nuiwarite pɨwanɨ'ɨ, papa tapaxeikɨa mɨwakwani hepaɨ pɨ'ane.

Keremiyaxi 43:13

Tetexi memuwarayexeiya Weti-Tsemetsi mɨti'u kanatixɨrimɨkɨ, meta kakaɨyarixi 'ekipitutari watukite kanititaiyamɨkɨ”».

Kitsariyaxi 44:18

'Atsimepɨkatemate, tixaɨtɨ 'atsimepɨkatehetimaitɨkɨka, wahɨxite peukutsiku, mepɨkaneniere, mepɨkatemaiwawe, mepɨkaheiti'enietɨkɨka.

1 Tsamuheri 5:4

Tawarita 'uxa'arieka ximeri, kepauka memanuku'ui mekanitaxeiya yaxeikɨa rekaikame, hutarieka hetiwaritɨ katinikateitɨni, Yawé tɨratuya hɨxie 'ukaikame. Tuki kitenie paitɨ mu'uya kaniukateitɨni, mamateyata pamumurikai 'ateewa pukuhetei.

1 Wani 2:15

Tita kwiepa mɨtimieme xepɨkatenaki'erieka, kepaɨmetɨ kwiepa mɨtixuawe xepɨkatenaki'erieka. Tita kwiepa mɨtimieme xɨka tinaki'erieka, mɨkɨ yu'ukiyari pɨkanaki'erie.

'Utseyaxi 3:4

Yurikɨ mɨpaɨ mepɨyɨni 'ixaheritsixi mɨixa wiyari mepu'uwani tiyu'aitɨwame mekahexeiyatɨ, meta mekate'umawarɨmetɨ mawari matitaiyarɨwatsie, meta mekaheixeiyatɨ mawari wewiwame kamixaya meta memɨkayuri kakaɨyarixi.

'Utseyaxi 12:11

Karaha kiekatari 'axamekateniu'iyarini, Kanahekɨakari tixaɨ pɨkarayani. Kirikari paitɨ tuurutsixi mepɨwaretimawa, 'ayumieme mɨrayutimawatɨre tetexi kanitaxɨriexɨamɨkɨ, 'ɨtsita paitɨ.

Memeyekɨ 23:24

»Mɨkɨ wakakaɨyarixima wahɨxie pepɨkahetihɨximakiekani. Nenewieri pepɨkawarepitɨaka kememɨtehehu, pepɨkaware'ɨkirieka. Matsi pɨta xekeniwareti'uniri wakakaɨyarixi meta watetexi mɨpatsietɨka xekenetitara.

Mawari 26:30

Xetukite 'etsimɨpepe kakaɨyarixi xemɨtewaranutimawiriwa nepɨka'unaxɨani, meta mawari taiyame 'ɨkwa witsimu'ɨa xematitaiyatsie nepɨka'unaxɨani, meta xekaxarite 'aneme nepɨkeni xekakaɨyarixi memɨka'ayeneniere wa'ɨkiyari waheima, nehaxɨa xehetsɨa punuani.

Temaiwawemete 11:18

'Axatiyuruwame kwamanarikakɨ xeikɨa katina'i'iwani, matsi kemɨ'ane heitseriemekɨ yamemɨtekahu wa'iwarika 'aixɨa kani'aneni.

'Etsekieri 14:5

Mɨpaɨ 'ixaheritsixi wa'iyari nehetsɨa nepɨranuitɨani mɨkɨ kakaɨyarixi 'axamemu'ɨatɨka wahekɨ memɨnetsi'uku'eiriekai”.