'Utseyaxi 10:1 - Kakaɨyari Niukieya

¹ 'Ixaheri Kaxie takari waɨkawa meukatei hepaɨ pɨ'anekai putixuxuawerekai witsi'anenetɨ kayunewierinɨatɨ. Peru kepauka matsi waɨkawa mutixuxuawerekai, matsi waɨkawa mawari taiyamete mepɨtiwewiwakai, kepauka wakwiepa waɨkawa mɨtiutixuaweriyakai, waɨkawa matsi tetexi patsietɨkaime witsi'anenekame mepɨtiwewiwakai.

'Utseyaxi 10:1 ပူးပေါင်းရင်းမြစ်များ

'Utseyaxi 8:11

»'Epɨrahini waɨkawa mawarite taiyame kaniutiwewieni, para 'axamɨti'anekɨ memɨteheuyehɨwiyariekakɨ, peru mɨkɨ mawarite taiyame 'axamemɨteyuriekakɨ pɨta patɨa.

'Utseyaxi 12:11

Karaha kiekatari 'axamekateniu'iyarini, Kanahekɨakari tixaɨ pɨkarayani. Kirikari paitɨ tuurutsixi mepɨwaretimawa, 'ayumieme mɨrayutimawatɨre tetexi kanitaxɨriexɨamɨkɨ, 'ɨtsita paitɨ.

Piriputari 2:21

Hipatɨ yunaitɨ tita wahetsie mɨtimieme xeikɨa metenikuwautɨweni, tita Kɨritsitu Ketsutsi hetsie mɨtimieme mepɨkatekuwautɨwe.

Keremiyaxi 2:28

Kura, ¿hakewari tamɨ kakaɨyarixi pemɨ'atiwewiri? Yuwaɨkawame kakaɨyarixi pepɨwarexeiya kiekarite hepaɨ. Mɨpaɨ ketiniwarutahɨawi meke'anuku'uni. Xɨka 'aku memetsitawikweitsitɨakuni kepauka 'uximatɨarika pemexeiyanitsie.

Mawari 26:1

»Kakaɨyarixi xepɨkawawewieka, meta tetexi patsietɨkaime meta tixaɨtɨmexi wa'ɨkiya xepɨkati'uitɨwani. Yukwiepa xepɨkawati'uitɨwani tetexikɨ metewewiyatɨkaime meta wahetɨa xepɨkatihɨxima'uweni. Ne Yawé xekakaɨyari nekanihɨkɨtɨni.

1 Te'aitamete 14:23

Naitsarie hɨritetsie meta kɨyexi 'amɨpapa mɨ'e'etɨ hetɨa kakaɨyarixi memɨte'atimawiyarɨwa mekaniutiwewieni, tetexi 'amekaniti'uitɨani, meta kakaɨyari 'uka 'Atserá 'ɨkiyari.

2 Kurinitutari 5:16

'Ayumieme hikɨ xeime tepɨkamate teɨteri kememɨte'imate. Tsepa temimaikai Kɨritsitu teɨteri kememɨtehe'eriwa, hikɨ mɨpaɨ tetehe'eriwatɨ tepɨka'imate.

Nahumi 2:2

Karikɨ Yawé yakatiniyurimɨkɨ Kakuwu tawari witsimɨtixeiyarienikɨ, meta 'Ixaheri witsimɨtixeiyarienikɨ, teyu'unamete mekateninawatsirieni, 'iteɨri mukahurukarieni hepaɨ katinanuyeyani.

'Utseyaxi 13:6

Ne nepɨtixe'umi xeme xeputihuxai, peru xehuxatɨ xepuyuti'ɨrixɨ meta xepɨnetsihatɨmai.

'Utseyaxi 13:2

Hikɨ yaxeikɨa 'axapɨtiyuriene, mɨkɨ katiniyuwewirieka kemɨtiyukɨhɨawe, kakaɨyarixi pɨratakɨ pɨtiwawewie, kakaɨyarixi memɨkwaniyarietɨka, mamakɨ memɨwewiyatɨka. Wahepaɨtsita meputiyuane: «Teɨteri mepɨtewamawirie meta mepɨwati'itsewe tsikerutsixi wahepaɨ me'aneneme».

'Utseyaxi 12:8

'Epɨrahini mɨpaɨ putaine yuta'ɨretɨ. «Waɨkawa nepɨrexeiya, waɨkawa ne'ukatewame pɨnetsi'ayeitɨa. Naime nemɨrana'iwaxɨtsie xɨka xete'utixeiya mana xepɨkatekaxeiya 'axamɨti'ane».

'Utseyaxi 8:4

Yɨkɨmana mepɨwaranuka'uitɨwa te'aitamete ne yanekahainekaku, hipame 'itsɨkate mepɨwaranuka'uitɨwa nemɨkawamate. Pɨratakɨ meta hurukɨ yukakaɨyarixi memɨwatiwewiwa para mɨkɨkɨ memuyuka'unakɨ.

'Utseyaxi 2:8

Mɨkɨ mɨpaɨ pɨkaretimaiwe kename ne nehɨkɨ nemɨtimikwa, kaxie winuyari mɨhekwa meta hatseiti nemɨtiyetuirie. Ne waɨkawa nepɨtimɨiririe pɨrata meta huru, ¿ketiuyuri kɨmana? Memɨkayuri kakaɨyarixi pɨwarutiwewi.

'Utseyaxi 3:4

Yurikɨ mɨpaɨ mepɨyɨni 'ixaheritsixi mɨixa wiyari mepu'uwani tiyu'aitɨwame mekahexeiyatɨ, meta mekate'umawarɨmetɨ mawari matitaiyarɨwatsie, meta mekaheixeiyatɨ mawari wewiwame kamixaya meta memɨkayuri kakaɨyarixi.

'Utseyaxi 4:7

Kepauka mawari wewiwamete memɨyutimɨirixɨ, matsi waɨkawa 'axamepɨteyuriekai nehetsɨa, kemɨtimariwekai mekanipata mepɨtewinɨarieni yuhetsiemieme.

'Utseyaxi 13:15

Tsepa 'Epɨrahini rexeiyatɨ matɨa yu'iwama watsata, Yawé 'ekaya kaninuamɨkɨ, 'eka mɨxɨka makumawetsie mieme, hamuhapane meta haixate kanikawaxɨamɨkɨ. Tita memɨteheuxeiya katinika'unariemɨkɨ, naime tita witsiti'anenekame memɨtehexeiyakai katinikumawerimɨkɨ.

Keremiyaxi 11:13

'Ekɨ, Kura, yuwaɨkawame kakaɨyarixi pepɨwarexeiya kiekarite hepaɨ. Pepitiwewi waɨkawame puretini kaye hepaɨ pɨtiyuxexeiya Kerutsaremetsie, 'ɨkwa taiyame Wahari hetsiemieme, tewinɨarika 'ahetsiemieme pepɨtiyurienekai”.

Keremiyaxi 11:17

Yawé Naimekɨmɨtɨrɨkaɨye, mɨmatsi'uka'e, 'uximatɨarika panayetua 'ahetsiemieme, 'axamemɨte'uyurikɨ 'ixaheritsixi meta Kura nuiwarimama. Mɨpaɨ kanaineni Yawé: «Waɨkawa mepɨnetsi'u'uximatɨa Wahari 'ɨkwa memutitairiwakaikɨ».

'Utseyaxi 2:10

Nepitewiyatsitɨani mɨirikɨa tuxexerimama me'ixeiyakaku, nixewitɨ pɨkayɨweni hetsiena mutanuani.