Tsutɨarika 9:27 - Kakaɨyari Niukieya

²⁷ Kakaɨyari Kapeti kwieya 'ake'utayeuriya. Tsemi manukatsie Kapeti ke'ukani, Kanani tiwa'uximayatsiriwame ke'ayani».

Tsutɨarika 9:27 ပူးပေါင်းရင်းမြစ်များ

Xumatari 15:12

Tawari Kitsariyaxi mɨpaɨ paine: «'Itsahi nanarieya kanetiyɨramɨkɨ, mɨkɨ kananukukemɨkɨ nuiwarite mɨtiwata'aitɨanikɨ, hetsiena teɨteri meta'ikwewatɨ mekanakɨnikuni».

Xumatari 11:12

'Axamemɨte'uyurikɨ, kwiepa memɨtama waɨkawa kememɨte'upitɨarie, mɨkɨ memɨka'uyɨwekaxɨakɨ memɨkahuriyutsixi waɨkawa kememɨte'upitɨarie, matsi waɨkawa mekatenipitɨariekuni 'akuxi kepauka memaye'axɨani huriyutsixi.

'Epetsutari 3:13

'Ayumieme nepɨxewawirie xemɨkawaɨripiekakɨ ne'uximatɨariekaku xehetsiemieme. Mɨpaɨ nemɨ'itɨariekɨ, 'ayumieme xepaye'axɨani witsixe'anenetɨ xemakɨnekɨ.

'Epetsutari 3:6

Mɨpaɨ mepɨtehetima, teɨteri memɨkahuriyutsixi huriyutsixi wahamatɨa yaxeikɨa wahetsie pɨtinake, xeiwaiyari mepakɨ huriyutsixi wahamatɨa, 'axeikɨa mepeixeiya tita huriyutsixi memɨte'utahɨawarie kename meheixeiyanikekai mɨkɨ. Kɨritsitu Ketsutsi hetsie metewiyatɨ mɨpaɨ mepu'itɨarie niuki 'aixɨa manuyɨnekɨ.

'Epetsutari 2:19

Hikɨrixɨa 'ayumieme xaɨtsie xepɨkakiekatari, kɨkamete xepɨkahɨkɨ. Matsi Kakaɨyari teɨterimama wahamatɨa heitserie xepexeiya, Kakaɨyari kie xepɨkiekatari.

Marakiyaxi 1:11

Karikɨ, nuiwarite watsata nekanayexeiyarieka, tau 'amɨranatineni 'atsita kepauka manukayune. Naitsarie 'ɨkwa witsimu'ɨa kanitaiyarieka meta mawari hɨkɨatɨ kaniwewiyaka nehetsiemieme, ne nemɨmariwekɨ nuiwarite watsata —mɨpaɨ kanaineni Yawé Naimekɨmɨtɨrɨkaɨye—.

'Utseyaxi 2:14

»'Ayumieme hikɨ nekatini'irɨwiyamɨkɨ: makumawetsie nekanenuwitɨmɨkɨ mana witsi'anekamekɨ nekaneitahɨawimɨkɨ.

Kitsariyaxi 11:10

'Iya tukaritsie 'Itsahi nanarieya panukukeni teɨteri wa'inɨari hepaɨ, mɨkɨ hepa nuiwarite mepɨtinautsa, meta witsi'anetɨ payani hakewa mɨkɨ metayerɨni.

Nɨ'ariekate 17:14

Kwitɨwata 'iwamarixi Papuru haramara tetsita mekanitanɨ'ani mɨyemiekɨ. Tsiraxi meta Timuteu Wereyatsie mekaniyuhayewa.

Tsutɨarika 9:28

Kepauka memutihau waritana Nuhexi 'apuyeikakai 'akuxi haika tsienituyari heimana huta tewiyari heimana tamamata wiyari.

Tsutɨarika 10:2

Kapeti tɨɨriyamama mɨpaɨ mepɨtetetewakai: Kumexi, Makuki, Marahi, Kawani, Tuwari, Metseki meta Tiratsi.

Tsutɨarika 27:29

Waɨkawa teɨteri 'ahetsɨa mekete'uta'uximayata, nuiwarite 'ahɨxie meke'utitunuma'uni. 'A'iwamatɨme peketiwaruta'aitɨani, 'amaama niwemama 'ahɨxie meke'utitunuma'uni. Kemɨ'ane 'axamɨmatsiyurieni mɨkɨta 'axapɨ'itɨarieka, meta kemɨ'ane 'aixɨa mɨmatixeiyani mɨkɨta 'aixɨa pɨ'itɨarieka».

Kitsariyaxi 66:19

»'Inɨari nekaniwawewiriemɨkɨ, hipatɨ memɨyuhayewa nuiwarite kwiepa memɨtama wahetsɨa nepɨwaranunɨ'ani: Taritsi kiekariyaritsie, Puri, Riria (mana kiekatari kwinie mepɨteheutamɨiwawekai), Tuwari meta Kɨretsiya, meta haramara tetsita meteewatsie hakewa memɨkanetsihetamariwawe meta kenemɨtimariwe memɨka'ixeiyawawe. Mɨkɨ mekanenitaxatakuni kenemɨtimariwe nuiwarite watsata.